Meta tags:

Headings (most frequently used words):

de, 2026, 26, 2025, jueves, viernes, 27, miércoles, del, con, en, la, lletra, menudo, 23, abril, marzo, febrero, 28, enero, diciembre, noviembre, lunes, octubre, datos, personales, páxines, etiquetes, archivu, blogue, agabitamos, entradas, populares, seguidores, mayo, alzo, maya, malles, embaruyase, paisana, carambelu, ocalitu, gaiteros, carbón, gdc, cagalbata, gaspar, ferramienta,

Text of the page (most frequently used words):
que (114), nun (52), los (43), les (33), del (29), por (29), como (26), con (23), una (23), compartir (21), malles (18), más (17), enero (16), abril (16), mayo (16), yera (15), #noviembre (15), #diciembre (15), febrero (15), marzo (15), mio (15), agosto (13), julio (13), octubre (13), cola (12), junio (12), septiembre (12), xente (11), non (11), había (11), hai (10), pero (10), esti (10), pablo (9), porque (9), cuando (8), yos (8), escribe (8), rodríguez (8), medina (8), comentarios (8), ferramienta (8), col (7), otru (7), años (7), pinterest (7), facebook (7), blog (7), enviar (7), correo (7), electrónico (7), hay (7), publicado (7), ensin (7), qué (7), carambelu (7), hace (6), perru (6), caleyeru (6), historia (6), día (6), gaspar (6), son (6), casa (6), carambelos (6), mayestra (6), firma (6), hasta (5), 2026 (5), etiquetas (5), sabe (5), mina (5), nunca (5), agora (5), asina (5), lluz (5), onde (5), tamién (5), ocalitu (5), neñu (5), nada (4), españa (4), pela (4), tan (4), memoria (4), 2025 (4), ver (4), carbón (4), nel (4), eso (4), nuestra (4), mano (4), anque (4), parte (4), cómo (4), dir (4), nuna (4), comandante (4), garcía (4), laviana (4), cultura (4), lleva (4), per (4), añu (4), nin (4), dos (4), ehí (4), tenía (4), foi (4), salir (4), tema (3), miércoles (3), dicen (3), paisanu (3), mineros (3), ser (3), cuerpu (3), idioma (3), contra (3), siguir (3), van (3), tres (3), pallabres (3), alzo (3), maya (3), llingua (3), namás (3), esta (3), somos (3), güela (3), güelu (3), esi (3), enantes (3), home (3), coles (3), martín (3), otra (3), neños (3), públicu (3), paragües (3), tiraben (3), yeren (3), llevaben (3), hubo (3), mal (3), gdc (3), tradicional (3), tien (3), asturies (3), pienses (3), vaqueros (3), fueya (3), daquién (3), kadarma (2), conciertu (2), 2016 (2), sobre (2), para (2), camino (2), falar (2), toca (2), asturianu (2), academia (2), pena (2), equí (2), esa (2), película (2), crece (2), acoso (2), asturiano (2), mis (2), compañeros (2), feo (2), camín (2), sabor (2), piel (2), entradas (2), silenciu (2), trabayu (2), 2012 (2), episodios (2), cutreguinos (2), llee (2), mios (2), dacuando (2), llau (2), hores (2), procuru (2), faen (2), favor (2), estes (2), obreros (2), güerta (2), sorriego (2), fierros (2), igual (2), conciencia (2), unos (2), sentíu (2), cada (2), fesoria (2), trabayar (2), frutales (2), mundu (2), tampoco (2), herencia (2), chabola (2), cuantes (2), trespasu (2), armes (2), daqué (2), fíu (2), vida (2), muertos (2), muerren (2), poesíes (2), solidaridá (2), quedó (2), nes (2), marchaba (2), combate (2), voz (2), palacagüina (2), llaveru (2), pel (2), pal (2), reis (2), tantos (2), cagalbata (2), taba (2), príncipe (2), cabalgata (2), ruque (2), segunda (2), unes (2), mui (2), too (2), paisanes (2), manes (2), dicía (2), ella (2), protestante (2), viernes (2), apagase (2), acababa (2), carrera (2), facer (2), manera (2), cuenta (2), relevu (2), música (2), pasó (2), diez (2), xaula (2), minera (2), gaiteros (2), mahón (2), daba (2), tener (2), esos (2), facese (2), cinco (2), papel (2), muyer (2), ónde (2), cremallera (2), kilométrica (2), bolsu (2), acabó (2), estirar (2), paisana (2), grillos (2), supliciu (2), posible (2), crui (2), primer (2), poco (2), forma (2), pensar (2), nosotros (2), natural (2), dalgunos (2), mieu (2), otros (2), filu (2), ellos (2), guah (2), firmes (2), vegada (2), sacó (2), jueves (2), mayu (2), superhéroes (2), sieglu (2), tiempos (2), lletra (2), menudo (2), sencillo, imágenes, tecnología, blogger, luoman, seguidores, uabra, teatru, conde, toreno, cangas, narcea, agostu, ropa, gala, anacró, vino, buscarme, scooter, lunch, fast, food, teníamos, time, break, market, center, habla, español, joputa, desconfiái, políticos, nieguen, esto, pide, coses, impo, cherines, pelos, cincuenta, sesenta, venía, díes, paga, muestrariu, pichaínes, vende, xornal, bol, calcetinos, homes, funcionalismu, llingüísticu, enseñónos, artículu, amás, morfema, actualizador, actualmente, fotograma, escenes, emblemátiques, llegué, golor, vega, domingu, arume, mirando, miranda, tinto, brass, protagonizada, serena, grandi, veíemosles, peles, ceres, setiembre, chornu, atapecer, amoriaben, torpes, cuerna, alzada, negru, brillante, puru, vacaloria, existe, incipiente, brote, alérgico, monte, pisar, nieve, importante, pataes, delantre, marcando, siénteste, seguru, arienza, miembros, tertulia, reciella, mallory, entós, ñarru, distintu, paraísu, desnudo, deséu, kay, parker, populares, paciencia, caracol, dende, tueru, silencio, campu, xunetu, ventanes, pequeñes, colina, las, cruces, paula, vilnius, bombilla, cuadernu, rayes, habrás, caido, aguantando, cachones, poemagosto, diarios, yoni, falo, esfoyaza, agabitamos, 2011, 2013, 2014, 2015, 2017, 2018, 2019, 2020, 2021, 2022, 2023, 2024, archivu, blogue, toponimia, semblances, quedándose, colo, meyor, reseñes, 187, miendos, lliteratura, madison, llibros, gael, cuenca, cuarentena, filoloxía, ficción, etimoloxía, popular, fuera, caxón, modista, bestiariu, etiquetes, página, principal, páxines, todo, perfil, persona, pienso, comentar, llectures, opiniones, retayos, lleío, sepia, procesu, creación, espera, trabayos, vez, agradez, confundir, críticu, datos, personales, suscribirse, atom, inicio, antiguas, garro, pieces, respetu, devoción, quien, depositariu, toa, estirpe, campesinos, conozo, forxaron, porvenir, faustina, viuda, paliando, tardes, rozá, colos, güelos, edén, infancia, maleteru, suzuki, sepan, abultarán, ferroñentos, amontonaos, trastos, conoz, pieza, serruchu, diómelu, traxo, fresno, tenaces, usaba, punta, resista, garró, poder, espolletar, cañes, sallará, arrincará, cardeñes, tiempu, faga, persabe, despide, perteneció, quiciás, echaré, riegu, patates, tarácenlos, vaques, cabres, soi, mañosu, dame, saca, sabrás, cuida, pola, min, servir, pierda, roben, duerme, quiciabes, cochera, suétanu, sobráu, acepta, podrá, vaya, muncho, seme, produzse, nobles, velamos, épico, nesto, dexen, montón, forroñentos, ganaron, hachu, sacaron, últimu, subieron, estaya, raseru, quitar, forgaxa, lunes, pallabra, falaba, vuelta, sentimos, verdá, caminos, destín, dan, picurrabucos, vinimos, presentar, torna, llibru, entregu, nome, sos, testimoniu, deprendió, nestos, montes, valir, xusticia, calláu, nicaragua, abusaben, neñes, prostituyíen, morría, fame, inxusticia, punxo, serviciu, catecismu, revolucionariu, nueches, ercoa, tascaba, vaca, repetidor, campeta, señal