Meta tags:

Headings (most frequently used words):

الخميس, 2011, السبت, مارس, 2019, الجمعة, 15, 2018, الثلاثاء, نوفمبر, 2013, يا, ولكم, الاثنين, 25, فبراير, أكتوبر, 2014, 14, 18, الشمس, من, أشعة, قلب, أحب, 16, 22, ديسمبر, 27, 28, يناير, 2012, أغسطس, 21, يوليو, يونيو, 13, مايو, بنت, دى, فى, حفظ, القران, صغرى, متفوقه, اهلا, بيكم, ناس, على, ذوقى, متفرقة, نوروناااااا, شهرتنا, وصلت, لفين, الساعه, كام, شاركنى, واشاركك, قاطعوا, يقتلوننا, بأموالنا, المستخدم, غير, موجود, كده, مرتاحة, نهاية, حكايتنا, احاول, التوقف, عنك, قهوتي, انت, عودة, حب, نفسك, مر, عام, قلبى, لو, حجر, كان, زمانه, متكسر, بحن, للغربه, تمنيات, مش, عارفه, منين, احكى, صمت, الناااار, فارس, أحلامى, اخوانجى, متحرر, يسقط, الشغل, يحيا, الفشل, عندما, يستفزك, احدهم, أقاوم, النسيان,

Text of the page (most frequently used words):
المشاركة (76), على (65), اللى (38), انا (30), هناك (25), قبل (23), هذه (23), كان (22), facebook (20), unknown (20), pinterest (19), كتابة (19), مدونة (19), حول (19), إرسال (19), بالبريد (19), الإلكتروني (19), بقلم (19), انى (19), ولا (18), ممكن (18), وانا (16), عامًا (15), حتى (14), بعد (14), واحد (14), انت (13), يكون (13), 2011 (12), كده (12), تعليقات (12), ليست (12), حاجه (11), تانى (11), ايه (11), الله (10), عايزه (10), غير (10), مارس (10), انك (10), لسه (10), نفسى (10), ومش (10), يعنى (10), يوم (9), 2018 (9), منى (9), عارفه (9), أنا (9), كيف (9), شيئ (9), فيها (8), الحب (8), عشان (8), فبراير (8), قلب (8), 2013 (8), ونفسى (8), بكل (8), كتير (8), زوج (8), فارس (8), لما (8), والله (7), محمد (7), قلبى (7), لها (7), كنت (7), 2019 (7), بعض (7), لازم (7), مهو (7), انه (7), عليه (7), لأن (7), بين (6), الدنيا (6), الشمس (6), أكتوبر (6), نوفمبر (6), فيه (6), الثورة (6), ولما (6), يبقى (6), موجود (6), مصر (5), جديد (5), عمرى (5), بنت (5), أحاول (5), 2014 (5), تعليق (5), فقدت (5), يوماً (5), بشر (5), احاول (5), قررت (5), الناس (5), عنها (5), وده (5), عليها (5), منها (5), لأنى (5), اكيد (5), الخميس (5), تكون (5), فعلاً (5), السياسى (5), عندى (5), عايزاه (5), منين (5), السلطان (5), النفس (5), التوقف (5), عنك (5), عليك (4), مني (4), هذا (4), منك (4), الحياه (4), الحلم (4), اكتر (4), صعب (4), تبقى (4), توقف (4), انتظر (4), مشهد (4), عند (4), يونيو (4), أغسطس (4), ديسمبر (4), أحب (4), احكى (4), الحياة (4), وعلى (4), طفل (4), التانى (4), بشكل (4), وهو (4), انهارده (4), نفسك (4), معنى (4), الاخوان (4), السبت (4), بقا (4), اروح (4), بما (4), محتاجه (4), وقت (4), هقول (4), عارف (4), بنات (4), مره (4), نفس (4), التدين (4), متدين (4), أحلامى (4), بيها (4), اليوم (4), الآن (4), أعشقك (4), مجرد (4), atom (3), كام (3), وصلت (3), ولكم (3), العظيم (3), حجر (3), وفى (3), جدا (3), كلام (3), ولم (3), الصمت (3), الجديد (3), إلى (3), barbie (3), the (3), ناس (3), يوليو (3), يناير (3), مايو (3), 2012 (3), حياتى (3), كما (3), حياة (3), وبعد (3), اعرف (3), انها (3), عندما (3), حبى (3), عام (3), يرجع (3), الكلام (3), الوقت (3), النسيان (3), الجمعة (3), رأى (3), بكره (3), يقول (3), برضه (3), يستفزك (3), وبالتالى (3), فعل (3), اما (3), البيت (3), الى (3), الاخر (3), الأول (3), طبعاً (3), ليا (3), جنيه (3), قاللى (3), ليه (3), بقوله (3), بسرعه (3), وان (3), هنا (3), البلد (3), الخ (3), واتمشى (3), اكبر (3), بعيد (3), هيبقى (3), الشغل (3), كمان (3), اكون (3), حاجات (3), وبين (3), احساس (3), زمان (3), المواصفات (3), خايفه (3), معقول (3), دارس (3), الفكر (3), الصفات (3), اتجوز (3), اخوانجى (3), متحرر (3), حقيقة (3), شايفه (3), الثلاثاء (3), تلك (3), لكن (3), حته (3), أكن (3), أحدهم (3), كانت (3), أنه (3), فيك (3), أنت (3), وكلما (3), المستخدم (3), نفسها (3), حباً (3), الذي (3), يرحل (3), صور (2), بواسطة (2), جميع (2), التعليقات (2), المشاركات (2), الساعه (2), عينيك (2), هلاويييس (2), النيل (2), أشعة (2), أقدم (2), عاد (2), ذكريات (2), كلما (2), رغبة (2), حِجْر (2), دار (2), ديوان (2), سبحان (2), ولاا (2), شكل (2), عايشه (2), الجميل (2), طول (2), الأدبية (2), فكري (2), البحث (2), أشياء (2), أخرى (2), بالمجلس (2), الأعلى (2), للثقافة (2), شايف (2), الزمن (2), عندها (2), العمر (2), باقى (2), أحبك (2), يسمع (2), شىء (2), كتابى (2), الإلكترونى (2), الثالث (2), أبجديات (2), سياسية (2), يعرف (2), كلمة (2), أنهم (2), السعادة (2), مشروع (2), علشان (2), معايا (2), الجو (2), يقف (2), أحمد (2), الصباغ (2), أعوام (2), autoblog (2), رضا (2), عضو (2), كبير (2), سبتمبر (2), أبريل (2), صغرى (2), الملف (2), لمن (2), مللت (2), اعيش (2), الحكايات (2), حكايتى (2), نسيانك (2), فأنا (2), الموت (2), معك (2), أعد (2), النساء (2), غضباً (2), قلت (2), تشبهها (2), دموعى (2), تسقط (2), غضبها (2), أحبها (2), اشعر (2), كله (2), الرجال (2), الخوف (2), حالة (2), لملمة (2), مشاعرى (2), سأحكى (2), تسمع (2), حنان (2), اخر (2), ملامحك (2), عنى (2), عيون (2), قسوة (2), أقاوم (2), خوفاً (2), التسميات (2), تعليقان (2), وربنا (2), عليا (2), دنا (2), شفته (2), الموضوع (2), واللى (2), مستفز (2), النوع (2), الشباب (2), الا (2), مهما (2), الواحد (2), ساعه (2), دماغه (2), حسحس (2), يقولك (2), البرادعى (2), وحش (2), تلاقيه (2), تصرفاته (2), لدرجة (2), تكتم (2), يستفزنى (2), هيأثر (2), يجيلك (2), جلطه (2), يكوووون (2), فاهم (2), بيستفزك (2), فساعتها (2), مقدرتش (2), الراجل (2), الحر (2), هتقطع (2), استفزك (2), يكووووون (2), واخد (2), بشله (2), وشه (2), وتعرف (2), لحد (2), الظهر (2), نزلت (2), اول (2), وشى (2), تاكسى (2), وقلت (2), مثلاً (2), الحل (2), بيبقى (2), الاتنين (2), إما (2), حين (2), احدهم (2), شاء (2), الاماكن (2), بالليل (2), لون (2), واروح (2), شاورمة (2), واقعد (2), شويه (2), واعدى (2), واشترى (2), جداً (2), سبيل (2), اخرج (2), اسبوعين (2), واخرج (2), بيه (2), لنفسى (2), حمل (2), فافى (2), تحمل (2), اتعلمت (2), بينى (2), اوسع (2), والاحساس (2), انساها (2), ومرح (2), رغم (2), التفكير (2), اتكلم (2), اقدر (2), اكتب (2), يسقط (2), اللهم (2), الايمان (2), أكتر (2), تقى (2), هما (2), البنات (2), حبك (2), مهم (2), العقلى (2), قصدت (2), أقول (2), قصدى (2), البوست (2), طلب (2), تانيه (2), دول (2), ومواصفات (2), احلامى (2), دلوقت (2), عالأقل (2), أزهرى (2), ليبرالى (2), هيكون (2), تانية (2), وجهة (2), نظرى (2), سنين (2), أكيد (2), معاه (2), المرأة (2), مواصفاته (2), صفات (2), فيا (2), السن (2), اخوانجية (2), تربية (2), متربى (2), بيت (2), مواصفات (2), متفتح (2), بييجى (2), الجواز (2), لبعض (2), زوجى (2), سنى (2), تفكيرى (2), تعبير (2), بقى (2), الستات (2), لحاجه (2), كفران (2), مختلفة (2), بعيون (2), يخطفها (2), عقلى (2), كلاب (2), برصاص (2), منا (2), نركض (2), نصرخ (2), وما (2), سوى (2), سلمية (2), معه (2), سلميه (2), الشعب (2), لكل (2), سرقوا (2), الهم (2), وجعى (2), وتباً (2), الكل (2), الجحيم (2), صمت (2), كدبتها (2), بنفسي (2), كيانى (2), قصة (2), اشوف (2), وانت (2), نفسي (2), سأحبك (2), بلا (2), ومن (2), البريئة (2), حيث (2), الاثنين (2), بحن (2), للغربه (2), 200 (2), جايز (2), وقلبى (2), متكسر (2), اتكسر (2), مكانه (2), ملامحه (2), وينسى (2), قلبه (2), بعدت (2), عنه (2), ولن (2), يهديها (2), يحمل (2), عرفت (2), بالحب (2), الكثير (2), اكتبه (2), لنفسك (2), حدود (2), النضج (2), فات (2), يمكن (2), الحزن (2), ذلك (2), عدت (2), مدة (2), المرة (2), ربما (2), فقط (2), قلبي (2), تفاصيل (2), التفاصيل (2), أني (2), انعجن (2), تشتاق (2), قهوتي (2), وددت (2), اهواك (2), كامل (2), وأحبك (2), اليه (2), قلبك (2), اسباب (2), نهاية (2), حكايتنا (2), تفوقي (2), الكون (2), حضنك (2), مرتاحة (2), حقيقي (2), يتبع (2), تمر (2), استحق (2), تماماً (2), عاجزة (2), عاشت (2), قلبها (2), يديه (2), وتكتب (2), أمام (2), الوداع (2), المظهر, علامة, مائية, المظاهر, يتم, التشغيل, blogger, nicodemos, قاطعوا, يقتلوننا, بأموالنا, شاركنى, واشاركك, شهرتنا, لفين, نوروناااااا, لماضة, لماااااضة, مراهقة, علمتنى, انتقم, خايفة, حجابى, عاشقة, الثمالة, رمضاااااان, كريممممممممم, بحبك, أمى, متى, تعودى, love, islam, مشكلات, مصريه, تقتلونى, متفرقة, promotion, and, affiliation, لماضــــــــــــة, سباح, بحور, الظلام, قراء, المدونة, الأحباء, وحشتوني, جداَ, عاملين, إيه, وعايشين, إزاي, غيري, أود, البداية, شكر, خاص, سبيشيال, ثانكس, لشعبي, الكابتن, جوهري, إليكم, وأحلام, الجوهري, تميل, بجذعها, قليلا, للأمام, تديره, أصابعها, وترمقني, بإبتسامة, ثاقبة, هكذا, تفعل, تأملت, خطوط, فنجاني, دون, مارست, جدتي, الطقس, كثيرا, أرادت, فنجانُ, خالٍ, قـــــصــــاقـــــيـــــص, مـــشـــاعــــر, يصدر, قريبا, سلسلة, مطبوعات, جماعة, إضافة, الثقافية, نشر, المحروسة, ديواني, شعر, عامي, منصور, صقر, مــــانـــيــــش, بــــــــردان, watch, live, video, from, cobraeye, justin, وبحمده, الباب, المفتوح, عمر, قصير, طويل, وردى, ازرق, تقيل, هفضل, بفكر, وعقلى, بيقول, مطلقات, راديو, شوفوا, بنظره, مختلفه, اتطلق, تستضيف, ندوة, تواصل, الشاعر, بدار, الأوبرا, المصرية, الإثنين, الموافق, 201, قدام, عنيك, بتعشقه, مليان, آلالام, دمعة, دموعه, نازلة, حايرة, عنيه, واقف, ايدي, جدااااا, حاجــــات, جوايــا, فترة, أملى, واحتار, العقل, أمرى, ونداء, لحب, مدى, الدهر, سأعود, وحيدة, أناشد, حينها, صبرى, ليرجع, صدى, أجلك, يحادثها, وفجأه, ودون, مقدمات, قال, مرت, لحظات, كالدهر, قطع, الفيلسوف, أتمنى, يروق, لكم, أجل, جيل, قيمة, تقال, أمامه, يتلاعب, يدعون, النخبة, وأكثر, درا, تبحث, عادتي, بكتب, تدوينة, كتاب, رواية, تصميم, لأغلفتي, بصرف, عنهم, نظر, اخلصهم, مباشرة, بعملهم, بقدر, بسيط, مفقده, لبن, العصفور, كتابي, اصحي, ركزوا, حبتين, غالبا, شكلنا, هنتخانق, رايق, رومانسي, مثالي, زقزقة, العصافير, هباب, الوابور, الكبشة, اللي, هتلعب, إنســـــــــــــان, الغاب, طويــــــــــــــــــل, الناب, عايزة, أتجوز, بعيداً, الحد, الفاصل, ثقتها, وكبريائه, تحنو, وتستجديه, ويتجاهلها, فتهجره, يعشق, تفاصيلها, بعضا, وأخري, قصاقيص, حبيبه, لجمعة, 2015, الساعة, صالة, جناح, العلوم, بمعرض, الكتاب, behance, goodreads, الدليفري, يصل, الحارة, مجموعة, قصصية, خالو, hej, och, välkomna, till, vår, blogg, nya, film, det, här, den, senaste, filmen, som, heter, rock, royals, when, hear, utter, term, reminds, about, two, things, simultaneously, first, thought, that, comes, into, our, mind, blog, with, conte, many, benefits, زوومبى, شاعر, قصيدة, نثر, مترجم, أدب, مواليد, 1984, المنوفية, مجلس, إدارة, نادي, الأدب, التابع, لوزارة, الثقافة, حركة, شعراء, العالم, تشيلي, السيرة, شــخـــصية, عامـــــة, شهر, ابتلعني, حزن, لكنني, النجاة, ينبض, لله, ذوقى, اهلا, بيكم, 2008, 2009, 2010, انجازات, متفوقه, حفظ, القران, عرض, الشخصي, الكامل, الخاص, الاشتراك, الرسائل, الصفحة, الرئيسية, رسائل, اهدى, الكلمات, فإن, الان, فربما, لسنوات, تنتهى, فأرجوك, تمل, سأقاوم, وادعو, يرعاك, أنساك, تعاهدنا, اتمنى, سرمدية, هواك, قأنا, الصحو, أتمناك, أعيش, اخشاه, ألّا, ألقاك, واظنها, ملت, اهيم, كلماتنا, حكاياتنا, ذكر, اسمك, اتلعثم, تتبدل, ملامحى, وشك, توديع, ابتسامتى, مظهرى, وقوامى, وملامحى, سرعان, أثور, وملت, عصبيتى, الرحمة, أغضبونى, غيرة, مللاً, وتثور, بيديها, ولكن, حنيناً, تمسح, حنانك, تكن, تصدقنى, اعلم, لمَ, تتهمنى, بالجنون, تتلخص, اعشقها, رؤية, ابتسامتها, ارضيك, اعطيها, برضاى, أشعر, بالسعاده, شفتاها, قسوتها, عيناها, فصديقتى, الوحيدة, اتعرف, كلهن, كلهم, سواسيه, اعد, الخجل, بالأمان, كأننى, بكابوس, مخيف, صداقاتى, كلها, الهذيان, أتوه, بكلمه, واتعقل, بكلمات, المبعثرة, الصبر, الألم, أخضع, فهل, رفقك, مازلت, نصيحتك, كلماتك, زلت, اتغير, اتكبر, فرد, عليّ, عهدت, تخذلنى, حكاياتى, البكاء, بالحبيب, يفيد, العتاب, يجدى, دعنا, الرغم, خنت, أمالى, عندمت, يأخذنى, وتذهب, ارانى, خائنة, احبك, وأراك, بريئ, أراك, قلوب, البشر, تأخذنى, اقاوم, مشاغل, ارتعد, شفا, حفرة, ولسه, ياما, هنشوووووووف, يستر, صغييييييييره, وقال, المثل, تشوف, عمرك, وقررت, ارتبهم, حسب, ترتيباً, تنازلياً, مبيستفزووووش, جنب, بيستفزوا, عالجنب, أنزل, منازلها, ندى, حجمه, حياتنا, وتحاول, تعيش, حياتك, تلقائى, ودب, يعصبك, موقف, تهدى, اعصااااااااااابك, وتاخد, هوت, تشيكوليت, تفرح, ويا, مكتر, والبناااااااات, عمره, هيستقل, برأى, ويثبت, فكره, ويدافع, والنوع, جماعه, تقدم, حياته, خسارة, ياخد, مات, ويرجع, كلااااااامه, ساعتها, بيكتم, غيظه, مسك, الجزمه, نتفها, ابو, جابوه, بيحب, عااااااااايز, ينجح, مفتحش, الكتااااااااب, يشوف, سوزى, لنفس, اصحابه, بحبهاااااااا, يشوووف, ايمى, لاصحاااابه, بحبهااااااااااااااا, لالالا, هواااااااااااااااااااائى, اوقااااااااااااااااات, تستحق, الثناء, واوقاااااات, مينفعش, تقوله, ياااااااااااااااتافه, شخص, دايماً, متردد, ومبيتحكمش, انفعالاته, بيقدر, يترتب, اقوووووول, تالت, قوووووووووووى, تصرفاتهم, الاخواااان, روحت, تعب, مشيت, اناااااااااااااااام, النوووووع, هقوله, خلااااااااااص, راكبه, ماشية, عماله, اقوووووووووووول, لاوقفه, واخدها, مشى, ربع, ساااااااااااعه, الصحرااااااااااااااااااااااااااا, قالى, مالى, بخانق, فعلى, الغلباااان, اكتم, غيظى, وانززززززل, ابله, قلتله, جايباك, الشارع, محودتش, ادتله, ادانى, موصلتنيش, يحمصنى, وتقريباً, السواق, قرر, شبه, نايمة, نرفزةً, احمر, الجاى, انتى, مقلتيش, المجاورة, الناحيه, التانيه, اوصل, الزبون, توصلنى, ماشى, ووقف, وقلتله, اخلى, ينزلنى, قريب, اخد, يوصلنى, لاحسن, هموووووت, ونمت, الطريق, التعب, النهارده, رجعت, الامتحاااااااان, ركبت, الميكروباص, بيروح, عالعاشر, والتانى, وطبعاً, نتيجة, مبدأ, والكاظمين, الغيظ, لاااااااا, غيظظظظظظظظظظظظظظظك, جواك, تقووووووووله, يحموك, كنكه, الطبيعى, وزورونا, تجدوا, يسركم, استنونى, بوست, افتتاح, اجازتى, الرسميه, يسهل, كتييييييييييير, كفايه, ازورها, الأجازه, عدا, موضوع, السعوديه, احج, امووووووووووووووووووووت, أمنيه, افكر, بحس, روحى, ازور, جده, والطائف, والمدينه, ومكه, وبجد, ربنا, يكرمنى, واسافر, بعشق, بحبها, عالخريطه, السعوووووووووديه, اقضى, فسح, الحسين, وحديقة, الازهر, والقلعه, القاااااااااااااااهره, ارووووح, الأقصر, واسواااان, سمعت, سحرها, ازووووووووورها, بجد, مرسى, مطروووووح, بطول, الكورنيش, بتبوظ, البشره, اضربلى, سندوتش, مؤمن, اموتش, بتجرى, هايله, كوبرى, ستانلى, العربيات, اسكندريه, وانزل, وسط, شااااااااااااورمة, محل, اروووووح, عالشط, المساعيد, العريش, مشبك, راس, البر, واركب, مركب, ارووووووح, دوجى, حبيبتى, وروح, وصديقة, الكفاح, دميــــــــــاط, اتفسح, المغرب, هناااااااااااااك, جاااااااااامد, اروووووووح, المنصوووووووووووووووووووووووووووووووووووره, اماكن, كتييييييييير, يهون, بقااااااااااااااااااا, واشم, هواااا, اشتغلت, اتفسسسسسسسسسسسسسح, اصحاااااااااااااااااااابى, جزم, ومقشات, الكنب, يخلعوه, ويزقلونى, الاعتراض, يطولوها, ايديهم, وهبلغهم, بقرارى, هعمل, اتحمل, نتيجه, قراراتى, فقررت, افضى, واسيب, وهتحمل, التريقه, هاخدها, بابا, وماما, واونكل, وطنط, والجيران, قالولى, شغل, اييييييييييه, احسسسسسن, اقولهم, أبـــــــــــــــــــــداً, اشتغل, وعملتلهم, سبع, اسود, التكييف, اسبوع, نمت, بسببه, ايام, السرير, مبتحركش, والسخونيه, متفارقنيش, وارجع, باين, اييييييييه, اصحى, الصبح, زحمة, حبستنى, مليت, وزهقت, المسئوليه, واتعلمت, متواضعه, وجريئة, واحيانا, شرسة, شغلى, خلق, حلقة, وصل, بدايره, الجامعه, والبيت, والشارع, بعدم, الاستقرار, وعدم, الامان, بشع, اوجاع, صعبه, بالظلم, وحششششششش, بالرغم, بعمل, المستحيل, انسى, احس, بجو, واتفسح, واشوف, اصحابى, وزمايلى, بره, واملى, مرح, للأسف, لاقيه, اقوله, تقريباً, دماغى, تتوقف, اشياء, ياااااااااااااااااااااه, أخيرا, ًلقيت, يحيا, الفشل, ارزقنا, طهر, مريم, وتقى, يوسف, ورقة, أفضل, الصلاة, والسلام, اجعلنا, مؤمنين, وزد, ايماننا, واجعلنا, للمتقين, امام, البنت, هتطلب, رفيق, حياتها, هتنفذ, الوصايا, العشره, وصت, بهم, الاعرابية, بنتها, يقرأ, هيتشرطوا, ويقولوا, عايزين, وعايزين, اومال, هيعملوا, حنون, وزوج, محب, وأخ, شجاع, وصديق, ومعلم, أمين, ورب, أسرة, ناجح, بتحط, مقياس, حفاظك, بمقياس, لدينك, منظر, لبسك, هيفرق, معاهم, بدلتك, سعرها, موبايلك, نوعه, أهم, نضجك, وثقافتك, وتدينك, للشباب, مقبلين, الزواج, زيى, أملهم, العربيه, راكبها, خالص, هتقول, ينزل, اعلان, للزواج, جرنال, مجله, وبشرط, ملاقيش, متجوزش, بشرط, مقبول, شكلاً, وموضوعاً, صدقاً, هرفض, لاقيت, رجل, متزوج, وعنده, استعداد, يتجوز, مستحيله, معظمهم, كبار, بيبقوا, متزوجين, وعندهم, عيال, موجوده, شجعنى, أفصح, لاقيتها, كبيره, للدرجه, ملاقيهاش, ببرر, بإنى, صغيره, ميكونش, نصيب, برفض, علمانى, وإلا, الأزهر, تحت, بير, السلم, تصدقوا, هيوافقنى, افكارى, ومعتقداتى, ونظرياتى, دراستى, وفاهم, الدين, كويس, وفكره, اسلامى, معتدل, ههرب, منه, هلاقيه, بيصلى, ويصوم, ويزكى, وييجى, فكرى, اخبطه, بأى, تيجى, ايدى, سامحونى, أصل, الحوار, بيعصبنى, وخاصة, والفكر, المجتمعى, انما, بجانب, العبادات, البدنية, تدين, مفهومى, حصرها, الفروض, والعبادات, البدنيه, صوم, وصلاة, وزكاة, وبس, الأستاذ, كاظم, الساهر, جميعهم, أطفال, فده, معناه, الأكبر, هتعامل, يرضى, وهكون, حنينة, وكويسه, بمعنى, أصح, المعاملة, ناحية, زوجها, أياً, ثابته, اهم, حنانها, زياده, اللزوم, دماغ, أدادى, طفوليون, مقارب, أول, دعديره, بيقعوا, والمشكله, يطلبوا, االزواج, يفتقدوا, محتاجاها, المستقبل, صبحى, صالح, فصعب, انهم, مبياخدوش, اخوات, فيهم, باب, شهرتهم, الواسعه, بهذه, الطيبة, متقبل, للرأى, معاملته, لينه, سهل, وبسيط, متزمت, فأقصد, عنده, وخلق, ودين, ورعاية, الأسرة, وقدسية, الزوجية, فاضله, طيب, عالصلاة, والصيام, والقيام, والجهاد, مقصدتش, اللفظ, يحويه, وكذا, سألنى, وكانت, الاجابة, ردى, احد, الصديقات, سألتنى, اختصرتلها, كلمتين, محدش, يقولى, مشكله, واكيد, هيتجوزنى, عياقه, بيحبنى, وعندنا, قبول, يحبنى, عارفاها, يعرفهالى, يعلمنى, غلطت, رحيم, بيا, ويعرفنى, الصح, والغلط, يحتوينى, يفهمنى, نقص, يجبره, متخيله, الشخص, بسنه, اواتنين, تلاته, هيعيش, مستوى, ومستوى, يقفلى, عالواحده, ونلعب, وفار, وله, صحبات, وعايش, بند, هجيبه, هتجيبيه, سمح, الرجاله, ناضجين, عقليا, ناضج, عقلياً, حلو, مقهورات, مخاوف, المقهورات, الأرض, رفض, بالنسبة, للست, عشير, ونكران, العشير, والآخر, يقولوا, زادوا, حالات, الطلاق, زيادة, اليومين, تفهم, متطلبات, احتواء, زوجته, واهل, بيته, هبقى, جريئة, واقول, الجيل, الموجود, معظمه, قادر, مسئولية, وأسرة, بالنسبالى, لقيتها, وحاسه, هلاقيها, هتجوز, وخلاص, بذمتكوا, افترى, لأسباب, عانس, المجتمع, ميبقاش, نظرته, قاسية, للبنت, تقعد, جواز, ويجرحوها, بنظراتهم, وألسنتهم, وتصرفاتهم, ويطلق, لفظ, خاصة, يعرفوا, أصلاً, مألوفه, وممكن, غريبه, نيجى, للمهم, محتاجين, احكيلكوا, خضر, وشعر, اصفر, والحاجات, انتوا, عارفين, وبنت, تلاقيها, متكونش, بحصان, ابيض, وتكون, بعربية, جيب, حمرا, موديل, لبنت, الفارس, بتختلف, بطله, لبطله, أحلام, هييجى, وغالباً, بيكون, الامل, البنوته, ملقتش, احلامها, حصانه, ويجرى, مخاوفها, وهمومها, وأحزانها, كلمه, بنقولها, بتعبر, الشاب, الوسيم, أبو, حصان, أبيض, الأفلام, بتاع, البطله, وبرضه, أبدأ, ازاى, بيدور, وتفكيرى, الفعل, يحصل, هيقرأ, بالذات, أقوله, ولنلحق, ركب, العمران, تهدئ, عواصفنا, لينقذ, فينا, الانسان, يبحر, بسفينتنا, العظمى, ولنختار, لنا, قبطان, حقوق, شباب, وسنزرع, خناجرنا, ويحاكم, سبب, الطغيان, وسيقتل, ويعترفون, بالعدوان, ترجع, بلدى, حرة, أصمت, ثانية, أبداً, أشعلوا, بجسدى, النار, شهداء, احرار, يأتى, بالأحزان, ويسقط, الشبان, بالميدان, وسيلحق, بالركب, البائد, يحكمنا, جبان, هيا, اخوان, نعم, سلطان, زال, لصوص, يسمعنا, نجرى, نحاصرهم, الميدان, تسرق, ثورتنا, آخر, ويعاد, المشهد, ذاته, نبكيه, بيناير, أمس, الضابط, علان, أصبح, جنة, رحمان, وشهيد, بات, بميدان, قطرة, تروى, وطن, تزرع, شجرة, اعياده, يولد, عهد, يثبت, بشهادة, ميلاده, نظام, ذله, واستعباده, نطق, مشهدنا, أجبرتنا, المشاااااهد, الذى, سنخرج, ثوب, الشعبيه, ميدان, نحصرهم, بصراخ, يدووووى, ونحن, حان, فالثورة, الفرحة, الأم, زهرة, شلنا, سكن, المعتقل, شباباً, ليعيشوا, قتلواا, أحباباً, أهل, الحى, انظروا, والموت, لهم, أحيا, يعلو, صوتى, لخلعهم

Text of the page (random words):
عى برحيلهم أن يعلو صوتى لخلعهم قررت الآن أن أحيا أنا والموت لهم يا أهل الحى انظروا كم قتلواا منا أحباباً ليعيشوا هم كم سكن المعتقل شباباً كم شلنا الهم سرقوا منى زهرة عمرى سرقوا الفرحة من تلك الأم حان الوقت فالثورة حق مشروع لكل الشعب ونحن الشعب بكل ميدان نحصرهم بصراخ يدووووى سلميه سلميه تلك الثورة الشعبيه سنخرج من ثوب الصمت الذى أجبرتنا عليه المشاااااهد مشهدنا الأول بعد الصمت نطق ن نظام يسقط معه ذله واستعباده ط طفل يولد عهد حر يثبت بشهادة ميلاده ق قطرة دم تروى وطن تزرع شجرة اعياده وشهيد بات بميدان أصبح فى جنة رحمان برصاص الضابط علان نبكيه بيناير أمس ويعاد المشهد ذاته الآن مشهد آخر تسرق ثورتنا نجرى نحاصرهم فى الميدان نصرخ سلمية سلمية لكن من يسمعنا الآن سوى لصوص السلطان نعم سلطان وما زال السلطان نصرخ هيا يا اخوان من يحكمنا اليوم جبان وسيلحق بالركب البائد نركض نركض بالميدان ويسقط منا الشبان برصاص كلاب السلطان مشهد يأتى بالأحزان شهداء الثورة يا احرار لو أشعلوا بجسدى النار لن أصمت ثانية أبداً حتى ترجع بلدى حرة ويعترفون بالعدوان وسيقتل هذا السلطان ويحاكم سبب الطغيان وسنزرع كل خناجرنا بعيون كلاب السلطان تلك حقوق شباب الثورة ولنختار لنا قبطان يبحر بسفينتنا العظمى لينقذ فينا الانسان كى تهدئ كل عواصفنا ولنلحق ركب العمران بقلم unknown في 11 25 2011 02 54 00 ص هناك تعليق واحد إرسال بالبريد الإلكتروني