Meta tags:

Headings (most frequently used words):

يوميات, الخميس, 2016, الاثنين, نوفمبر, 2015, الإلكترونية, جواز, سفر, امرأة, ليبية, 12, يناير, 2017, السبت, أكتوبر, فبراير, 23, 16, المتابعون, من, أنا, أرشيف, المدونة, مواقع, ثقافية, feedjit, live, traffic, map, قائمة, المدونات, امشي, للمدرسة, وروح, مكسور, الوجه, الاخر, لشمعون, حِراك, إصلاح, ليبيا, زيارات,

Text of the page (most frequently used words):
اللي (31), محمد (20), على (20), قبل (12), كان (11), يوم (10), اليوم (9), انا (9), ليبيا (9), نوفمبر (9), الام (8), كريمة (7), كانت (7), بواسطة (6), عامًا (6), #أكتوبر (6), السلام (6), الفاسي (6), هناك (6), فيه (6), هذا (6), فيها (6), 000 (6), يوميات (6), عشان (6), مدريد (6), الدم (6), بلدي (5), قصيدة (5), عام (5), يونيو (5), أغسطس (5), ليست (5), تعليقات (5), مرسلة (5), الناس (5), دينار (5), ولا (5), الطفل (5), عليهم (5), بيريز (5), بالاشتراك (5), لما (5), فصيلة (5), موجبة (5), كنت (4), ديسمبر (4), سبتمبر (4), يناير (4), فبراير (4), 2016 (4), فلوس (4), الصغار (4), طلعت (4), وفي (4), تاني (4), لكن (4), مرة (4), مدرسة (4), عدوك (4), تكذب (4), طفلة (4), التلفزيون (4), كلب (4), العملية (4), صغار (4), كيف (4), الاستراحة (4), com (3), watch (3), مدونة (3), هذه (3), يقول (3), have (3), الليبية (3), بعد (3), the (3), الله (3), مارس (3), مايو (3), يوليو (3), 2008 (3), 2015 (3), امشي (3), للمدرسة (3), وروح (3), جنيه (3), توا (3), البلاد (3), طرابلس (3), ناس (3), عندهم (3), طلعوا (3), قصة (3), نبي (3), الاثنين (3), ابلة (3), للسلام (3), اتفاقية (3), الفلسطينية (3), المدرسة (3), الطبي (3), للساعة (3), صغاره (3), بيه (3), فصيلته (3), الممرضة (3), والد (3), يعيط (3), وقعدت (3), التسجيل (3), امرأة (3), أرشيف (2), أعوام (2), عندي (2), ليبي (2), كما (2), been (2), this (2), blog (2), for (2), and (2), what (2), news (2), واحد (2), بشكل (2), كبير (2), خاص (2), عودة (2), الأفريقية (2), نتيجة (2), المفتي (2), الأمان (2), الحياة (2), عقب (2), التحرير (2), المستقبل (2), libya (2), with (2), وقت (2), المدونة (2), أسباب (2), الإلكترونية (2), feedjit (2), live (2), موقع (2), أبريل (2), 2012 (2), 2014 (2), مكسور (2), 2017 (2), أنا (2), رسائل (2), عليكم (2), فاتت (2), يتكلم (2), سوق (2), تشتغل (2), غير (2), راجل (2), باريس (2), بــ90 (2), شقة (2), وما (2), برا (2), اما (2), لان (2), عنده (2), واحنا (2), دورات (2), تدريبية (2), المحاضرات (2), بيهم (2), ومدرسة (2), مجموعة (2), منه (2), وداد (2), معلمة (2), الخاصة (2), الثالثة (2), إصلاح (2), الخميس (2), حصل (2), 1994 (2), التي (2), 1993 (2), لندن (2), وسام (2), عليها (2), مركز (2), لشمعون (2), الشرق (2), الأوسط (2), الجديد (2), الجديدة (2), وقدره (2), قدره (2), تقدر (2), تواجهه (2), لانك (2), الا (2), نفسك (2), صغيرة (2), متقدة (2), الذكاء (2), نشيد (2), اغنية (2), نسمعها (2), نحفظها (2), حفظت (2), القصيدة (2), العصماء (2), انطاق (2), الزور (2), حمير (2), تنهق (2), طابور (2), اتفوه (2), ولعنة (2), الكون (2), يعيدونها (2), مرارا (2), وتكرارا (2), اساس (2), خيانة (2), القضية (2), وتوقيع (2), الاعلام (2), اكبر (2), للشعوب (2), يقولوا (2), جنازة (2), كبيرة (2), والميت (2), لكنه (2), كانش (2), خدم (2), اده (2), وعلاها (2), الكلاب (2), قاعدين (2), يحرقوا (2), بلادهم (2), ويضيعوا (2), عزوزة (2), مات (2), شمعون (2), ياما (2), كرهته (2), وانا (2), تعلمت (2), الدرس (2), اكره (2), عادي (2), احترمه (2), وقدر (2), قوته (2), تبني (2), قوتك (2), وعي (2), ومعرفة (2), شعبية (2), طفل (2), المستشفى (2), رقد (2), معاه (2), يجي (2), ومع (2), طبعا (2), الصبح (2), صغارها (2), ويروح (2), تاجورا (2), ياخذ (2), المدينة (2), معاهم (2), عائلة (2), مديرة (2), علاج (2), قالت (2), ولدي (2), الدكتور (2), هذي (2), قعد (2), وقعد (2), قلبي (2), اصطدم (2), بمحمد (2), قوة (2), ابلات (2), مدرسته (2), الادارة (2), الفصل (2), شكري (2), الصف (2), الحصة (2), الابلة (2), راكبين (2), رجلي (2), تانية (2), بلا (2), دلع (2), رجله (2), اختي (2), عملية (2), العيادة (2), مضاعفات (2), نكتب (2), قصته (2), أمه (2), جواز (2), سفر (2), ليبية (2), المظهر, علامة, مائية, يتم, التشغيل, blogger, حزاركم, تهتم, بالتراث, وقضايا, المرأة, المحرر, فاطمة, غندور, utube, trpj6zug74, http, www, youtube, trpj6z, منــــــــــــــــــــــــــــــــــى, الود, يفنى, والقلب, داع, الخزامى, lavender, أمواج, أشبه, مانمر, بما, مرت, ذات, دول, وممالك, فأحسنت, استثماره, فصارت, قمم, النجاح, إنها, دقائق, وساعات, نحياها, الآونة, ربما, غفلنا, أبجديات, النهضة, بقلم, عبدالله, الشلماني, الزمن, sweet, kid, nuna, حبة, رمل, ليها, احساس, يوفى, بلحظة, وديانا, نسمة, بُعدها, تنادينيو, تزيد, حبي, الكبير, لبلدي, تراث, الدين, nasimlibya, الحبيب, الامين, رسالة, كأنه, مصراتة, ايامها, الدامية, سلم, أرواحهم, وعشايانا, الدافئة, الشمس, تسميه, قبالة, المراكب, تنتظرك, naohama, نوهمة, well, humm, away, from, long, miss, much, want, say, now, space, many, happy, enchanting, sereeb, صباح, الأربعاء, 2024م, انتشرت, منصات, التواصل, الاجتماعي, أخبار, طائرة, إقلاعها, فقدها, لأحد, محر, هامش, واقعة, الخطوط, aviation, أعرب, الصحفي, وكالة, رويترز, للأنباء, دانيال, سيروير, ذهوله, وعودة, الطبيعية, إلى, حرب, لإنـهــاء, أرب, بوضوح, imtidad, ianas, last, few, weeks, not, good, all, bad, starting, destruction, some, oldest, shrines, mosques, tomb, raiders, oppressors, murderers, anglo, libyan, بسم, الرحمن, الرحيم, طويل, منذ, أخر, تدوينة, والتوقف, لعدة, بعضها, ظروف, قاهرة, وبعضها, تقنية, ولعله, أيضاً, aman, bank, bes, group, مصرف, هـــا, يــم, فـى, حــب, بــلادى, قائمة, المدونات, stats, traffic, map, بلد, الطيوب, صحيفة, الشاعرة, الشماخي, مواقع, ثقافية, 2009, 2010, 2011, 2013, عرض, الملف, الشخصي, الكامل, الخاص, الأرض, وبالناس, المسرة, karima, alfasi, gmail, المتابعون, الاشتراك, الرسائل, atom, الصفحة, الرئيسية, أقدم, ورحمة, وبركاته, طالعة, الأيام, حوشي, شاب, بتع, عمر, السنة, التلفون, الشارع, الخمسة, ولت, الربع, تخش, بيها, المحل, تجيبلك, كلامه, يلخص, الواقع, بحداي, بنية, مهذبة, وكبيرة, السن, درت, معاها, صحبة, قالتلي, ليا, سنوات, نشتغل, السوق, تشري, كويس, زبائن, حالتهم, باهية, الشوكلاته, يشروا, بستين, وسبعين, يخشوا, للسوق, للضروري, قالك, مانقدرش, نصرف, فلوسي, ومانعرفش, يصير, المصارف, ماعادش, الفترة, البائع, قاله, قطعة, الارض, تساوي, 