, televisión, comentaba, dieron, presos, noticia, muerte, carceleru, somocista, come, moral, entró, celda, anunció, trunfu, satisfacción, güei, río, mena, tropes, lleales, somoza, cayó, muertu, dizque, espesu, enlleno, escuridá, reposaben, prisioneros, fondu, prisión, retrucó, camarada, recortada, periódicu, imaxe, sorriente, boína, quixi, tíu, llonxanu, marchare, amériques, tocando, mitu, crecí, abellugu, navidá, cantábemos, cristo, nació, vieya, cara, sombreru, relieve, tras, oración, rezaba, soberanía, pueblu, discute, deféndese, augusto, sandino, dedicó, allá, recaldar, perres, frente, sandinista, cagabalta, enforma, distinta, teníemos, turnarnos, salíes, facíes, sitiu, carroces, disfraces, llista, godos, aliatar, melchor, gastar, baltasar, herodes, olvidó, sacar, última, remesa, llovía, abrió, broma, fueron, chichones, puntos, quedaba, pañar, veía, poderíu, toffe, sabores, exóticos, suprema, rellenos, mercaba, sama, guardaba, tarru, cocina, curiosa, veces, tocónos, daben, bancos, caxes, aforros, chupada, abríense, raxes, cortaben, creo, países, consideren, arma, blanca, difíciles, conseguir, ello, conozse, posguerra, cagalbates, atrasaes, taben, abusones, emburriando, pisando, atropellando, candy, crush, burro, salió, plegable, puñáu, abría, cerrábalu, rápido, pañando, tolos, paeció, emprender, protestaba, protestabes, tocábate, casu, hermana, arreglábase, quitame, turnu, revoltixu, aseguráu, prestába, antorchera, puestu, dexaben, mayores, podía, pastor, pinta, borregu, pregunté, salía, beckelair, díxome, xuru, claro, pequeñu, yeres, quedabes, entemedies, axuntalletres, quier, picador, candín, pensé, rellación, gaiteru, proyectu, personal, apueste, emocionáu, diferente, resiste, morrer, dando, esistió, breve, intensu, irrepetible, cantera, desplegó, enriba, escenariu, actuación, enllena, sentimientu, aciertu, repertoriu, enfotu, artistes, convidaos, complicidá, mocedá, efectos, soníos, gotes, pingando, ruxir, vagonetes, envolubró, fízose, curtio, empar, eterno, directu, partitura, seya, mesma, artista, vegaes, idéntica, xineru, maripeña, felguera, máxico, espectáculu, inmersivu, baxaba, galería, xubíen, gaites, llombu, envede, martiellu, sicasí, tarrez, llama, demientres, andadura, empéñase, amiestar, cascos, llámpara, montera, casaca, pantalón, prietu, recuerden, digna, probitú, vistimenta, minero, contemos, apagaría, rayos, embaxo, tierra, dándose, tira, foron, cerca, sieglos, anguaño, pasáu, rabión, suspiru, vuelve, ganaderos, agua, bravo, arremansó, minería, símbolos, atrayer, turismu, épicos, castilletes, adornu, semeyes, cares, tisnaes, nomes, vides, rotes, llábanes, rampla, muséu, baxa, pagando, cuidáu, mancase, media, xornada, idea, bueno, costar, euros, tuvo, tal, obra, preguntarán, café, imposible, doblase, españar, decátase, guardar, abre, anula, monólogu, final, actor, dientes, garraron, ratón, garduña, mázcalu, destrúilu, meteoritu, enllenu, petaz, etes, aprovechando, aplausos, cierra, calza, abrigu, falsu, visón, marcha, big, bang, puede, plastiquín, universu, adeprendístilo, documentales, dempués, estirase, tiende, replegase, fai, dobla, papelín, aplachare, manada, doblez, estíralo, sábanes, recién, planchaes, polo, menos, acabóse, chuperretiar, quitada, capa, blandurria, megollu, duru, graníticu, rebota, dentame, postizu, bola, petaca, champolín, sáquenlu, sedrá, causar, tantu, estrueldu, desenvolviendo, verbeneru, celu, acabante, desenvolvélu, llévenlu, boca, santu, remediu, señora, venerable, carambelín, chupa, llambionada, chancles, llamuerga, tar, afánense, planchar, putu, celofán, dexalo, bien, lliso, andáu, actu, entamen, carraspiar, garganta, píca, podrecieren, dientro, tusen, abren, rux, eterna, cierres, mayuelos, campana, catedraliega, rebusquen, coñu, reburdiando, pol, plumeru, pampa, plaga, paisaxe, teatral, alteriación, matrix, continuu, choque, formen, secta, atroniquen, radiu, inferior, butaques, cine, desque, echen, indios, reconocen, mocinos, déjà, deprendimos, mienten, fáenlo, saben, xestionar, pura, trapacería, mientan, entra, familia, alcagüetalos, tapándolos, quies, priendes, acabes, embaruyándote, grandinos, tapemos, diximos, firmé, priesa, meca, ficimos, fuimos, reñemos, entendimos, educación, reñer, dici, desplica, facía, enquivocare, rectificar, primero, quitó, importancia, tuviéremos, anécdota, siguía, siendo, bon, reprendelu, supo, quedare, engarduñáu, propia, artería, cayere, rede, sedría, podría, enseñanos, descubrise, enriedando, aquel, embaruyando, nata, movedizo, movía, empozáu, pensó, voi, dexalu, estira, chicle, padre, abaruyao, respondió, rara, entrugó, decatóse, mirémonos, estrañaos, desplicónoslo, mandare, traxeren, firmada, alcordare, dánosla, enfadare, riñere, sabiendo, garabatu, embaruyáu, boli, echó, baruya, diba, falsificar, raro, notes, bones, sietes, ochos, pidiónos, entrevista, llegando, anotaben, calificaciones, señaló, cuadru, dalgún, embaruyase, hunosa, violo, venir, decidió, echar, piesllu, enteru, picadores, ancho, entrando, volvéi, pana, malla, muergu, cinchu, castigu, llevar, estilu, acertar, talla, mortadela, embutío, chosco, tinéu, hailo, bailongues, xéneru, fechu, tensionar, xusto, llexisle, aconseye, gafo, moda, necesita, úlo, probándose, apuntaba, zumba, pilates, gym, poner, pionero, dixo, mercar, pan, mélica, tutoría, críu, feria, caiga, recepción, estáu, vaticanu, tol, mes, chándales, tactel, playeros, siquier, pantalones, usaos, polos, cowboys, pirates, circu, comediantes, echaos, reinu, esclusiva, lleven, momentu, democratizó, poeta, camuden, venti, cambalache, neuroasténicu, febril, cuartu, xxi, quedando, vamos, camudaron, prestare, tando, xugando, piocampu, esconderite, bote, aprovechar, velocidá, estratexa, infiltrate, ente, llinies, enemigues, soldáu, élite, pegar, gritar, alto, aquello,

Text of the page (random words):
artir en pinterest etiquetas perru caleyeru viernes 27 de febrero de 2026 paisana con carambelu d ocalitu como l plumeru de la pampa son una plaga que forma parte del paisaxe teatral una alteriación en matrix un déjà vu continuu nun te choque pensar que formen parte d una secta son les paisanes del carambelu d ocalitu qu atroniquen nun radiu non inferior a cinco butaques van poco al cine desque nun echen les d indios y vaqueros y nun reconocen a los mocinos de la película andáu l primer actu entamen a carraspiar la garganta al nun falar píca yos como si yos podrecieren dientro les pallabres al poco tusen abren el bolsu una cremallera kilométrica que rux eterna unos cierres como mayuelos de campana catedraliega y rebusquen ai qué coñu reburdiando pol carambelu d ocalitu sáquenlu sedrá posible causar tantu estrueldu desenvolviendo un carambelu d ocalitu crui crui ye como un verbeneru grillos en celu acabante desenvolvélu llévenlu a la boca pienses santu remediu acabó l supliciu pero non la señora venerable del carambelín d ocalitu chupa de la llambionada como carrera en chancles pela llamuerga les manes que