كتابة مدونة حول هذه المشاركة المشاركة على x المشاركة في facebook المشاركة على pinterest التسميات فى حب مصر الثلاثاء 2 أغسطس 2011 فارس أحلامى اخوانجى متحرر مش عارفه ليه فى الوقت ده بالذات قررت اكتب كل اللى عايزه أقوله ومش عارفه رد الفعل اللى ممكن يحصل من اللى هيقرأ البوست ده وبرضه مش عارفه أبدأ ازاى بس بما انى قررت اتكلم يبقى هقول كل اللى بيدور فى عقلى وتفكيرى فارس أحلامى كلمه بنقولها بتعبر عن الشاب الوسيم أبو حصان أبيض اللى بييجى فى الأفلام فى الحلم بتاع البطله يخطفها على حصانه ويجرى بيها بعيد عن كل مخاوفها وهمومها وأحزانها وغالباً ما بيكون الامل اللى عايشه عليه البنوته اللى لسه ملقتش فارس احلامها ان فى فارس أحلام هييجى يخطفها ومواصفات الفارس ده بتختلف من بطله لبطله قصدى من بنت لبنت يعنى عند بنت تلاقيها ممكن متكونش عايزاه بحصان ابيض وتكون عايزاه بعربية جيب حمرا موديل 2011 وبنت تانية تكون عايزاه بعيون خضر وشعر اصفر والحاجات دى انتوا عارفين البنات بقى مش محتاجين انى لسه احكيلكوا نيجى للمهم فارس أحلامى انا ممكن يكون مواصفاته مختلفة شويه ممكن تكون مألوفه لبعض الناس وممكن تكون غريبه خاصة لما يعرفوا وجهة نظرى فى الجواز أصلاً يعنى أنا مثلاً شايفه ان لو المجتمع ميبقاش نظرته قاسية للبنت اللى ممكن تقعد من غير جواز ويجرحوها بنظراتهم وألسنتهم وتصرفاتهم ويطلق عليها لفظ عانس كنت هقول انا مش عايزه اتجوز ومش مهم عندى وده طبعاً لأسباب ان مواصفات فارس أحلامى بالنسبالى مش لقيتها وحاسه انى مش هلاقيها يبقى هتجوز كده وخلاص _ بذمتكوا مش يبقى افترى اه انا هبقى جريئة واقول ان الجيل الموجود دلوقت من الشباب معظمه غير قادر على تحمل مسئولية بيت وأسرة وعلى تفهم متطلبات الحياة وعلى احتواء زوجته واهل بيته عشان كده حالات الطلاق زيادة اليومين دول والآخر يقولوا الستات زادوا فى كفران العشير مهو مش كل رفض لحاجه بالنسبة للست تبقى كفران عشير ونكران مش عارف ايه مهو انا بقى عندى مخاوف اعيش حياة الستات المقهورات فى الأرض d حلو تعبير مقهورات ده عايزه زوج ناضج عقلياً مش معنى كده لا سمح الله ان الرجاله مش ناضجين عقليا ً يعنى بس عالأقل يبقى اكبر منى ب 7 سنين وده هتجيبيه منين بقا ان شاء الله مش عارفه اكيد هجيبه منين بس انا متخيله ان الشخص الى فى نفس سنى او اكبر منى بسنه اواتنين او تلاته هيعيش مستوى سنى ومستوى تفكيرى وانا مش عايزه واحد يقفلى عالواحده ونلعب مع بعض قط وفار وله صحبات مش عارف ايه وعايش معايا ند بند انا محتاجه زوجى يكون أب ليا قبل ما يكون زوج يحتوينى يفهمنى لو عندى نقص فى شئ ما يجبره لو فى حاجه مش عارفاها يعرفهالى يعلمنى لو غلطت يكون رحيم بيا ويعرفنى الصح والغلط عايزه زوج يحبنى الموضوع ده مش مشكله فعلاً الحب بييجى بعد الجواز واكيد يعنى مش هيتجوزنى عياقه اكيد هيكون بيحبنى وعندنا قبول لبعض عايزاه زوج متدين متفتح محدش يقولى ايه متدين متفتح دى انا فى مره احد الصديقات سألتنى عن مواصفات فارس احلامى اختصرتلها كل اللى بقوله فى كلمتين عايزه اتجوز اخوانجى متحرر وكذا حد سألنى وكانت نفس الاجابة هى ردى مع انى مش اخوانجية بس انا مقصدتش اللفظ حقيقة انا قصدت ما يحويه من صفات يعنى زوج تقى متربى تربية فاضله من بيت طيب متدين متربى عالصلاة والصيام والقيام والجهاد فى سبيل الله ورعاية الأسرة وقدسية الحياة الزوجية عنده كل ما فى الاخوان من تربية وخلق ودين اما عن كلمة متحرر فأقصد فى الفكر السياسى متقبل للرأى الاخر معاملته لينه سهل وبسيط مش متزمت زى بعض الاخوان ومش معنى كده ان الاخوان بس اللى فيهم الصفات دى بس ده من باب شهرتهم الواسعه بهذه الصفات الطيبة وده كمان لأنى مش اخوانجية فصعب اتجوز اخوانجى بما انهم مبياخدوش الا اخوات على رأى صبحى صالح والمشكله ان بعض الناس اللى ممكن يطلبوا االزواج منى يفتقدوا بعض الصفات اللى انا محتاجاها فى زوج المستقبل اما السن مقارب او فى نفس السن وبالتالى فى أول دعديره بيقعوا أو طفوليون زياده عن اللزوم وانا مش فيا دماغ أدادى وعلى رأى الأستاذ كاظم الساهر ان الرجال جميعهم أطفال فده مش معناه ان الأكبر منى ب7 سنين مش هيبقى طفل أكيد هتعامل معاه بما يرضى الله وهكون برضه حنينة عليه وكويسه معاه لأن بمعنى أصح المعاملة من ناحية المرأة مع زوجها أياً كان مواصفاته ثابته لأن من اهم صفات المرأة حنانها او مش متدين من وجهة نظرى مهو التدين مش صوم وصلاة وزكاة وبس لا التدين حاجات تانية كتير اوسع فى مفهومى عن التدين من حصرها فى الفروض والعبادات البدنيه انما التدين عندى بجانب العبادات البدنية لازم يكون تدين