500, وتلحق, عيها, بــ400, وصلوها, للمليون, ونص, الشقة, تاخذها, يورو, ماتحصلش, مانحكيلكمش, دفعت, ثمن, بضاعتي, وطلعت, نكر, رجليه, همتني, هامتني, ارض, النص, مليون, والمليون, همني, حليب, وصل, والعيشة, ولعت, النار, والمرتبات, المتأخرة, والبلاد, المنهارة, الإحباط, واصل, بالناس, لحدهاوالمستقبل, مجهول, واثق, هلبة, تستنى, فرصتها, امتى, بتطلع, مرتبين, أمورهم, لحظة, يكونوا, يراجوا, تدمر, ادمرت, بنغازي, ليش, طلعوش, لتوا, السبب, بسيط, الفلوس, يطلعوا, فيهم, حيقدروا, يطلعوهم, مكان, وين, فهمت, موقف, المصاريت, سموا, مصراته, الاحداث, عايدون, تحفظي, الشديد, أدعم, المنطق, وجهة, نظرة, سوى, تثبت, بلادها, وتحاول, الجهد, تدفع, بها, للقدام, يتساووش, مستعدين, يعرقوا, الصيف, الكهرباء, مقطوعة, يتعبوا, وراء, المعيشة, والحالة, المتبهدلة, اسعار, راكبة, ونازلة, بضاعة, نصها, فيش, تسمع, خبطة, وخبطات, تهديد, لحياته, عذر, يقولك, كلهم, عندنا, سيدي, زينة, ومش, وطن, ينهان, العالمي, لحقوق, شاء, بنعطي, محاضرةفي, بسوق, الجمعة, حقوق, واليوم, كلمتني, السياحية, يبو, للتلاميذ, والمفروض, ننشط, روحي, ونمشي, نعطي, والدورات, وعدت, الفيحاء, عاشور, تاقرفت, الانتصار, وروضة, بناة, ووووو, نتكلم, تجربة, تدريب, فرنسا, هما, وانتهت, علاقتهم, بينا, الحق, شخصيا, استفدت, التدريب, معلومات, جديدة, فتحلي, عيوني, وسعلي, أفاقي, نقدر, نقول, نورني, بدأنا, زيارة, المؤسسات, التعليمية, وصديقتي, لعرض, برامج, ومحاضرات, توعوية, شأنها, الرفع, مستوى, التعليم, والتأهيل, النفسي, السيدة, قديرة, آمنت, بالفكرة, وآزرتني, منتهى, الحماس, والنشاط, وأنا, سيعطي, زرنا, عدد, المدارس, والعامة, لذوي, الاحتياجات, ماا, سأحكيه, لكم, لاحقا, عجيب, وغريب, نحن, الهاوية, ولكن, أمل, وأناس, خيرين, أشعر, بالنعاس, الان, تصبحون, خير, زيارات, حضرت, الصباح, الحوارية, لِحِراك, المبادرة, الشعبية, الحل, للأزمة, حِراك, جائزة, نوبل, واقتسم, الجائزة, ياسر, عرفات, ورئيس, الوزراء, الإسرائيلي, إسحاق, رابين, أوسلو, وقعتها, إسرائيل, منظمة, حاز, الدكتوراة, الفخرية, القانون, كلية, كينجز, منح, القديس, ميخائيل, والقديس, جرجس, برتبة, فارس, الملكة, البريطانية, اليزابيث, الثانية, حفل, أقيم, قصر, بكنغهام, أنه, حاصل, أعلى, وسامي, شرف, مدنيين, يمنحان, الولايات, المتحدة, الحرية, الرئاسي, الذي, منحه, إياه, الرئيس, الأمريكي, باراك, أوباما, وميدالية, الكونغرس, الذهبية, لدى, اهتمام, بالإلكترونيات, الدقيقة, وأسس, 1997, بيرس, مؤلفاته, المؤلفات, أبرزها, والذي, ترجم, لأكثر, ثلاثين, لغة, المرحلة, القادمة, 1965, إرمي, دافيد, 1970, الآن, غدا, حاجي, اشاد, 1978, اذهب, 1979, أنتافا, 1991, اريي, نائور, قراءة, للأدباء, المحاربة, أجل, ديفيد, لنداو, 1995, البداية, 1998, هرتسل, لأرض, 1999, للحرب, ووقت, روبرت, لافتون, 2004, الحرب, طويلة, والسلام, صعباً, بطرس, غالي, واندري, فيرسالي, اعرف, عرف, الوجه, الاخر, السبت, تكسر, حوضه, ونقلوله, غلط, وبس, ملخص, الحكاية, تقعد, طول, الليل, والده, ياخذها, يحطه, الحوش, تقري, لامتحاناتهم, وتراجعلهم, دروسهم, هروب, الضي, اطيب, وجبة, غذاء, بكرة, وتمشي, تعطي, حصصها, وتروح, تغذي, الوالد, يرفعها, للطبي, يقعد, وهكذا, ولمدة, ثلاثة, شهور, تقريبا, دار, الاولى, لحوش, خواله, لانها, ساكنة, عمارة, يقدروش, يركبوا, الدروج, والاب, الظهر, مدرستهم, ويوصل, العصر, لتاجوراء, عند, امهم, ويقعد, يبات, حوش, ويطلع, الفجر, يمشي, يجيب, لمدرستهم, بسيطة, والوالد, أعمال, حرة, وماعنده, يخدم, حال, الواقف, الأم, متعاونة, لأقصى, درجة, اعطتها, شهرين, اجازة, وبعدين, لازم, تولي, للشغل, الاجتماعية, كورس, يكلف, 