nun son a tar ensin facer nada afánense n estirar y planchar el putu celofán del carambelu hasta dexalo bien lliso pienses qu acabó nun se puede estirar más el plastiquín de los c carambelos pero l universu adeprendístilo de los documentales dempués d estirase tiende a replegase como fai la paisana que dobla con procuru l papelín y ye como si aplachare la manada de grillos tres de cada doblez estíralo como sábanes recién planchaes polo menos pienses acabóse l supliciu de chuperretiar el carambelu pero non quitada la capa blandurria da col megollu duru y graníticu que rebota pel dentame postizu como una bola de petaca o champolín agora l papel ye imposible doblase más ensin españar nun big bang la muyer decátase de que nun tien ónde lu guardar y abre la cremallera kilométrica qu anula l monólogu final del actor los dientes garraron el carambelu como ratón nuna garduña la muyer mázcalu y destrúilu como un meteoritu enllenu de petaz etes y aprovechando los aplausos cierra l bolsu calza l abrigu de falsu visón y marcha qué tal la obra preguntarán y al café bueno pa costar cinco euros nun tuvo mal publicado por pablo rodríguez medina en 20 58 no hay comentarios enviar por correo electrónico escribe un blog compartir en x compartir con facebook compartir en pinterest etiquetas perru caleyeru miércoles 28 de enero de 2026 gaiteros del carbón gdc hubo una lluz n asturies que contemos que nunca nun s apagaría una lluz que daba en rayos de solidaridá la del trabayu embaxo de la tierra la de la xente dándose tira foron cerca de dos sieglos y anguaño pasáu l rabión de la historia como un suspiru asturies vuelve a tener más ganaderos que mineros l agua bravo de la historia arremansó la minería pasó a ser ún d esos símbolos p atrayer el turismu épicos castilletes d adornu semeyes de cares tisnaes nomes de vides rotes en llábanes y una rampla muséu onde la xente baxa pagando con cuidáu de nun mancase la media xornada d un día pa facese una idea de sicasí hai una lluz n asturies que tarrez apagase la de la cultura minera gaiteros del carbón ye esa llama que demientres diez años d andadura empéñase n amiestar la cultura tradicional cola tamién tradicional cultura minera cascos de la mina cola llámpara por montera la casaca de mahón y el pantalón prietu recuerden la digna probitú de la vistimenta minero lo que pasó esti diez de xineru nel maripeña de la felguera foi máxico un espectáculu inmersivu onde la música baxaba a la galería o los mineros xubíen pela xaula coles gaites al llombu envede l martiellu la cantera de gdc desplegó enriba l escenariu una actuación enllena de sentimientu l aciertu del repertoriu l enfotu de los artistes convidaos la complicidá de la mocedá d esti relevu los efectos de los soníos de la mina les gotes pingando el ruxir de les vagonetes envolubró al públicu fízose curtio y al empar eterno ye lo que tien la música en directu anque la partitura seya la mesma un artista nun toca dos vegaes d idéntica manera gdc ye l proyectu personal l apueste del emocionáu pablo carrera por facer daqué tradicional de manera diferente de siguir cola lluz que se resiste a morrer dando cuenta d esi mundu qu esistió tan breve ya intensu como esti conciertu irrepetible mio pá foi picador en candín pensé qu ehí acababa la mio rellación cola mina el mio fíu ye gaiteru del carbón entemedies yo namás un axuntalletres d esti idioma que tampoco quier apagase publicado por pablo rodríguez medina en 23 15 no hay comentarios enviar