فى الفكر المجتمعى والفكر السياسى وخاصة الفكر السياسى ده آه مهو ممكن يكون واحد بيصلى ويصوم ويزكى وييجى يقولك انا فكرى السياسى ليبرالى ده ممكن اخبطه فى دماغه بأى حاجه تيجى فى ايدى سامحونى بقا أصل الحوار ده بيعصبنى ممكن أقول يكون أزهرى تصدقوا والله ممكن حتى هيوافقنى فى كل افكارى ومعتقداتى ونظرياتى دارس نفس دراستى وفاهم الدين كويس وفكره السياسى هيكون اسلامى معتدل مهو مش معقول اللى ههرب منه هلاقيه فى وشى مش معقول فى أزهرى ليبرالى او علمانى او مش عارف ايه وإلا لو فى يعنى يبقى مش دارس فى الأزهر ده يبقى دارس تحت بير السلم انا مش خايفه لحد دلوقت عالأقل لأنى لما برفض حد او ميكونش فى نصيب بينى وبين حد ببرر لنفسى بإنى لسه صغيره ومواصفات فارس احلامى مش كبيره للدرجه انى ملاقيهاش فى بشر يعنى لأنى اللى شجعنى انى أفصح عن المواصفات دى انى فعلاً لاقيتها فى ناس يعنى موجوده مش مستحيله بس الناس دول معظمهم عشان كبار بيبقوا متزوجين وعندهم عيال كمان والله انا لو لاقيت المواصفات اللى انا قلت عليها فى رجل متزوج وعنده استعداد يتجوز مره تانيه صدقاً مش هرفض بشرط يكون مقبول شكلاً وموضوعاً وبشرط ان ملاقيش المواصفات دى فى حد لسه متجوزش ناس كتير هتقول الكلام ده ينزل فى اعلان طلب للزواج فى جرنال او مجله بس أنا قصدى تانى خالص من البوست ده قصدت أقول للشباب اللى مقبلين على الزواج ان فى بنات كتير زيى مش كل أملهم فى العربيه اللى انت راكبها ولا لون عينيك أهم حاجه نضجك العقلى وثقافتك وتدينك مش منظر لبسك اللى هيفرق معاهم مش مهم بدلتك سعرها كام او موبايلك نوعه ايه ان فى بنات بتحط مقياس حفاظك عليها بمقياس حبك لدينك ان فى بنات مش محتاجه من أكتر من ان انت تكون لها أب حنون وزوج محب وأخ شجاع وصديق وفى ومعلم أمين ورب أسرة ناجح ممكن واحد بعد ما يقرأ يقول هما البنات هيتشرطوا ويقولوا عايزين مش عارف ايه وعايزين ايه اومال هما هيعملوا ايه مش هقول أكتر من ان البنت اللى هتطلب يكون رفيق حياتها زوج تقى انها هتنفذ الوصايا العشره اللى وصت بهم الاعرابية بنتها اللهم اجعلنا مؤمنين حق الايمان وزد ايماننا واجعلنا للمتقين امام اللهم ارزقنا طهر مريم وتقى يوسف ورقة قلب محمد عليه أفضل الصلاة والسلام بقلم unknown في 8 02 2011 06 07 00 م هناك 8 تعليقات إرسال بالبريد الإلكتروني كتابة مدونة حول هذه المشاركة المشاركة على x المشاركة في facebook المشاركة على pinterest الخميس 21 يوليو 2011 يسقط الشغل يحيا الفشل ياااااااااااااااااااااه أخيرا ًلقيت وقت اقدر فيه اكتب من جديد بس للأسف مش لاقيه كلام اقوله رغم انى تقريباً دماغى لا تتوقف عن التفكير فى اشياء كتير نفسى اتكلم عنها واخرج بره نفسى زى زمان واملى الدنيا مرح ومرح ومرح محتاجه احس بجو جديد عايزه اخرج واتفسح واشوف اصحابى وزمايلى محتاجه حاجات كتير انساها مش عارفه انساها بالرغم من انى بعمل المستحيل عشان انسى اوجاع الدنيا صعبه والاحساس بالظلم احساس وحششششششش جداً والاحساس بعدم الاستقرار وعدم الامان احساس بشع مستفز شغلى الجديد خلق بينى وبين الناس حلقة وصل بدايره اوسع من الجامعه والبيت والشارع اتعلمت حاجات كتير واتعلمت اكون متواضعه اكتر وجريئة اكتر واحيانا شرسة اكتر زحمة الشغل حبستنى ممكن اكون مش قد تحمل المسئوليه عشان كده مليت وزهقت بسرعه مهو اكيد مش علشان انا فافى يعنى مش باين عليا ولا اييييييييه اكيد فافى يعنى ومش حمل انى اصحى 7 الصبح وارجع 5 بعد الظهر ومش حمل التكييف اللى من اول اسبوع نمت بسببه 4 ايام فى السرير مبتحركش والسخونيه متفارقنيش فقررت انى افضى بقا لنفسى واسيب الشغل وهتحمل التريقه اللى هاخدها من بابا وماما واونكل وطنط والجيران كمان من اللى قالولى شغل اييييييييييه البيت احسسسسسن وانا اقولهم أبـــــــــــــــــــــداً لازم اشتغل وعملتلهم فيها سبع اسود فى بعض هعمل ايه لازم اتحمل نتيجه قراراتى وهبلغهم بقرارى الجديد بما انى اشتغلت اسبوعين لازم اتفسسسسسسسسسسسسسح واخرج مع اصحاااااااااااااااااااابى اسبوعين انا عارفه الاعتراض هيبقى بكل حاجه ممكن يطولوها فى ايديهم من جزم ومقشات ومش بعيد الكنب يخلعوه ويزقلونى بيه بس كله يهون فى سبيل انى اخرج بقااااااااااااااااااا واشم هواااا تانى نفسى اروح اماكن كتييييييييير جداً نفسى اروووووووح المنصوووووووووووووووووووووووووووووووووووره بس اتفسح فيها بعد المغرب لأن الجو هناااااااااااااك بيبقى جاااااااااامد ونفسى ارووووووح دميــــــــــاط واقعد مع دوجى حبيبتى وروح قلبى وصديقة الكفاح واشترى من هناك مشبك واروح راس البر واركب مركب فى النيل بالليل ونفسى