150, للدكتور, يادكتور, يتغير, لفصيلة, واعطوه, خاف, واتصل, ببنك, قالوله, دايره, مشاكل, الولد, فالدكتور, قرر, يعاود, تحليل, والنتيجة, تأكد, كلام, وخش, العناية, الفائقة, نقل, مشت, جابت, قال, للأم, تخافيش, مصقع, مادة, جاب, وزادتها, للطفل, اول, لجسمه, قلبه, يرف, لين, غاب, صوته, فهجمت, ودفتها, تكشخ, وتقوللها, حولي, الشكارة, احتاج, ينقلوله, وخذوا, عينة, وطلبوا, الاب, يجيبلهم, فالام, اعترضت, تتغير, فالممرضة, قالتلها, مكتوب, والدة, يزور, وشارك, ويشري, الدواء, وحاضر, بكل, وزاروه, واحدة, منهن, ضرباته, تبكي, وطلبت, السماح, وجمعوله, 400, وزملائه, جمعوله, وزاره, صديقه, أحمد, أما, فقالت, انها, سمعتش, وكلمت, بالتلفون, ايام, وقالتلها, جيبيلي, تقرير, بحالته, الصحية, بيش, ندورلك, حساب, الدولة, الخامس, تطبيق, رياضيات, ولان, ماكملوش, حلان, الاسئلة, خلتهم, فترة, يكملوا, امتحانهم, وقالتلهم, افطروا, الرابعة, رياضة, جرس, فاللي, صار, نازلين, الرياضيات, مانزلتش, والتلاميذ, يجروا, الممرات, وبدون, أبلات, إشراف, فكان, يجري, الممر, ونقز, وخبط, طاح, الاصطدام, تخبط, وتقيم, وتطيح, الغيظ, وتقوله, نوض, فجوا, صفه, وسندوه, وقاموه, بيناتهم, ورفعوه, للإدارة, قعدت, تلوي, وتمد, وهو, وركلاته, برجلها, وقالتله, زايد, وهدداته, بطريحة, فهو, واخته, تقرا, السادس, فجابوها, ليه, وطمنتاه, وخيته, واتصلوا, ببوهم, رفعه, لمستشفى, شارع, الزاوية, وغادي, طلع, كسر, الحوض, وقالولهم, ماعندناش, امكانيات, لازمه, بلاتين, نقدروا, نجبسوا, ويبرا, العياب, فالعايلة, دورت, دكتور, عظام, أطفال, المهدي, العربي, عيادة, الخليل, وتكلفة, وهما, ماعندهمش, توسطت, دكتورة, والدكتور, تنازل, أتعابه, جمعوا, الابلات, مبلغ, 4000, واعطي, 1000, وداروله, بــ5000, وطلع, للحوش, دافعين, إيواء, وصارتله, بعدها, الجرح, التهب, ودار, صديد, وصارلته, هبوط, حاد, وغيره, هكي, قررت, اني, بكلامهم, ونحط, تسمعوا, سمعته, وتفهموا, موقفي, صوت, وصوته, يخلي, فيا, نشطب, كتبته, ونعاود, الاول, سمعت, درته, عشرات, المرات, قعمزت, بروحي, وصكرت, الدارعشان, نكتبه, مشيت, لكافيه, عائلي, أكثر, خمسة, مرات, نتناقش, زوجي, وماقدرتش, نكتبها, احترت, بنكتبها, نفعت, موهبة, أدبية, كتابة, ابداعية, الكتابة, الصحفية, خذيتها, مكسر, ترصد, تفاصيل, مسلمة, بين, دولة, عربية, وأخرى, أوربية,

Text of the page (random words):
جواز سفر يوميات امرأة ليبية جواز سفر يوميات امرأة ليبية مدونة ترصد تفاصيل يوميات امرأة مسلمة بين دولة عربية وأخرى أوربية الخميس 12 يناير 2017 امشي للمدرسة وروح مكسور امشي للمدرسة وروح مكسر قصة الطفل محمد شكري احترت كيف بنكتبها لا نفعت موهبة أدبية ولا كتابة ابداعية ولا دورات الكتابة الصحفية اللي خذيتها سمعت التسجيل اللي درته معاه ومع أمه عشرات المرات قعمزت بروحي وصكرت الدارعشان نكتبه مشيت لكافيه عائلي أكثر من خمسة مرات نتناقش مع زوجي كل يوم على كيف نكتب قصته وماقدرتش نكتبها صوت أمه في التسجيل وصوته يخلي فيا نشطب كل شي كتبته ونعاود من الاول عشان هكي قررت اني نكتب قصته بكلامهم ونحط التسجيل عشان تسمعوا اللي انا سمعته وتفهموا موقفي محمد شكري الصف الخامس يوم الاثنين 3 11 2016 كان عندهم تطبيق رياضيات في الحصة الثالثة ولان الصغار ماكملوش حلان الاسئلة خلتهم الابلة فترة الاستراحة يكملوا امتحانهم وقالتلهم افطروا في الحصة الرابعة اللي هي كانت رياضة لما رن جرس الاستراحة