Meta tags:
Headings (most frequently used words):
2019, أنا, nov, على, لا, توجد, حقيقة, واحدة, مطلقة, يرجع, الصوت, المسافر, 26, dec, 30, 31, oct, search, this, blog, about, me, archives, اتنشر, لي, في, الشروق, نون, الناحية, العملية, أو, كتاباتي, اكتشافات, مدهشة, ناس, معايا, ليل, أفريموف, مــراســم, مواقع, مهمة, حقوق, الملكية, الفكرية, أيام, ليس, لها, آخر, تمشي, report, abuse,
Text of the page (most frequently used words):
أنا (41), على (39), كان (33), ولا (20), اللي (20), جدًا (17), هذا (17), august (14), october (14), december (14), عشان (14), التي (14), september (13), 2019 (13), كده (13), شيء (13), لكن (13), june (12), march (12), may (12), share (12), حاجة (12), إيه (12), november (11), january (11), وأنا (11), شوية (11), كانت (11), كنت (11), february (10), الذي (10), واحدة (10), دلوقتي (10), فيه (10), الآن (10), july (9), april (9), الناس (9), إنتي (9), حتى (9), بعد (9), بعدها (9), هذه (8), نفسي (8), الحزن (8), أنني (8), قبل (8), الحياة (8), ذلك (8), آخر (7), أيام (7), فيها (7), أكثر (7), ناس (6), صغيرة (6), لها (6), عارفة (6), إني (6), عايز (6), لما (6), ممكن (6), اليوم (6), جويس (6), طبعًا (6), الوقت (6), طويلة (6), الأمور (6), روز (5), this (5), كانوا (5), سنة (5), كمان (5), الكتاب (5), يبدو (5), توجد (5), الدكتور (5), عايزة (5), أكتر (5), خالص (5), جديدة (5), يقول (5), أفضل (5), لنا (5), ساعتها (5), بين (5), تلك (5), وهو (5), بطريقة (5), زمان (5), أستطيع (5), بكل (5), الاكتئاب (5), رغم (4), ضفاير (4), ليس (4), حقيقة (4), pinterest (4), facebook (4), blogthis (4), email (4), comments (4), أمشي (4), يعني (4), شايفة (4), ليه (4), عند (4), وما (4), عارف (4), إلى (4), مرة (4), يمشي (4), عندك (4), أوي (4), مكنتش (4), مثلًا (4), الأشياء (4), العربي (4), الإنسان (4), المجلة (4), يشرح (4), لأن (4), خاصة (4), قلبي (4), لأنه (4), غير (4), فترة (4), منذ (4), عليه (4), الشمس (4), عقلي (4), أعرف (4), رأسي (4), يحكي (4), قصة (4), تامر (4), عليّ (4), إلا (4), العلاج (4), الأمر (4), الصوت (4), فقط (3), عدم (3), الأدبية (3), أدري (3), أول (3), معايا (3), العالم (3), رضا (3), حياة (3), حول (3), عنده (3), حاليًا (3), فيزياء (3), لفترة (3), التسعينات (3), الداخلية (3), كأنما (3), مطلقة (3), صمت (3), كتير (3), ومش (3), معاكي (3), نفس (3), الكلام (3), إنك (3), وده (3), أصلًا (3), بقا (3), بانفعال (3), واحد (3), الأول (3), عشر (3), تانية (3), الكلية (3), السؤال (3), يمكن (3), إننا (3), حاجات (3), تقدر (3), المحاضرة (3), وهذه (3), خارج (3), قرأت (3), مجلة (3), الرواية (3), المقالة (3), قال (3), خلاص (3), قلت (3), أخرى (3), إحنا (3), لازم (3), يوم (3), مدينة (3), مثل (3), الشتاء (3), شيئًا (3), المنزل (3), فعلًا (3), تعرف (3), أقول (3), أغلب (3), مؤخرًا (3), بشكل (3), مباشرة (3), شديدة (3), داعي (3), أحد (3), أيضًا (3), طوال (3), صديقي (3), لذلك (3), لأنني (3), بعنف (3), مختلفة (3), لديّ (3), وأن (3), هكذا (3), مَن (3), تحت (3), للشرفة (3), بسبب (3), بها (3), يشعر (3), ألا (3), ربما (3), السيطرة (3), بأن (3), بالسيطرة (3), داخل (3), أقرأ (3), يرجع (3), المسافر (3), محاولة (2), دون (2), شكرًا (2), مكان (2), سعيدة (2), 2006 (2), لنفسي (2), home (2), يأتي (2), وجهه (2), الجو (2), أقرؤه (2), يدور (2), وصف (2), بلغاريا (2), الوصف (2), حزين (2), وقاتم (2), وكئيب (2), شعرت (2), معه (2), بالاختناق (2), مستغربًا (2), ليلة (2), الكريسماس (2), أكتب (2), المخاوف (2), الأصيلة (2), المفروض (2), ألتزم (2), بالمواضيع (2), المبهجة (2), ككتاب (2), posts (2), توصل (2), كويسة (2), للأسف (2), هنا (2), تعملي (2), كتيرة (2), تفتكر (2), بيقول (2), لأني (2), معنى (2), شفتي (2), مماثل (2), أعمل (2), فقدت (2), إحساس (2), الذنب (2), ييجي (2), عندي (2), حركة (2), أهو (2), نفسك (2), تفكّريش (2), طبيعي (2), زهقت (2), بالذنب (2), إزاي (2), الأفلام (2), توني (2), ستارك (2), زهق (2), حاسة (2), بقيتي (2), ناجحة (2), جاية (2), وإنتي (2), فين (2), معناه (2), سنين (2), باخد (2), وزهقت (2), أقع (2), وأقوم (2), تمشي (2), نتقابل (2), خلّيني (2), الموضوع (2), بعضها (2), مما (2), مطروح (2), ومع (2), بدل (2), كنا (2), محظوظين (2), عندنا (2), وكان (2), وكل (2), نفسه (2), ورغم (2), الشارع (2), ضربة (2), شمس (2), بتاعت (2), وكانت (2), برضه (2), الأسرة (2), كلهم (2), بدّ (2), عليها (2), بإخلاص (2), رواية (2), جيمس (2), ومفهمتهاش (2), كتبها (2), ورحت (2), خلّص (2), وقلت (2), منه (2), سرّي (2), وأرجع (2), مني (2), سألني (2), خفيفة (2), كلام (2), فاضي (2), مضيعة (2), نظرة (2), إحدى (2), الأزبكية (2), الجمعة (2), بدري (2), السور (2), المنهج (2), قصيرة (2), إنه (2), كلها (2), البيت (2), العيال (2), وات (2), اتنين (2), مين (2), أسوأ (2), حوالين (2), أطلال (2), المحرقة (2), اللغة (2), عصر (2), العصر (2), كما (2), عزيزي (2), حصلت (2), سابق (2), وجهة (2), جزء (2), حوار (2), nov (2), الماضي (2), فلم (2), أتذكر (2), جانبية (2), ولو (2), أعصابي (2), بينما (2), الإعلانات (2), خاطئة (2), يتطلب (2), لكني (2), يقف (2), يمكنني (2), جعل (2), ماذا (2), لماذا (2), تحمل (2), تعبير (2), الصغير (2), أنه (2), غضبي (2), عاد (2), هادئة (2), فجأة (2), بعضنا (2), المصايف (2), بعدما (2), أدع (2), وقتها (2), تجربة (2), سوى (2), وعلى (2), أصدقائي (2), المقرّبين (2), الموجة (2), الماء (2), وكيف (2), إليها (2), الأطفال (2), لمواجهة (2), جزءًا (2), منها (2), وأشعر (2), أهمية (2), كتبت (2), القصة (2), شوري (2), معي (2), الأصداف (2), والقواقع (2), صنع (2), جميل (2), كأنني (2), دقائق (2), نوعًا (2), فخرجت (2), ثانية (2), وجدت (2), وراء (2), النظارة (2), الشمسية (2), الضوء (2), الغيمة (2), كثيرًا (2), لكنها (2), تمنع (2), صوت (2), الفترة (2), صرت (2), أخرج (2), لنشر (2), وحينما (2), لرقبتي (2), أعملها (2), بيشتغل (2), عمري (2), هائل (2), حالي (2), العزيز (2), القارئ (2), يوجد (2), الموقف (2), جيدًا (2), الكتابة (2), يكتب (2), النوم (2), أترك (2), للصدفة (2), ينبع (2), الدائمة (2), التركيز (2), يدي (2), نقطة (2), وأعرف (2), اصحي (2), وقد (2), بشيء (2), كيف (2), زاد (2), حيث (2), التعامل (2), تمامًا (2), الجهاز (2), صدري (2), تعقيدًا (2), الليل (2), الحال (2), تعجبني (2), غاية (2), عنه (2), عملًا (2), الجديد (2), الأمير (2), والفقير (2), مصوّرة (2), المجلّد (2), ethereal, theme, powered, blogger, المدونة, مِلك, لصاحبتها, وأي, للنقل, الاقتباس, إعادة, النشر, ذِكر, المصدر, واسم, المؤلفة, تخضع, للمساءلة, القانونية, يُرجى, السرقة, نقل, المواد, ونسبتها, لشخص, حقوق, الملكية, الفكرية, بيكتشفوا, مزيكا, مواقع, مهمة, ليـونـيـد, أفـريـمـوف, مــراســم, ليل, أفريموف, أكوان, رنا, ســَديـــم, قـلـبهـا, عـلــبـة, ألــوان, لـسـتُ, زنــــ, مــن, الأولـــ, ســاح, يــا, بــداح, نـور, القمـر, كلـمات, مـجـاز, مـرسـل, إيـبـيـتـاف, عــلــى, بــالــي, مـدونـة, أحـمـد, الفراشات, مطبخ, هاجر, ومنى, أمنية, حواديت, رحاب, بسّام, محمود, عزّت, محمد, عادل, حكايات, القلب, تسنيم, حــِكــَايــة, مشـَاويـْر, هــلّ, هــلالــك, قــهــوة, زيــادة, شـــويــة, ورق, مزدحم, عُــشّــاق, الإسكندرية, شـــادي, فـــلــــك, نهى, الحسن, جـــداريــــة, قصاصات, مدونة, بـلال, عـلاء, ســيــف, خــشـــب, مــلاحــظـات, بــســيــطة, بــديـــهـــية, نور, الخيال, dream, تقارير, راء, اكتشافات, مدهشة, كتابات, الناحية, العملية, كتاباتي, نون, اتنشر, الشروق, report, abuse, 2007, 125, 2008, 149, 2009, 153, 2010, 119, 2011, 2012, 201, 2013, 2014, 2015, 2016, 2017, 2018, archives, view, complete, profile, وأقول, سيطلع, عتمتي, قمر, وسأكون, يومًا, أريد, about, search, blog, ليجلس, بحواري, حافة, الإيوان, الجنوبي, للمسجد, وشعره, منتفش, ورقبته, يرتدي, جاكت, قطيفة, أغسطس, وسوء, لهذا, وقل, ربِ, ارحمـهما, حدوتة, ناسها, بعاد, هيه, ليها, حنة, بنت, شقية, اللى, اخدتش, تعليم, subscribe, atom, older, وصديقها, المقرّب, بالسلامة, keep, touch, كلميني, تبقي, ينظر, إليّ, أبادله, النظر, تعالي, أعدّيكي, أروحه, لوحدي, تلاقي, طُرح, وحاجات, بينك, وتوك, للشِعر, أقعد, أتريق, نافع, المشوار, أعدّي, أشتري, مضطر, خمس, دقايق, وأوصل, لهم, تليفونه, يرنّ, عايزينه, الشغل, أقصد, أهيه, ألاقي, اعملي, ابتسامة, خجول, أصله, أوّسع, دايرة, معارفي, لحياتي, ينفعش, كويس, أتمنى, عمرك, للتفكير, أفقدك, ليا, بيحبوني, وبحبهم, فيهم, بتوقفني, التفكير, أحضنه, يصحّش, مصر, الجديدة, تحب, الأحضان, المؤازرة, وعارف, بيسببه, موت, أحبش, بحبهم, بينفع, بزعيق, إنتا, عمره, بيساعد, معاه, بيزوّد, الحالة, أطنان, أقوم, هوب, المسدس, جانب, الصدغ, وأبوكو, كلكو, فكّري, بتحبيهم, قادرة, أستحمل, بقالك, مستحملة, ومكنتش, سهلة, معلش, كلمي, وكلمينا, إدّي, وقت, اشتغلي, اشغلي, حاولي, تقريبًا, واللي, حكيتيهولي, يهدّ, جبال, تكتئبي, حصل, ربنا, يكون, عونكم, ويقدّركم, حسيتي, بكده, إمتى, down, اسمعوش, وحاسة, شديد, يقعد, كائن, صغيّر, مورجان, وزي, العسل, يسيبها, وضع, ابن, وسخة, مخلصّش, بيحصل, أهله, يعرفوا, يعيشوا, موافقك, بتقوليه, الآخر, لبس, الأحجار, وفرقع, صوابعه, متفق, سبب, بيخلّيني, باقعد, أتفرج, والمسلسلات, بافضّلهم, التفاعل, العاديين, بارتبط, بيهم, بسهولة, حواليا, سلسلة, الأفنجرز, بشوفهاش, وجديد, بالترتيب, أفلام, بحب, روبرت, داوني, جونيور, وعايز, يعمل, وعشان, وكبر, عينيه, ذنب, رهيب, شايفاه, اتغيرتي, تبتدي, ألطف, وأهدى, وأذكى, تسيبي, وتمشي, وتقولي, زهقتي, تسمعي, كلامه, وإحنا, نروح, كلمينا, authority, figure, الدوا, بيشتغلش, جديد, خليكي, أصحابك, عرفت, المواقف, خبرة, تكلمي, you, know, the, drill, بقالي, فرص, عزّ, نجاحك, oct, انبسطتي, اممم, غريبة, خصوصًا, أشوف, مفكرتش, الحاجة, لوكشة, كبيرة, نتعامل, نتعلّم, وكتيرة, بطرق, بكتير, اتعلمناها, نطلع, المكتبة, وكانوا, هما, يهتموا, بالمكتبة, ويمسحوا, التراب, الكتب, خيارات, أوسع, خفي, المتاح, تقول, طيب, أحكي, زاوية, دكتور, صغير, السن, نسبيًا, بيعاملنا, وحش, علينا, ألفاظ, معناها, اهتميتش, أدوّر, القاموس, الإحساس, بتاعها, مهين, جوّ, التعالي, فارغي, العقول, قاعدين, قدامه, وجايين, يعطلوه, ويضيعوا, وقته, دولت, قلائل, معدودة, بيخرج, موضوع, والمنهج, يربط, بينه, الخارجي, وكده, الثقافي, الأيام, الباسمة, 2005, باشتري, الدستور, إصدارها, الثاني, الفخيم, المبجّلة, العظيمة, وجرنان, أخبار, الأدب, المرحوم, جمال, الغيطاني, بيكتبوا, منتهى, الجمال, والعظمة, ملليمتر, متاح, الهوامش, الصفحة, بـ2, جنيه, وسميكة, وكنت, باجيب, الكويتي, جرايد, أجيبها, نطاق, الأهرام, وأخبار, المعتادين, باجيبها, وبنفسي, ومواظبة, قرائتهم, صحيح, الجلدة, للجلدة, يذاكر, يتظاهر, بذلك, الأقل, باحرص, مهتمة, بالسياسة, باتجاهل, بضمير, مستريح, مقالات, إبراهيم, عيسى, وغيرها, صفحتين, وبعد, صفحة, بيتذاكروا, تام, فاكرة, الكويتية, مقالة, عوليس, ulysses, لمحيّر, البشرية, قرا, نفسها, مفهمهاش, وغالبًا, وترجمها, ونشرها, شيلت, الشنطة, بيها, واستنيت, خلصت, المتعالي, غرفة, الدكاترة, استنيته, الطلبة, التانيين, وتقدّمت, للمكتب, وفتحت, سمحت, قريت, تشرحها, شاف, وعنوانها, زَفَر, ضيق, وقال, لسه, طالع, محاضرة, أدخل, وكمان, أشرح, فأنا, بصيت, باحتقار, ولمّيت, باقول, تعملها, واستعديت, راح, سيبيها, أقراها, ولمّا, إحم, بسلّفش, مجلاتي, كتبي, اشرحها, أخد, بيبص, النظرات, تقتل, وقرأ, سريعًا, وقعد, يشرحها, ويحاول, بابتسامة, قريتيها, فضحك, وكمّل, شرح, فهمتي, ولميت, حاجتي, ومشيت, ندمانة, اتأخرت, قعدت, أسمع, هبلة, واضح, كاتبها, فاهم, الدنيا, واستغربت, تقيلة, تدفع, فلوس, لناس, بتكتب, يضحك, وعملتي, فضلت, أضحك, لسنين, لحد, أفتكر, الاحتقار, رميتها, للدكتور, وإحساسي, مفهمتش, بشوية, لاقيت, أهل, دبلن, نازلة, مُترجمة, مكتبة, ترجمة, ولاقيتها, dubliners, بالإنجليزي, غزواتي, لسور, متعوّدة, وفين, أنزل, الصبح, باصحى, أغزو, أقلّب, الصلاة, ممتنة, بالمناسبة, لغزواتي, ذكرى, حية, جوة, مخي, لشكل, يتهدّ, لحساب, مترو, الأنفاق, وأشياء, بقاله, معزّة, شرط, أفهمه, كبرت, وعرفت, أغامر, وأقرا, لبروست, وأتفاخر, مفهمتوش, نقرا, نفهمش, وعادي, قضية, بقيت, باعزّ, الأيرلندي, ستي, يخرجوا, يقولوا, والواقعية, السحرية, ويشجعونا, نكتب, قصص, ويقولوا, منّا, الحكايات, المجد, الغابر, والعزّ, الفائت, والنقمة, الهائلة, جيل, معفن, بنفهمش, مفيش, مننا, رجا, وآخرتنا, الجواز, والقعدة, بنربّي, قعدنا, نربّي, ننبسط, ونعرف, أدباء, آيرلندا, وأمريكا, الجنوبية, والحركات, أثّرت, التاريخ, يقدر, يختلف, بتاعه, يتضايق, مشرحلوش, برة, قرأه, ثقافية, بيقرا, بتنزل, تتسحب, الشهر, العام, المقفول, والاختلافات, والانقسامات, السياسية, طلّعت, المناخ, تتجادل, إذا, يقصد, بروايته, الكارثية, شارب, ومات, يحيّرنا, كلنا, لأبد, الآبدين, لأنك, تبقى, عامل, هدومهم, مبهدلة, ومقطعة, ماسكين, قطعة, خبز, قديمة, وبايتة, وقاعدين, عالم, وبيتجادلوا, استجابة, لمتطلبات, الحداثة, مصلحتها, تتمسك, بمفردات, الإدواردي, ترى, منطقي, مصلحتك, بالعكس, شايف, قاعد, بتقولي, أتمسّك, بالحاجة, تخليني, أنبسط, مجرد, جدل, استجابات, للتيارات, عليا, يسعدني, أعمله, حقيقي, وهنا, نختلف, نظرك, مبسوط, ذكريات, مكانتش, باسمة, باسم, مُتخيَّل, الوقائع, حقيقية, الغضب, لهما, كأيامي, كالبرد, يتسلل, ليحتلّ, مكانه, ببطء, وثقة, هادرين, ويأكل, روحي, كالعطن, سكن, أعد, دفعه, ثقيلة, لوجود, مبرر, قرأته, القوة, المهدرة, للعمالة, المنسية, مشابه, ملايين, تضيع, أعمارهم, انتظار, انصلاح, الأحوال, تنصلح, التعلل, بالأمل, والتشبث, بأساطير, تتحقق, ومعارك, وهمية, كثيرة, وعقيمة, عمر, يمضي, وأيام, وليل, تطلع, طلعت, لأحرقته, تعد, مشهدًا, كهذا, يحطّم, متسوّلون, تشيع, شبه, الرسمية, المعتمدة, المؤكدة, أنهم, يكنزون, أجولة, النقود, بيوتهم, ونحن, البلهاء, نعطيهم, إياها, يزدادون, عددًا, المناطق, السكنية, أنها, نظيفة, وتحت, الضخمة, مرّفهة, أتصوّر, وجودها, بالأفلام, الرديئة, يدفع, للعطب, دوائري, العصبية, تتوقف, العمل, ويغمر, أمكث, لأسابيع, الحركة, مؤمنة, والكثير, كمبوند, تجمعات, سكانية, مكتوبة, أماكن, موجودة, ويبدأ, المتر, بأرقام, نطقها, كتابتها, أذكر, سمعت, رقمًا, مماثلًا, فانفعلت, منزلًا, ضواحي, كاليفورنيا, الأمريكية, ربع, المبلغ, فهزّ, أخي, رأسه, علامة, كلامًا, فارغًا, كعادتي, ووافقته, الرأي, black, friday, أمضي, وقتي, أشكو, الملل, أينعم, معظم, الحالات, تحمّل, انهيار, الأعصاب, يصيبني, كلما, نزلت, للشارع, تزعجني, الفوضى, وغياب, الخطوط, الواضحة, والنظام, هزّني, انتشار, المتسوّلين, مفرط, رجال, ونساء, وأطفال, بملابس, متسخة, وأجساد, ضامرة, وشعور, ملبدة, قذرة, إشارات, المرور, وفي, فتحات, الشوارع, وسط, السيارات, يتسوّلون, يبيعون, المناديل, وفوق, رؤوسهم, لافتات, مضيئة, الضخامة, لدرجة, تركيبها, أعمدة, الأسمنت, للإعلان, خصومات, البيضاء, تحريف, ليوم, الخصومات, الأمريكي, ومعناه, كفاية, احتياجاتي, الأساسية, الحرفي, مضحك, قليلًا, الطرفين, يتقابلان, طرفا, يعرف, تريدهم, يتقابلا, أملك, إجابة, الأسئلة, الفارغة, تشغل, طاحونة, للأسئلة, العبثية, المضحكة, أغلبها, وضعت, تصوّرات, منطقية, نوعية, غزاة, الفضاء, والكواكب, الأخرى, وسلاحف, النينجا, أسماء, فناني, النهضة, can, make, ends, meet, الشهرين, الماضيين, ضغطت, الأوضاع, الاقتصادية, المتردية, بقوة, انسحقت, أسفلها, للإنجليز, طبع, ناري, يشبه, ثورًا, أهوج, يمسك, ببازوكا, متى, يغضب, منك, فيطلقها, إصبع, قدمك, لمجرد, تحرّك, تعجب, حضرة, سيادة, الثور, المبجّل, مللت, نوبات, للحكي, بنبرات, احتدّ, كلانا, يراكم, غضبًا, مكتومًا, أقل, تكّة, ينفجر, وصديقتي, مصابتان, بالغضب, وننفجر, أوجه, ننفجر, ضحكًا, ويعلو, صوتانا, الجدال, والسخرية, والضحك, والشتائم, المناداة, البعض, أبذل, مجهودًا, فوق, العادي, للتحكّم, صامتة, فتحت, فمي, أصرخ, أقضي, أيامًا, شهورًا, أكفّر, إحساسي, الصراخ, سألت, تجربته, صغيرًا, ضايقته, لبرهة, نفى, مرسى, تشتهر, جميلة, عدّدنا, معًا, أسباب, رداءة, الشواطئ, والمدن, الساحلية, لذكرياته, تركته, وصمتّ, السابق, أنطلق, كقطار, يرى, أمامه, مزلقانات, أتوقف, الغاضب, مجمله, فرصة, لمن, يسمعني, ذكرياته, الشخصية, فلا, مجال, للغضب, المخالف, يجد, أذنًا, تسمعه, حديثًا, أجريته, اكتسحتهم, موجة, الحنين, العارم, النوستالجيا, لكل, مضى, حلاوة, وبسطرمة, أحلى, تأكيد, الزمن, يعد, بركة, وقبل, ينطلق, غاضبًا, كعادته, سبّ, أيامنا, وأيامهم, وأمخاخهم, تحيل, قديم, لذهبي, ووردي, يقدّر, بثمن, سألته, مصايف, النابع, صديقتي, المقرّبة, تحكي, اللوثة, أصابت, ذاته, ليتحدث, عنها, حولها, أصبحوا, يتحدثون, بحنين, جارف, الأزمنة, الغابرة, وعرج, بنا, الحوار, ذهبت, وهي, طفلة, أهلها, مزدحمة, وضيقة, ينتبه, الكبار, عادة, لاحتياجات, غاضبة, عهد, الاشتراكية, مرئيين, أطفال, الكلاسيكي, القديم, صغارًا, يعيقون, كبارًا, إعدادهم, صعوبات, يكونوا, غيورغي, غوسبادينوف, دار, أثر, أغلقت, لأستطيع, التنفس, الحديث, وجدتني, أعرج, طفولتي, اللعب, بالبلي, الزجاجية, القطة, العميا, وأقلام, الحبر, تسبح, بداخلها, قوارب, والأستيكة, ذات, رائحة, الفواكه, والتي, اختراعًا, هائلًا, والشيبسي, والكاراتيه, واللعب, تتسخ, ملابسنا, وشعورنا, بالرمال, وشرب, خرطوم, رشّ, الحديقة, وأكثر, فأغلقت, الكاتب, صوفيا, الحكم, السوفييتي, بكم, التشابه, الرهيب, غباء, الشيوعية, وتناحة, وضعنا, الحالي, لأنهم, يتبادلون, صناديق, الهدايا, معلومة, أردت, ذِكرها, وخلاص, boxing, day, يسمّون, التالي, للكريسماس, تصبحين, خير, أنام, أفرغت, شحنتي, السلبية, بنجاح, لصديقي, حكيت, السخيفة, قرأتها, حتت, مخّي, نوّرت, فردّ, عظيم, الأسبوع, حضرت, صديقتنا, اللطف, والجمال, لمنزلي, وصنعت, بحماسها, المُعدي, لوحة, والأحجار, رؤوس, الفلاسفة, الغارقين, الواد, ومفتاح, للكنز, ولآلئ, متحمّسة, الرغم, مخزونة, سنوات, اللوحة, أستطع, تجاوز, أعامل, حاجياتي, كأنه, فائدة, متّ, ويمتلك, شبحي, تناولي, للدواء, وبحضور, المصباح, وبين, هبّة, رياح, وأخرى, الهدوء, طالت, تطلعّت, مطوّلًا, للحديقة, النخل, الاستوائي, يتمايل, الهواء, فضحكت, يتخيل, نخلًا, وبحرًا, وشاطئًا, قلب, نصر, اشتدت, الرياح, فدخلت, نشأة, العاصفة, الحالية, خرجت, ووجدت, محتجبة, غيمة, ارتديت, لإصابتي, بحساسية, ولوّحت, كأنها, تحييني, ظللنا, حديثنا, الصامت, لعدة, قياسات, وعنجهيتي, أتت, الستارة, الملوّنة, اشتريتها, وأحبها, وأعلقها, باب, الشرفة, ولهذا, السبب, فهي, تحجب, القوية, كيلا, تصيبني, بالصداع, النصفي, أشعتها, ساقيّ, فأمدهما, وأتخيل, البحر, وأشغل, أمواج, المحيط, والنوارس, تطبيق, لأصوات, الطبيعة, موبايلي, إنني, أحيانًا, أرتدي, وأروح, أتخيّل, أننا, المصيف, الأخيرة, لدينا, بلكونة, الغسيل, بيتنا, تطل, حديقة, نخل, استوائي, مزحة, طريفة, صاحبها, وأشجار, أزهارًا, ملوّنة, أكن, غسيلي, أفعل, أتطلع, للشجر, للسماء, يكلفني, لأعلى, لأسفل, تحريكة, بسيطة, خروج, مسار, حياتي, اليومية, مدّ, درقة, السلحفاة, أحطت, الأخير, أرى, ضوء, بالتعبير, المجازي, والحقيقي, خلف, وأنفه, متكوّر, اشمئزازًا, يحبّ, الرثاء, للذات, إيدي, مبتقفش, وبشكل, علّمني, نظر, الصحة, وليه, تقوليش, مميزات, يعرّفك, البني, آدمين, بنفس, الطريقة, عقلك, ميزة, هايلة, استغليها, محتاجة, ثقة, بالنفس, اعتدت, أكرر, الجملة, ذاتها, مصاب, بعطب, إصلاحه, أضفنا, العِلل, المختلفة, يعاني, جسمي, وأغلبها, وراثي, عيوب, خلقية, أرثى, بالسخط, بالنقمة, ولدت, الجينات, المعطوبة, التقيت, بصديقي, بالشفقة, لحالي, تذكّر, والمواقف, طريقة, للنظر, بقراءة, عاليه, بالإشفاق, عرف, تخيفني, طيلة
Text of the page (random words):
ه حاليًا فيزياء الحزن يدور وصف لفترة التسعينات في بلغاريا الوصف حزين وقاتم وكئيب شعرت معه بالاختناق فأغلقت الكتاب يحكي الكاتب عن مدينة صوفيا تحت الحكم السوفييتي وأشعر أنا بكم التشابه الرهيب بين غباء الشيوعية وتناحة وضعنا الحالي لكن هذه قصة أخرى أغلقت الكتاب لأستطيع التنفس ومع الحديث عن التسعينات وجدتني أعرج على طفولتي أنا اللعب بالبلي الزجاجية و القطة العميا وأقلام الحبر التي تسبح بداخلها قوارب صغيرة جدًا والأستيكة ذات رائحة الفواكه والتي كانت اختراعًا هائلًا وقتها والشيبسي والكاراتيه واللعب في الشارع حتى تتسخ ملابسنا وشعورنا بالرمال وشرب الماء مباشرة من خرطوم رشّ الحديقة كل هذا وأكثر أتذكر حديثًا أجريته مؤخرًا مع أحد أصدقائي المقرّبين كان يحكي عن أن الناس اكتسحتهم موجة الحنين العارم أو النوستالجيا لكل ما مضى وأن حلاوة زمان وبسطرمة زمان كانوا أحلى بكل تأكيد وأن هذا الزمن لم يعد فيه بركة وقبل أن ينطلق غاضبًا كعادته في سبّ أيامنا وأيامهم وأمخاخهم التي تحيل كل شيء قديم لذهبي ووردي و لا يقدّر بثمن سألته عن مصايف زمان السؤال النابع من حوار سابق مع صديقتي المقرّبة كانت تحكي لي بانفعال عن نفس الموجة لا بدّ أن اللوثة أصابت الماء ذاته ليتحدث عنها كل الناس هكذا وكيف أن كل مَن حولها أصبحوا يتحدثون فجأة بحنين جارف عن الأزمنة الغابرة وعرج بنا الحوار إلى المصايف التي ذهبت إليها وهي طفلة مع أهلها وكيف كانت مزدحمة وضيقة ولا ينتبه فيها الكبار عادة لاحتياجات الأطفال كانت غاضبة جدًا في عهد الاشتراكية كان الأطفال غير مرئيين مثل أطفال العصر الكلاسيكي القديم كانوا صغارًا يعيقون كبارًا تم إعدادهم لمواجهة صعوبات الحياة التي لم يكونوا جزءًا منها غيورغي غوسبادينوف فيزياء الحزن دار أثر سألت صديقي إن كانت تجربته مع المصايف صغيرًا قد ضايقته صمت لبرهة ثم نفى ذلك قال إن مرسى مطروح زمان قبل أن تشتهر كانت جميلة فعلًا وكانت الحياة هادئة ثم عدّدنا معًا أسباب رداءة الشواطئ والمدن الساحلية بعدها عاد لذكرياته تركته يحكي وصمتّ أنا بعدما كنت في السابق أنطلق كقطار لا يرى أمامه ولا يقف في أي مزلقانات ولا أتوقف عن الكلام الغاضب في مجمله ولا أدع فرصة لمن يسمعني وقتها أن يحكي لي عن تجربة مختلفة حتى لو كانت من ذكرياته الشخصية فلا مجال لديّ سوى للغضب وعلى المخالف أن يجد أذنًا أخرى تسمعه أقول عاد صديقي للحكي بنبرات هادئة ثم احتدّ فجأة كلانا يراكم غضبًا مكتومًا عند أقل تكّة ينفجر أنا وصديقتي مصابتان بالغضب طوال الوقت نتقابل وننفجر في أوجه بعضنا ثم ننفجر ضحكًا ويعلو صوتانا في الجدال والسخرية والضحك والشتائم حتى في المناداة على بعضنا البعض أبذل مجهودًا فوق العادي للتحكّم في غضبي في المنزل لذلك في أغلب الوقت أنا صامتة لأنني لو فتحت فمي أصرخ بعنف بعدها أقضي أيامًا أو شهورًا أكفّر عن إحساسي بالذنب لذلك الصراخ لي طبع ناري يشبه ثورًا أهوج يمسك ببازوكا طوال الوقت ولا تعرف متى يغضب منك فيطلقها على إصبع قدمك الصغير لمجرد أنه تحرّك في وجهه حركة لا تعجب حضرة سيادة الثور المبجّل أنا نفسي مللت من نوبات غضبي في الشهرين الماضيين ضغطت الأوضاع الاقتصادية المتردية على أعصابي بقوة حتى انسحقت أسفلها للإنجليز تعبير يقول i can t make ends meet ومعناه أنني لا أستطيع كفاية احتياجاتي الأساسية بينما معناه الحرفي مضحك قليلًا لا يمكنني جعل الطرفين يتقابلان طرفا ماذا لا أحد يعرف لماذا تريدهم أن يتقابلا لا أملك إجابة أيضًا لكن مثل تلك الأسئلة الفارغة تشغل رأسي طوال الوقت طاحونة للأسئلة العبثية المضحكة في أغلبها خاصة لو وضعت تصوّرات غير منطقية من نوعية غزاة الفضاء والكواكب الأخرى وسلاحف النينجا التي تحمل أسماء فناني عصر النهضة أمضي أغلب وقتي في المنزل أشكو من الملل أينعم لكني في معظم الحالات لا أستطيع تحمّل انهيار الأعصاب الذي يصيبني كلما نزلت للشارع تزعجني الفوضى وغياب الخطوط الواضحة والنظام لكن أكثر ما هزّني مؤخرًا كان انتشار المتسوّلين بشكل مفرط يقف رجال ونساء وأطفال بملابس متسخة وأجساد ضامرة وشعور ملبدة قذرة حول إشارات المرور وفي فتحات الشوارع وسط السيارات يتسوّلون أو يبيعون المناديل وفوق رؤوسهم مباشرة لافتات مضيئة شديدة الضخامة لدرجة إن تركيبها يتطلب أعمدة من الأسمنت للإعلان عن خصومات لـ الجمعة البيضاء وهو تحريف لا داعي له ليوم الخصومات الأمريكي black friday عشان إحنا ناس مؤمنة طبعًا والكثير جدًا من الإعلانات عن كمبوند أو تجمعات سكانية مكتوبة بطريقة خاطئة في أماكن لا أعرف هل هي موجودة فعلًا أم لا ويبدأ المتر فيها بأرقام لا تعرف نطقها أو كتابتها أذكر مرة سمعت فيها رقمًا مماثلًا فانفعلت وقلت له إن منزلًا في ضواحي كاليفورنيا الأمريكية لا يتطلب ربع هذا المبلغ فهزّ أخي رأسه علامة على أنني أقول كلامًا فارغًا كعادتي ووافقته الرأي لكن مشهدًا كهذا يحطّم أعصابي متسوّلون تشيع الرواية شبه الرسمية المعتمدة المؤكدة أنهم يكنزون أجولة من النقود في بيوتهم ونحن البلهاء نعطيهم إياها كل يوم بينما يزدادون عددًا حول المناطق السكنية التي يبدو أنها نظيفة وتحت الإعلانات الضخمة عن حياة مرّفهة لا أتصوّر وجودها ولا حتى بالأفلام الرديئة هذا ما يدفع عقلي للعطب دوائري العصبية تتوقف عن العمل ويغمر قلبي الحزن أمكث في المنزل لأسابيع بعدها لا أستطيع الحركة أتذكر شيئًا قرأته منذ فترة طويلة جدًا عن القوة المهدرة للعمالة المنسية أو شيء مشابه عن ملايين تضيع أعمارهم في انتظار انصلاح الأحوال ولا تنصلح عن التعلل بالأمل والتشبث بأساطير لا تتحقق ومعارك وهمية جانبية كثيرة جدًا وعقيمة عمر يمضي وأيام لا آخر لها وليل لا تطلع عليه الشمس ولو طلعت عليه لأحرقته لم تعد لنا حاجة به لا يبدو أن الغضب أو الحزن لهما آخر كأيامي كالبرد الذي يتسلل الآن ليحتلّ مكانه ببطء وثقة هادرين ويأكل روحي مثل الشتاء الماضي كالعطن الذي سكن قلبي فلم أعد أستطيع دفعه أيام طويلة ثقيلة لوجود ليس له مبرر أو معنى 28 11 2019 at november 30 2019 no comments email this blogthis share to x share to facebook share to pinterest 6 nov 2019 انبسطتي في الكلية اممم غريبة السؤال ده خصوصًا في أول مرة نتقابل فيها خلّيني أشوف أنا مفكرتش أوي في الموضوع قبل كده يمكن عشان مكنتش باخد الحاجة على بعضها لوكشة واحدة أنا دلوقتي وأنا كبيرة كده حاسة إننا كان ممكن نتعامل أفضل في الكلية نتعلّم حاجات جديدة وكتيرة بطرق أفضل بكتير مما اتعلمناها كان ممكن نطلع المكتبة أكتر وكانوا هما ممكن يهتموا بالمكتبة ويمسحوا التراب اللي على الكتب أكتر أنا دلوقتي عارفة إن الحياة فيها خيارات أوسع جدًا مما كان مطروح لنا ساعتها لكن وأنا صغيرة مكنتش عارفة ده أوي ومع ذلك كان فيه إحساس خفي إن هو ده كل المتاح عدم رضا تقدر تقول كده زي إيه عدم رضا عن إيه طيب بدل السؤال ده خلّيني أحكي لك من زاوية تانية أنا شايفة إننا كنا محظوظين جدًا يعني مثلًا كان عندنا دكتور صغير في السن نسبيًا وكان بيعاملنا وحش وكل حاجة كان بيقول علينا ألفاظ مكنتش عارفة معناها وما اهتميتش إني أدوّر في القاموس بس الإحساس بتاعها نفسه كان مهين وكان عنده جوّ كده من التعالي على شوية فارغي العقول اللي قاعدين قدامه وجايين يعطلوه ويضيعوا وقته دولت لكن ورغم كل ذلك كان واحد من قلائل معدودة جدًا كان بيخرج عن موضوع المحاضرة والمنهج عشان يربط ما بينه وما بين العالم الخارجي مش الناس في الشارع وكده لأ العالم الثقافي وأنا كنت ساعتها في تلك الأيام الباسمة من 2005 2006 باشتري الدستور في إصدارها الثاني الفخيم أيام ضربة شمس وهذه الأشياء المبجّلة العظيمة وجرنان أخبار الأدب أيام المرحوم جمال الغيطاني لما كانوا بيكتبوا حاجات في منتهى الجمال والعظمة في كل ملليمتر متاح حتى الهوامش بتاعت الصفحة وكانت بـ2 جنيه بس وسميكة وكنت باجيب برضه العربي الكويتي كانت أول جرايد أجيبها خارج نطاق الأسرة خارج الأهرام وأخبار اليوم المعتادين باجيبها لنفسي وبنفسي ومواظبة على قرائتهم كلهم صحيح مش من الجلدة للجلدة عشان برضه الإنسان لا بدّ يذاكر أو يتظاهر بذلك على الأقل لكن كان فيه حاجات باحرص عليها مكنتش مهتمة بالسياسة ساعتها فا كنت باتجاهل بضمير مستريح مقالات إبراهيم عيسى وغيرها لكن صفحتين ضربة شمس وبعد ذلك صفحة واحدة للأسف كانوا بيتذاكروا بإخلاص تام أنا فاكرة مرة قرأت في مجلة العربي الكويتية مقالة صغيرة عن رواية عوليس أو ulysses لمحيّر البشرية الأول