por correo electrónico escribe un blog compartir en x compartir con facebook compartir en pinterest viernes 26 de diciembre de 2025 la cagalbata la cagabalta de reis yera enforma distinta había tantos neños que teníemos que turnarnos si un añu salíes na cagalbata al otru facíes de públicu nun había sitiu nes carroces nin tantos disfraces y eso qu había más reis que la llista de los godos taba l príncipe aliatar melchor gastar baltasar herodes un añu pregunté y a mio ma que por qué nun salía l príncipe de beckelair y díxome ella que de xuru que porque yera protestante y claro de pequeñu si yeres protestante quedabes ensin nada asina qu ún añu tocábate de públicu y nel mio casu al otru tamién la mio hermana arreglábase pa quitame l turnu dicía que tenía l revoltixu aseguráu y qu a ella prestába y dir d antorchera que ye l puestu que y dexaben a los mayores y que yo nun podía dir de pastor porque tenía más pinta de borregu yo nun protestaba porque si protestabes y quedaba con mio ma o con mio güela a pañar carambelos yera ehí onde se veía l poderíu de la cabalgata si tiraben carambelos de toffe o de sabores exóticos yera cabalgata suprema si tiraben carambelos rellenos de los que mio ma mercaba en sama y guardaba nun tarru de la cocina yera curiosa pero les más de les veces tocónos los de ruque ruque que yeren los que daben los bancos y les caxes d aforros y qu a la segunda chupada marchaba l sabor y abríense yos unes raxes que cortaben la llingua creo qu hai países que los consideren arma blanca yeren mui difíciles de conseguir con too y con ello conozse que les paisanes como na posguerra nun había cagalbates llevaben unes cuantes atrasaes y ehí taben abusones emburriando pisando manes atropellando neños yera como un candy crush a lo burro un añu mio güela salió col paragües plegable y cuando tiraben un puñáu de carambelos abría l paragües y cerrábalu rápido pañando tolos carambelos hubo xente a lo que y paeció mui mal n españa yá se sabe lo d emprender nun se lleva olvidó sacar la última remesa y a otru día cuando llovía y mio güelu abrió l paragües la broma fueron tres chichones y dos puntos publicado por pablo rodríguez medina en 21 28 no hay comentarios enviar por correo electrónico escribe un blog compartir en x compartir con facebook compartir en pinterest etiquetas episodios cutreguinos perru caleyeru miércoles 26 de noviembre de 2025 gaspar na casa vieya había un llaveru una cara d home con sombreru en relieve y pela mano tras una oración que rezaba la soberanía d un pueblu nun se discute deféndese coles armes na mano yera augusto c sandino y el llaveru de cuando mio pá se dedicó allá pel 78 a recaldar perres pal frente sandinista en casa había tamién recortada d un periódicu la imaxe sorriente d otru home con boína al que quixi como a un tíu llonxanu que marchare pa les amériques yera gaspar garcía laviana el comandante martín tocando col mitu crecí al abellugu de la so memoria y per navidá cantábemos el son de los de palacagüina cristo yá nació en palacagüina nes nueches en que marchaba la lluz de la ercoa o se tascaba una vaca contra l repetidor de la campeta y nun había señal de televisión mio pá comentaba la historia de cuando yos dieron a los presos la noticia de la muerte en combate de gaspar garcía laviana el carceleru somocista por come yos la moral entró na celda y anunció con voz de trunfu y satisfacción nel día de güei en río mena en combate coles tropes lleales a somoza cayó muertu l