طلعوا الصغار من الفصل فاللي صار ان في صغار راكبين من الاستراحة وفي صغار نازلين طبعا ابلة الرياضيات مانزلتش صغارها والتلاميذ اللي راكبين من الاستراحة يجروا في الممرات وبدون أبلات إشراف فكان في طفل يجري في الممر ونقز وخبط في محمد اللي طاح من قوة الاصطدام وقعد يعيط رجلي رجلي جت ابلة تانية وقعدت تخبط فيه وتقيم فيه وتطيح فيه من الغيظ وتقوله نوض بلا دلع فجوا صغار صفه وسندوه وقاموه بيناتهم ورفعوه للإدارة الابلة اللي في الادارة قعدت تلوي في رجله وتمد فيها وهو يعيط وركلاته برجلها وقالتله بلا دلع زايد وهدداته بطريحة فهو قعد يقول نبي اختي نبي اختي واخته تقرا في الصف السادس فجابوها ليه وطمنتاه وخيته واتصلوا ببوهم اللي رفعه لمستشفى شارع الزاوية وغادي طلع عنده كسر في الحوض وقالولهم ماعندناش امكانيات لازمه عملية بلاتين واحنا نقدروا نجبسوا رجله من برا بس ويبرا ع العياب فالعايلة دورت دكتور عظام أطفال المهدي العربي في عيادة الخليل وتكلفة العملية 15 000 وهما ماعندهمش توسطت دكتورة مع العيادة والدكتور تنازل عن أتعابه و جمعوا الابلات اللي في مدرسة أم محمد مبلغ 4000 واعطي والد الطفل اللي اصطدم بمحمد 1000 وداروله عملية في العيادة بــ5000 دينار بعد ما كانت 15 000 وطلع محمد تاني يوم العملية للحوش لان مش دافعين إيواء وصارتله مضاعفات بعدها الجرح التهب ودار صديد وصارلته مضاعفات تانية زي هبوط حاد في الدم وغيره رقد محمد في الطبي وزاروه 4 ابلات من مدرسته واحدة منهن اللي ضرباته في الادارة وقعدت تبكي وطلبت السماح وجمعوله 400 دينار ابلات مدرسته وزملائه في الفصل جمعوله 73 دينار وزاره صديقه أحمد في المستشفى أما مديرة المدرسة فقالت انها ما سمعتش بيه وكلمت الام بالتلفون بعد ايام وقالتلها جيبيلي تقرير بحالته الصحية بيش ندورلك علاج على حساب الدولة والد و والدة الطفل اللي اصطدم بمحمد كان كل يوم يزور فيه وشارك في حق العملية ويشري معاهم في الدواء وحاضر بكل قوة في الطبي احتاج محمد ينقلوله دم وخذوا منه عينة وطلبوا من الاب يجيبلهم فصيلة ب موجبة فالام اعترضت قالت كيف هي فصيلة الدم تتغير انا ولدي فصيلته او موجبة فالممرضة قالتلها هذا اللي مكتوب جاب والد محمد فصيلة ب موجبة وزادتها الممرضة للطفل اللي اول ما خش الدم لجسمه قعد قلبه يرف وقعد يعيط قلبي قلبي لين غاب صوته فهجمت الام على الممرضة ودفتها وقعدت تكشخ عليها وتقوللها حولي الشكارة مشت الممرضة جابت الدكتور اللي قال للأم ما تخافيش اما الدم مصقع او فيه مادة الام قالت للدكتور كيف يادكتور الدم يتغير من فصيلة لفصيلة انا ولدي فصيلته كانت او موجبة واعطوه ب موجبة خاف الدكتور واتصل ببنك الدم اللي قالوله هذي غير الام دايره مشاكل من الصبح هذي فصيلة الولد فالدكتور قرر ان يعاود تحليل دم محمد والنتيجة طلعت تأكد في كلام الام وخش محمد العناية الفائقة نتيجة نقل دم مش من فصيلته محمد ياخذ في كورس علاج كل يوم يكلف 150 دينار الحياة الاجتماعية عائلة محمد عائلة بسيطة الام تشتغل معلمة و والوالد أعمال حرة وماعنده شن يخدم في حال البلاد الواقف عندهم 5 صغار مديرة الأم كانت متعاونة لأقصى درجة اعطتها شهرين اجازة وبعدين كان لازم تولي للشغل لما دار محمد العملية الاولى طلعت بيه الام لحوش خواله في تاجورا لانها ساكنة في عمارة وما يقدروش يركبوا بيه الدروج والاب كان ياخذ صغاره الظهر من مدرستهم في المدينة ويوصل بيهم العصر لتاجوراء عند امهم ويقعد معاهم للساعة 10 ويروح يبات في حوش ويطلع تاني يوم الفجر يمشي يجيب صغاره من تاجورا لمدرستهم في المدينة