جيمس جويس ومفهمتهاش طبعًا اللي قرا الرواية نفسها مفهمهاش وغالبًا اللي كتبها وترجمها ونشرها فا شيلت المجلة في الشنطة ورحت بيها الكلية واستنيت لما المحاضرة خلصت بتاعت الدكتور المتعالي ده ورحت له غرفة الدكاترة استنيته لما خلّص مع الطلبة التانيين وتقدّمت للمكتب وفتحت المجلة وقلت له لو سمحت أنا قريت المقالة دي ومفهمتهاش ممكن تشرحها لي لما شاف المقالة وعنوانها زَفَر في ضيق كده وقال لي أنا لسه طالع من محاضرة وح أدخل واحدة تانية وكمان ح أشرح جيمس جويس فأنا بصيت له باحتقار ولمّيت المجلة منه وأنا باقول في سرّي ليه عندك حاجة أفضل تعملها واستعديت إني أمشي راح قال لي خلاص خلاص سيبيها ح أقراها وأرجع لك ولمّا كنت ساعتها إحم زي دلوقتي ما بسلّفش مجلاتي ولا كتبي قلت له لا شكرًا اشرحها لي دلوقتي أخد مني المجلة وهو بيبص لي بطريقة لو أن النظرات تقتل وقرأ المقالة سريعًا وقعد يشرحها لي ويحاول يشرح لي الرواية بعد ما سألني بابتسامة خفيفة قريتيها قلت له لأ فضحك وكمّل شرح خلّص سألني فهمتي حاجة قلت له لأ ولميت حاجتي ومشيت وأنا ندمانة جدًا إني اتأخرت على المحاضرة اللي بعدها عشان قعدت أسمع كلام فاضي عن رواية هبلة واضح إن كاتبها نفسه مش فاهم هو عايز إيه في الدنيا واستغربت إن مجلة تقيلة زي العربي تدفع فلوس لناس بتكتب كلام فاضي إيه مضيعة الوقت دي يضحك وعملتي إيه بعدها ولا حاجة فضلت أضحك في سرّي لسنين طويلة بعدها لحد دلوقتي كل ما أفتكر نظرة الاحتقار اللي رميتها للدكتور وإحساسي بـ مضيعة الوقت لما مفهمتش جويس بعدها بشوية لاقيت أهل دبلن نازلة مُترجمة مع مكتبة الأسرة ترجمة كويسة كمان ولاقيتها dubliners بالإنجليزي في إحدى غزواتي لسور الأزبكية اللي كنت متعوّدة عليها كل فين وفين كده أنزل الجمعة الصبح بدري أيام ما كنت باصحى بدري أغزو السور أقلّب فيه وأرجع بعد الصلاة أنا ممتنة بالمناسبة لغزواتي دي لأن عندي ذكرى حية جوة مخي لشكل السور زمان قبل ما يتهدّ لحساب مترو الأنفاق وأشياء أخرى جويس بقاله معزّة خاصة في قلبي مش شرط أفهمه أنا خلاص كبرت وعرفت ده أنا ممكن أغامر وأقرا لبروست كمان وأتفاخر إني مفهمتوش عشان هذه هي الحياة نقرا وما نفهمش وعادي يعني مش قضية بس أنا بقيت باعزّ هذا الأيرلندي جدًا عارف ليه ليه يا ستي عشان إحنا كنا محظوظين جدًا إحنا كان عندنا ناس ممكن يخرجوا عن المنهج عشان يقولوا لنا شيء عن جويس والواقعية السحرية ويشجعونا نكتب قصص قصيرة ويقولوا لنا إنه ييجي منّا بدل ما الحكايات كلها عن المجد الغابر والعزّ الفائت والنقمة الهائلة إننا جيل معفن ما بنفهمش مفيش مننا رجا وآخرتنا الجواز والقعدة في البيت بنربّي العيال سو وات لو قعدنا في البيت نربّي العيال مش لازم ننبسط شوية ونعرف حاجة أو اتنين عن أدباء آيرلندا وأمريكا الجنوبية والحركات الأدبية التي أثّرت في التاريخ مين دلوقتي يقدر يختلف مع الدكتور بتاعه أو يتضايق منه لأنه مشرحلوش شيء برة المنهج قرأه في مجلة ثقافية مين دلوقتي بيقرا العربي اللي أصلًا بتنزل يوم 20 عشان تتسحب يوم 28 من الشهر الجو العام المقفول والاختلافات والانقسامات السياسية طلّعت أسوأ ما في الناس هل في المناخ ده تقدر تتجادل حوالين إذا كان جويس يقصد شيء ما بروايته الكارثية ولا كتبها وهو شارب حاجة ومات قبل ما يشرح ده عشان يحيّرنا كلنا لأبد الآبدين تقدر لأ لأنك ساعتها ح تبقى عامل زي اتنين هدومهم مبهدلة ومقطعة ماسكين قطعة خبز قديمة وبايتة وقاعدين على أطلال مدينة في عالم ما بعد المحرقة وبيتجادلوا هل استجابة اللغة لمتطلبات عصر ما بعد الحداثة ده في مصلحتها أم كان لازم تتمسك بمفردات العصر الإدواردي وده كما ترى يا عزيزي شيء غير منطقي ومش في مصلحتك بالعكس أنا شايف إن حتى لو أنا قاعد على أطلال ما بعد المحرقة زي ما بتقولي لازم أتمسّك بالحاجة اللي تخليني أنبسط حتى لو كانت مجرد جدل حوالين استجابات اللغة للتيارات الأدبية اللي حصلت في من سابق عليا لو ده يسعدني ح أعمله بإخلاص حقيقي وهنا نختلف بس أنا شايفة وجهة نظرك أنا مبسوط إن عندك ذكريات سعيدة عن فترة مكانتش باسمة أوي إيه في الحياة باسم أوي سي لا في يا عزيزي سي لا في جزء من حوار مُتخيَّل لكن الوقائع الداخلية حقيقية 6 11 2019 at november 06 2019 no comments email this blogthis share to x share to facebook share to pinterest 31 oct 2019 تمشي إنتي جاية تمشي دلوقتي وإنتي في عزّ نجاحك بانفعال أنا عايزة أمشي من عشر سنين أنا بقالي عشر سنين باخد فرص تانية وزهقت بقا كل شوية أقع وأقوم أقع وأقوم وزهقت بس ده معناه إنك you know the drill بقيتي عارفة تعملي إيه في المواقف دي عندك خبرة ما تكلمي الدكتور ح يقول لي إيه يعني ما الدوا ما بيشتغلش معايا ح يقول لي إيه جديد خليكي مع أصحابك ما عرفت آه بس عشان هو authority figure ح تسمعي كلامه وإحنا أهو