comandante martín dizque un silenciu espesu enlleno la escuridá onde reposaben los prisioneros hasta qu otra voz del fondu de la prisión retrucó el comandante martín el camarada gaspar garcía laviana ye de los muertos que nunca muerren asina son los caminos del destín que dan picurrabucos esti día vinimos de presentar la torna al asturianu del llibru de poesíes de gaspar garcía laviana na casa de la cultura de l entregu que lleva l so nome les sos poesíes son testimoniu d un home que deprendió nestos montes el valir de pallabres como xusticia y solidaridá que nun se quedó calláu al ver cómo en nicaragua abusaben de les neñes a les que prostituyíen y la xente morría de fame y d inxusticia que punxo la vida al serviciu del catecismu revolucionariu la so pallabra falaba de vuelta na nuestra llingua y sentimos que yera verdá que l comandante gaspar ye de los muertos que nunca muerren publicado por pablo rodríguez medina en 22 44 no hay comentarios enviar por correo electrónico escribe un blog compartir en x compartir con facebook compartir en pinterest etiquetas perru caleyeru lunes 27 de octubre de 2025 ferramienta la herencia que dexen los obreros ye un montón de fierros forroñentos la ferramienta cola que se ganaron la vida l hachu que sacaron l últimu día de la mina la fesoria cola que subieron la estaya el raseru col que quitar la forgaxa nun somos nobles nun velamos les armes pero hai daqué d épico nesto el trespasu de la ferramienta d un pá al fíu duerme nuna chabola o quiciabes na cochera nun suétanu o nun sobráu en cuantes qu acepta que yá nun podrá trabayar más non enantes anque vaya muncho que nun seme produzse l trespasu hai que dir pola ferramienta a min yá nun me va servir y ye pena que se pierda o que la roben la ferramienta ye parte del paisanu sabrás cómo ye un paisanu por cómo cuida la ferramienta esti día mio pá garró conciencia de que yá nun va poder trabayar más yá nunca de la so mano van espolletar les cañes de los frutales yá nunca sallará o arrincará les cardeñes anque va tiempu que nun lo faga agora persabe que se despide d esi mundu al que perteneció sabe quiciás que yo tampoco echaré un riegu de patates sabe que los mios frutales tarácenlos les vaques y les cabres sabe que nun soi mañosu como él pa la güerta pero dame la herencia de la chabola de sorriego saca la ferramienta conoz cada pieza esti serruchu diómelu to güela esta fesoria ye la que traxo to güelu de fresno estes tenaces les qu usaba na mina nun hai punta que se yos resista nel maleteru del suzuki pa los que nun sepan la so historia namás abultarán fierros ferroñentos amontonaos igual eso somos ensin conciencia de la nuestra historia de la nuestra memoria unos trastos ensin sentíu pero yo que conozo la historia sé qu esta ye la ferramienta cola que me forxaron el porvenir les hores de faustina yá viuda paliando carbón les tardes na güerta de rozá colos güelos l edén de la infancia sorriego garro estes pieces col respetu y la devoción de quien se sabe depositariu de toa una estirpe de campesinos y obreros publicado por pablo rodríguez medina en 23 05 no hay comentarios enviar por correo electrónico escribe un blog compartir en x compartir con facebook compartir en pinterest etiquetas perru caleyeru entradas antiguas inicio suscribirse a comentarios atom datos personales pablo rodríguez medina persona que llee equí pienso comentar les mios llectures y opiniones retayos de lo lleío namás pa que la xente qu escribe sepia que