لما محمد رقد في مركز طرابلس الطبي الام تقعد معاه طول اليوم للساعة 8 في الليل يجي والده ياخذها يحطه في الحوش تقري الصغار لامتحاناتهم وتراجعلهم دروسهم ومع هروب الضي طبعا و اطيب وجبة غذاء بكرة وتمشي تاني يوم الصبح تعطي حصصها في المدرسة وتروح تغذي صغارها يجي الوالد يرفعها للطبي ويروح هو يقعد مع صغاره للساعة 8 وهكذا كل يوم ولمدة ثلاثة شهور تقريبا ملخص الحكاية محمد طفل ليبي تكسر حوضه في المدرسة ونقلوله دم غلط في المستشفى وبس مرسلة بواسطة كريمة الفاسي في 9 24 ص ليست هناك تعليقات السبت 1 أكتوبر 2016 الوجه الاخر لشمعون عرف عدوك وقدره حق قدره عشان تقدر تواجهه لانك لما تكذب ما تكذب الا على نفسك كنت طفلة صغيرة متقدة الذكاء اي نشيد او اغنية او قصيدة نسمعها مرة نحفظها من التلفزيون حفظت القصيدة العصماء في مدريد انطاق الزور حمير تنهق في طابور في مدريد اتفوه عليهم ولعنة رب الكون عليهم كان يعيدونها مرارا وتكرارا في التلفزيون على اساس ليبيا ضد خيانة القضية الفلسطينية وتوقيع اتفاقية السلام في مدريد الاعلام اكبر فخ للشعوب اليوم يقولوا جنازة كبيرة والميت كلب لكنه ما كانش كلب خدم بل اده وعلاها الكلاب هم اللي قاعدين يحرقوا في بلادهم ويضيعوا فيها اليوم انا عزوزة مات شمعون بيريز اللي ياما كرهته وانا طفلة لكن تعلمت الدرس اكره عدوك عادي بس احترمه وقدر قوته عشان تبني قوتك على وعي ومعرفة مش على قصيدة شعبية اعرف عدوك وقدره حق قدره عشان تقدر تواجهه لانك لما تكذب ما تكذب الا على نفسك كنت طفلة صغيرة متقدة الذكاء اي نشيد او اغنية او قصيدة نسمعها مرة نحفظها من التلفزيون حفظت القصيدة العصماء في مدريد انطاق الزور حمير تنهق في طابور في مدريد اتفوه عليهم ولعنة رب الكون عليهم كان يعيدونها مرارا وتكرارا في التلفزيون على اساس ليبيا ضد خيانة القضية الفلسطينية وتوقيع اتفاقية السلام في مدريد الاعلام اكبر فخ للشعوب اليوم يقولوا جنازة كبيرة والميت كلب لكنه ما كانش كلب خدم بل اده وعلاها الكلاب هم اللي قاعدين يحرقوا في بلادهم ويضيعوا فيها اليوم انا عزوزة مات شمعون بيريز اللي ياما كرهته وانا طفلة لكن تعلمت الدرس اكره عدوك عادي بس احترمه وقدر قوته عشان تبني قوتك على وعي ومعرفة مش على قصيدة شعبية حصل بيريز على جائزة نوبل للسلام عام 1994 واقتسم الجائزة مع كل من ياسر عرفات ورئيس الوزراء الإسرائيلي إسحاق رابين عقب اتفاقية أوسلو التي وقعتها إسرائيل مع منظمة التحرير الفلسطينية عام 1993 9 في 18 نوفمبر 2008 حاز على الدكتوراة الفخرية في القانون من كلية كينجز لندن 10 وفي 20 نوفمبر 2008 منح وسام القديس ميخائيل والقديس جرجس برتبة فارس من قبل الملكة البريطانية اليزابيث الثانية في حفل أقيم في قصر بكنغهام في لندن 11 كما أنه حاصل على أعلى وسامي شرف مدنيين يمنحان من قبل الولايات المتحدة وسام الحرية الرئاسي الذي منحه إياه الرئيس الأمريكي باراك أوباما في 13 يونيو 2012 12 وميدالية الكونغرس الذهبية التي حصل عليها عام 2014 لدى بيريز اهتمام خاص بالإلكترونيات الدقيقة وأسس في عام 1997 مركز بيرس للسلام مؤلفاته لشمعون بيريز مجموعة من المؤلفات أبرزها الشرق الأوسط الجديد والذي ترجم لأكثر من ثلاثين لغة 3 المرحلة القادمة 1965 إرمي يا دافيد 1970 الآن غدا بالاشتراك مع حاجي اشاد 1978 اذهب مع الناس 1979 يوميات أنتافا 1991 الشرق الأوسط الجديد بالاشتراك مع اريي نائور 1993 يوميات قراءة رسائل للأدباء 1994 المحاربة من أجل السلام بالاشتراك مع ديفيد لنداو 1995 البداية الجديدة 1998 مع هرتسل لأرض