ح نروح فين كلمينا بس أنا زهقت إنتي جاية دلوقتي وإنتي ناجحة وتقولي إنك زهقتي أنا ناجحة إنتي مش شايفة إنتي اتغيرتي خالص إنتي ح تبتدي حاجة جديدة جدًا حياة جديدة إنتي بقيتي ألطف وأهدى وأذكى عايزة تسيبي كل ده وتمشي لأني مش شايفاه عارف فيه سبب بيخلّيني باقعد أتفرج على الأفلام والمسلسلات بس بافضّلهم على التفاعل مع الناس العاديين بارتبط بيهم بسهولة أكتر من الناس اللي حواليا عارف في سلسلة الأفنجرز ما بشوفهاش من الأول وجديد بالترتيب شوية أفلام بس بس أنا بحب توني ستارك خالص أنا عارفة إن روبرت داوني جونيور كان عايز يمشي من الأفلام عشان زهق وعايز يعمل حاجة جديدة وعشان عنده 54 سنة وكبر بقا بس أنا كنت حاسة إن توني ستارك كان عايز يمشي عينيه كان فيها ذنب رهيب لأ مش متفق معاكي في الآخر خالص لما هو اللي لبس الأحجار وفرقع صوابعه كان عايز يمشي بانفعال شديد يمشي إزاي ده كان أكتر واحد عايز يقعد فيه كائن صغيّر كده مورجان وزي العسل يسيبها إزاي بس هو كان في وضع ابن وسخة لو مخلصّش اللي بيحصل ده أهله مش ح يعرفوا يعيشوا أنا مش موافقك خالص في اللي بتقوليه ما اسمعوش أنا كمان عايزة أمشي عشان زهقت وحاسة بالذنب إنتي بس down شوية واللي حكيتيهولي ده يهدّ جبال طبيعي تكتئبي جدًا من اللي حصل ربنا يكون في عونكم ويقدّركم آخر مرة حسيتي بكده كانت إمتى من سنة تقريبًا شفتي بقالك سنة مستحملة أهو ومكنتش سنة سهلة معلش كلمي الدكتور وكلمينا إدّي نفسك شوية وقت اشتغلي شوية اشغلي نفسك ما تفكّريش كده حاولي ما تفكّريش كده أنا مش قادرة أستحمل فكّري في اللي بتحبيهم بزعيق إنتا عارف إن ده عمره ما كان بيساعد إحساس الذنب اللي ح ييجي معاه بيزوّد الحالة وأنا أصلًا عندي أطنان من الذنب فا أقوم بقا هوب حركة المسدس إلى جانب الصدغ وأبوكو كلكو صمت بس ده بينفع معايا أنا فقدت ناس كتير وعارف الحزن اللي بيسببه موت حد وما أحبش أعمل كده في الناس اللي بحبهم عايزة أحضنه عند فقدت ناس كتير بس ما يصحّش مصر الجديدة لا تحب الأحضان أو المؤازرة على ما يبدو أنا ليا ناس كتيرة بيحبوني وبحبهم ومش عايز أعمل كده فيهم وده أكتر حاجة بتوقفني عن التفكير في شيء مماثل كويس أتمنى إنك عمرك ما توصل للتفكير في شيء مماثل أنا كمان مش عايزة أفقدك شفتي ليه نفس الكلام ما ينفعش معاكي لأني مش شايفة لحياتي معنى تفتكر إني ابتسامة خجول الدكتور أصله بيقول لي أوّسع دايرة معارفي اعملي كده تفتكر إني ح ألاقي حد الناس كتيرة أهيه لا أقصد يعني حد تليفونه يرنّ عايزينه في الشغل دلوقتي أنا مضطر أمشي خمس دقايق وأوصل لهم ح تعملي إيه ح أعدّي هنا أشتري أي حاجة آه ح تلاقي طُرح وحاجات كتير بينك وتوك للشِعر للأسف أنا ح أقعد أتريق ومش نافع معاكي في المشوار ده عارفة عشان كده ح أروحه لوحدي صمت ينظر إليّ دون أن أبادله النظر تعالي أعدّيكي ح تبقي كويسة آه كلميني keep in touch توصل بالسلامة روز وصديقها المقرّب 30 10 2019 at october 31 2019 no comments email this blogthis share to x share to facebook share to pinterest older posts home subscribe to posts atom لا توجد حقيقة واحدة مطلقة يبدو مستغربًا أنني في ليلة الكريسماس أكتب عن المخاوف الداخلية الأصيلة كأنما من المفروض أن ألتزم بالمواضيع المبهجة فقط ككتاب تعليم أيام ليس لها آخر في الكتاب الذي أقرؤه حاليًا فيزياء الحزن يدور وصف لفترة التسعينات في بلغاريا الوصف حزين وقاتم وكئيب شعرت معه بالاختناق ف أنا كمان ما اخدتش ضفاير حدوتة ضفاير كانوا ناسها بعاد بس ضفاير و هيه كان ليها ضفاير حنة بنت صغيرة شقية زى كل اللى عنده 11 سنة و كان لي وقل ربِ ارحمـهما يأتي ليجلس بحواري على حافة الإيوان الجنوبي للمسجد وشعره منتفش حول وجهه ورقبته يرتدي جاكت قطيفة رغم حر أغسطس وسوء الجو لهذا ا search this blog home about me روز وأقول لنفسي سيطلع من عتمتي قمر وسأكون يومًا ما أريد view my complete profile archives 2019 29 december 1 november 2 october 1 september 2 august 2 july 2 june 2 may 4 april 3 march 4 february 4 january 2 2018 43 december 3 november 3 october 6 september 10 august 3 june 5 may 1 april 3 march 6 january 3 2017 10 december 1 october 1 september 2 august 1 june 2 may 1 march 2 2016 14 october 5 august 1 july 1 june 4 may 3 2015 21 december 1 october 1 september 1 august 3 may 3 march 2 february 5 january 5 2014 14 december 2 september 3 august 1 march 1 february 4 january 3 2013 201 december 13 november 11 october 6 september 19 august 10 july 3 june 31 may 22 april 10 march 24 february 45 january 7 2012 46 december 3 october 3 september 6 august 6 june 2 may 1 april 2 march 9 february 7 january 7 2011 119 decemb...
|