dacuando hai xente al otru llau del procesu y les hores de creación qu espera y llee con procuru los trabayos que faen y que dacuando en vez hasta yos lo agradez nun confundir con críticu por favor ver todo mi perfil páxines página principal etiquetes bestiariu 3 caxón de modista 22 cola llingua fuera 25 episodios cutreguinos 19 etimoloxía popular 2 filoloxía ficción 2 la cuenca en cuarentena 26 los llibros de gael 5 madison 1 miendos de lliteratura 6 perru caleyeru 187 quedándose colo meyor reseñes 40 semblances 11 toponimia 3 archivu del blogue 2026 4 abril 1 en mayo alzo la maya en malles marzo 1 febrero 1 enero 1 2025 15 diciembre 1 noviembre 1 octubre 2 septiembre 1 agosto 1 julio 2 junio 2 mayo 1 abril 1 marzo 1 febrero 1 enero 1 2024 16 diciembre 1 noviembre 2 octubre 1 septiembre 1 agosto 1 julio 1 junio 1 mayo 2 abril 2 marzo 1 febrero 1 enero 2 2023 11 noviembre 1 octubre 1 septiembre 2 julio 1 junio 1 mayo 1 abril 1 marzo 1 febrero 1 enero 1 2022 12 diciembre 1 noviembre 2 octubre 1 agosto 1 julio 1 mayo 2 abril 1 marzo 1 febrero 1 enero 1 2021 15 diciembre 1 noviembre 1 octubre 1 septiembre 1 agosto 2 julio 1 junio 1 mayo 1 abril 3 febrero 1 enero 2 2020 47 diciembre 1 noviembre 4 octubre 2 septiembre 1 agosto 2 julio 1 junio 13 mayo 17 abril 3 marzo 1 febrero 1 enero 1 2019 15 diciembre 3 noviembre 2 octubre 1 septiembre 1 agosto 1 julio 1 junio 1 mayo 2 marzo 1 febrero 1 enero 1 2018 14 diciembre 3 octubre 1 septiembre 1 agosto 1 julio 2 mayo 2 abril 1 marzo 1 febrero 1 enero 1 2017 16 diciembre 1 noviembre 3 octubre 2 septiembre 1 agosto 1 julio 1 junio 1 mayo 1 abril 2 marzo 1 febrero 1 enero 1 2016 21 diciembre 2 noviembre 2 septiembre 1 agosto 1 julio 2 junio 1 mayo 2 abril 2 marzo 2 febrero 3 enero 3 2015 22 diciembre 3 noviembre 4 octubre 1 septiembre 2 agosto 1 julio 1 junio 2 mayo 1 abril 1 marzo 2 febrero 3 enero 1 2014 27 diciembre 2 noviembre 1 octubre 2 septiembre 2 agosto 1 julio 2 junio 2 mayo 2 abril 3 marzo 1 febrero 3 enero 6 2013 29 diciembre 3 noviembre 3 octubre 4 septiembre 6 agosto 1 julio 2 junio 2 mayo 3 abril 2 marzo 1 enero 2 2012 34 diciembre 2 noviembre 3 agosto 1 junio 3 mayo 4 abril 3 marzo 5 febrero 5 enero 8 2011 10 diciembre 3 noviembre 7 agabitamos con la esfoyaza falo pallabres hace 8 años diarios de yoni iv poemagosto hace 8 años aguantando cachones no la habrás caido hace 9 años cuadernu de rayes la bombilla hace 11 años paula en vilnius camino de la colina de las tres cruces hace 11 años ventanes pequeñes 07 de xunetu 2012 hace 13 años trabayu de campu memoria de un silencio memoria d un silenciu dende l tueru la paciencia del caracol entradas populares la piel desnudo deséu de ser kay parker a los miembros de la tertulia reciella mallory entós yera ñarru y otru tan distintu yera l sabor del paraísu arienza e n monte al pisar pela nieve ye importante siguir les pataes de los que van delantre marcando l camín siénteste seguru y ca crece el acoso al asturiano en españa mis compañeros dicen que mi idioma es feo crece el acoso al asturiano en españa mis compañeros dicen que mi idioma es feo en españa existe un incipiente brote alérgico contra vacaloria veíemosles peles ceres de setiembre col chornu del atapecer amoriaben torpes cola cuerna alzada el cuerpu negru brillante de puru mirando a miranda sobre la película de tinto brass protagonizada por serena grandi fotograma d una de les escenes emblemátiques ye una pena qu hasta equí nun me llegué la golor d es...