الجديدة 1999 وقت للحرب ووقت للسلام بالاشتراك مع روبرت لافتون 2004 الحرب كانت طويلة والسلام كان صعباً بالاشتراك مع بطرس غالي واندري فيرسالي مرسلة بواسطة كريمة الفاسي في 9 43 ص ليست هناك تعليقات الخميس 4 فبراير 2016 حِراك إصلاح ليبيا حضرت هذا الصباح الحوارية الثالثة لِحِراك إصلاح ليبيا المبادرة الشعبية هي الحل للأزمة الليبية مرسلة بواسطة كريمة الفاسي في 8 34 م ليست هناك تعليقات الاثنين 23 نوفمبر 2015 زيارات السلام عليكم بدأنا في زيارة المؤسسات التعليمية أنا وصديقتي ابلة وداد لعرض عليهم برامج تدريبية ومحاضرات توعوية من شأنها الرفع من مستوى التعليم في البلاد والتأهيل النفسي السيدة وداد معلمة قديرة آمنت بالفكرة وآزرتني وفي منتهى الحماس والنشاط وأنا من سيعطي المحاضرات زرنا عدد من المدارس الخاصة والعامة ومدرسة لذوي الاحتياجات الخاصة ماا سأحكيه لكم لاحقا عجيب وغريب نحن في الهاوية ولكن هناك أمل وأناس خيرين أشعر بالنعاس الان تصبحون على خير مرسلة بواسطة كريمة الفاسي في 9 45 م ليست هناك تعليقات الاثنين 16 نوفمبر 2015 يوميات السلام عليكم ورحمة الله وبركاته كنت طالعة الأيام اللي فاتت من حوشي و شاب بتع عمر 14 او 15 السنة يتكلم في التلفون في الشارع كان يقول الخمسة جنيه ولت زي الربع جنيه تخش بيها المحل ما تجيبلك شي كلامه يلخص الواقع في بحداي سوق تشتغل فيه بنية مهذبة وكبيرة في السن درت معاها صحبة قالتلي انا ليا 3 سنوات نشتغل في السوق هذا الناس كانت تشري كويس عندي زبائن حالتهم باهية غير من الشوكلاته يشروا بستين وسبعين جنيه توا يخشوا للسوق للضروري بس قالك مانقدرش نصرف فلوسي ومانعرفش البلاد شن يصير فيها المصارف ماعادش فيها فلوس الفترة اللي فاتت راجل يتكلم مع البائع في سوق كبير قاله يا راجل قطعة الارض اللي كانت تساوي 500 000 وتلحق عيها بــ400 000 وصلوها للمليون ونص الشقة في باريس تاخذها بــ90 000 يورو في طرابلس ماتحصلش شقة بــ90 000 مانحكيلكمش انا دفعت ثمن بضاعتي وطلعت نكر في رجليه لا همتني شقة باريس وى هامتني ارض النص مليون والمليون نص ما همني كان حليب الصغار اللي وصل 18 دينار والعيشة اللي ولعت فيها النار والمرتبات المتأخرة والبلاد المنهارة الإحباط واصل بالناس لحدهاوالمستقبل مجهول وما حد واثق في حد في هلبة ناس طلعت من ليبيا وفي ناس تستنى في فرصتها امتى بتطلع مرتبين أمورهم في أي لحظة يكونوا برا يراجوا في طرابلس تدمر زي ما ادمرت بنغازي اما ليش ما طلعوش لتوا السبب بسيط الفلوس اللي يطلعوا فيهم في ليبيا مش حيقدروا يطلعوهم في اي مكان تاني هذا وين فهمت موقف المصاريت اللي سموا الناس اللي طلعت من مصراته في الاحداث عايدون مع تحفظي الشديد ولا أدعم هذا المنطق لكن في وجهة نظرة مش سوى الناس اللي تثبت في بلادها وتحاول حد الجهد تدفع بها للقدام ما يتساووش مع ناس مش مستعدين يعرقوا في الصيف لان الكهرباء مقطوعة ولا يتعبوا وراء المعيشة والحالة المتبهدلة اسعار راكبة ونازلة بضاعة نصها ما فيش مرة مرة تسمع خبطة وخبطات توا واحد في تهديد لحياته عنده عذر لكن حد يقولك اللي عندهم فلوس كلهم طلعوا واحنا عندنا فلوس يا سيدي زينة ومش قصة فلوس قصة وطن ما ينهان يوم 22 نوفمبر هو اليوم العالمي لحقوق الطفل ان شاء الله بنعطي محاضرةفي مدرسة بسوق الجمعة عن حقوق الطفل واليوم كلمتني مدرسة في السياحية يبو دورات تدريبية للتلاميذ والمفروض ننشط روحي ونمشي نعطي المحاضرات والدورات اللي وعدت الناس بيهم في مدرسة الفيحاء في بن عاشور ومدرسة تاقرفت في حي الانتصار وروضة بناة المستقبل ووووو نبي نتكلم عن تجربة مع مجموعة تدريب فرنسا 24 توا هما طلعوا وانتهت علاقتهم بينا الحق انا شخصيا استفدت منه التدريب هذا مش معلومات جديدة ولا شي بل فتحلي عيوني وسعلي أفاقي نقدر نقول ـ نورني مرسلة بواسطة كريمة الفاسي في 8 37 م ليست هناك تعليقات رسائل أقدم الصفحة الرئيسية الاشتراك في الرسائل atom المتابعون من أنا كريمة الفاسي على الأرض السلام وبالناس المسرة karima alfasi gmail com عرض الملف الشخصي الكامل الخاص بي أرشيف المدونة الإلكترونية 2017 1 يناير 1 امشي للمدرسة وروح مكسور 2016 2 أكتوبر 1 فبراير 1 2015 3 نوفمبر 3 2014 9 سبتمبر 3 أغسطس 1 يونيو 3 فبراير 1 يناير 1 2013 6 أكتوبر 1 سبتمبر 2 أغسطس 3 2012 8 ديسمبر 1 نوفمبر 1 أكتوبر 2 أغسطس 1 يوليو 1 يونيو 1 مايو 1 2011 2 نوفمبر 1 أكتوبر 1 2010 10 أكتوبر 3 سبتمبر 1 أغسطس 1 مارس 2 فبراير 2 يناير 1 2009 11 ديسمبر 1 يوليو 1 يونيو 1 مايو 2 أبريل 5 مارس 1 2008 33 ديسمبر 1 نوفمبر 2 سبتمبر 5 أغسطس 2 يوليو 1 يونيو 2 مايو 4 أبريل 12 مارس 4 مواقع ثقافية موقع الشاعرة الليبية كريمة الشماخي صحيفة ليبيا اليوم موقع بلد الطيوب feedjit live traffic map feedjit live blog stats قائمة المدونات الإلكترونية هـــا يــم فـى حــب بــلادى aman bank bes group مصرف الأمان بسم الله الرحمن الرحيم مر وقت طويل منذ أخر تدوينة لي فى هذه المدونة والتوقف كان لعدة أسباب بعضها ظروف قاهرة وبعضها أسباب تقنية ولعله أيضاً مر و قبل 11 عامًا anglo libyan tomb raiders oppressors murderers the last few weeks have not been good in libya what with all the bad news starting with the destruction of some of libya s oldest shrines and mosques by قبل 13 عامًا ianas imtidad المستقبل بوضوح د محمد محمد المفتي د محمد محمد المفتي أعرب الصحفي في وكالة رويترز للأنباء دانيال سيروير عن ذهوله من عودة الأمان وعودة الحياة الطبيعية إلى ليبيا عقب حرب التحرير لإنـهــاء أرب قبل 14 عامًا my aviation على هامش واقعة الخطوط الأفريقية صباح الأربعاء 25 ديسمبر 2024م انتشرت بشكل كبير على منصات التواصل الاجتماعي الليبية بشكل خاص أخبار عودة طائرة الأفريقية بعد إقلاعها نتيجة فقدها لأحد محر قبل عام واحد my enchanting sereeb happy news well humm i have been away from this blog for so long and i do miss it so much what i want to say for now is watch this space i have so many st قبل 8 أعوام naohama نوهمة ليبيا تنتظرك الحبيب الامين من قصيدة رسالة كأنه كان يقول مصراتة قبل ايامها الدامية هذه سلم على أرواحهم وعشايانا الدافئة على رف الشمس كما كنت تسميه قبالة المراكب قبل 15 عامًا nasimlibya تراث ليبي عز الدين محمد بلدي انا كل حبة رمل ليها عندي احساس ما يوفى بلحظة في وديانا كل نسمة في بُعدها تنادينيو تزيد في حبي الكبير لبلدي بلدي بلدي بلدي بلدي قبل 10 أعوام nuna sweet kid أرشيف الزمن أبجديات النهضة بقلم عبدالله الشلماني ما أشبه مانمر به اليوم بما مرت به ذات يوم دول وممالك فأحسنت استثماره فصارت به اليوم في قمم النجاح إنها دقائق وساعات نحياها هذه الآونة ربما غفلنا عن قبل 14 عامًا مدونة أمواج مدونة الخزامى 2 lavender الود لا يفنى والقلب داع utube com watch v trpj6zug74 http www youtube com watch v trpj6z منــــــــــــــــــــــــــــــــــى قبل 12 عامًا يا حزاركم تهتم بالتراث وقضايا المرأة المحرر فاطمة غندور المظهر علامة مائية يتم التشغيل بواسطة blogger