اروووووح العريش واتمشى هناك عالشط فى المساعيد وانزل وسط البلد هناك واشترى شااااااااااااورمة من اكبر محل شاورمة هناك ونفسى اروح اسكندريه واتمشى على كوبرى ستانلى واقعد هناك شويه واعدى بين العربيات اللى بتجرى بسرعه هايله بس يا رب ما اموتش عشان اروح باقى الاماكن اللى نفسى فيها واروح اضربلى سندوتش شاورمة من عند مؤمن واتمشى بطول الكورنيش بالليل برضه عشان الشمس بتبوظ لون البشره ونفسى اروح مرسى مطروووووح سمعت عن سحرها ونفسى ازووووووووورها بجد ونفسى ارووووح الأقصر واسواااان _ ونفسى بقا اقضى كام يوم كده فسح فى القاااااااااااااااهره الحسين وحديقة الازهر والقلعه الخ الخ الخ وبجد نفسى ربنا يكرمنى كده واسافر السعوووووووووديه لأنى بعشق البلد دى من صغرى حتى بحبها عالخريطه ونفسى ازور جده والطائف والمدينه ومكه نفسى احج قبل ما امووووووووووووووووووووت والله أمنيه كل ما افكر فيها بحس ان روحى هناك مش هنا كفايه كده دى الاماكن اللى كان نفسى ازورها الأجازه دى عدا موضوع السعوديه ده ده كان بوست افتتاح اجازتى الرسميه وربنا يسهل لسه فى كتييييييييييير وان شاء الله استنونى وزورونا تجدوا ما يسركم بقلم unknown في 7 21 2011 11 15 00 م هناك تعليق واحد إرسال بالبريد الإلكتروني كتابة مدونة حول هذه المشاركة المشاركة على x المشاركة في facebook المشاركة على pinterest السبت 18 يونيو 2011 عندما يستفزك احدهم حين يستفزك احدهم من الطبيعى يكون لك رد فعل من الاتنين يا إما تقووووووووله يا يحموك فى كنكه يا إما الحل التانى انك تكتم غيظظظظظظظظظظظظظظظك جواك مش من مبدأ والكاظمين الغيظ لاااااااا وطبعاً الحل التانى ده بيبقى نتيجة حاجه من الاتنين الأول ان اللى استفزك يكووووون واخد بشله فى وشه وتعرف انك من الاخر هتقطع انهارده والتانى انه يكوووون مش فاهم انه بيستفزك فساعتها لو انت كان لك اى رد فعل تانى مش هيأثر فيه وبالتالى ممكن يجيلك انت جلطه زى النهارده مثلاً رجعت من الامتحاااااااان ركبت الميكروباص اللى بيروح عالعاشر ونمت طول الطريق من التعب والله وقلت اخلى الراجل ينزلنى قريب اخد تاكسى يوصلنى بسرعه لاحسن هموووووت نزلت ووقف تاكسى وقلتله ممكن توصلنى قاللى ماشى بقوله الملف الجاى قاللى انتى مقلتيش انك عايزه المجاورة من الناحيه التانيه وانا لازم اوصل الزبون احمر وشى نرفزةً وانا شبه نايمة على نفسى وتقريباً السواق قرر يحمصنى فى الشمس ادتله 5 جنيه ادانى منها 2 جنيه بقوله ايه انت موصلتنيش لسه ليا جنيه قاللى ليه يا ابله قلتله دنا جايباك من اول الشارع انت لسه محودتش قالى وانا مالى نزلت وانا بخانق فى نفسى بس طبعاً رد فعلى الغلباااان كان انى اكتم غيظى وانززززززل فى الصحرااااااااااااااااااااااااااا واخدها مشى ربع ساااااااااااعه فى عز الحر الساعه 2 الظهر لحد ما وصلت البيت وانا ماشية عماله اقوووووووووووول والله لو شفته تانى لاوقفه ولما يقف هقوله خلااااااااااص مش راكبه لأن ده طبعاً من النوووووع الأول ان اللى استفزك يكووووون واخد بشله فى وشه وتعرف انك من الاخر هتقطع انهارده روحت البيت من تعب الحر الى مشيت فيه مقدرتش حتى اناااااااااااااااام انا مقدرتش اقوووووول غير ان الراجل ده تالت واحد يستفزنى قوووووووووووى كده بعد الاخوان فى تصرفاتهم بعد الثورة بس مش معنى كده انى بكره الاخواااان اما النوع التانى انه يكوووون مش فاهم انه بيستفزك فساعتها لو انت كان لك اى رد فعل تانى مش هيأثر فيه وبالتالى ممكن يجيلك انت جلطه وده تانى واحد يستفزنى وده شخص تلاقيه دايماً متردد ومبيتحكمش فى انفعالاته ولا بيقدر تصرفاته ممكن يترتب عليها ايه هواااااااااااااااااااائى تلاقيه اوقااااااااااااااااات تصرفاته تستحق الثناء واوقاااااات يستفزك لدرجة انك تكتم فى نفسك لأن مينفعش تقوله ياااااااااااااااتافه انهارده يقولك مع البرادعى وبعد نص ساعه لالالا البرادعى وحش انهارده يشوووف ايمى يرجع لاصحاااابه انا بحبهااااااااااااااا تانى يوم يشوف سوزى يرجع برضه لنفس اصحابه انا بحبهاااااااا ولا يكون عااااااااايز ينجح وهو مفتحش الكتااااااااب ولا يكون قبل الثورة بيحب حسحس وبعد الثورة ابو حسحس واللى جابوه او يقول حاجه ويرجع فى كلااااااامه ساعتها الواحد بيكتم غيظه عشان لو مسك الجزمه نتفها على دماغه مات خسارة الواحد ياخد فيه ساعه والنوع ده يا جماعه مهما كان له تقدم فى حياته الا انه عمره ما هيستقل برأى ويثبت عليه او فكره ويدافع عنها ويا مكتر النوع ده من الشباب والبناااااااات حاجه تفرح كل ما عليك انك تهدى اعصااااااااااابك وتاخد مج هوت تشيكوليت بعد كل موقف مستفز وتحاول تعيش حياتك بشكل تلقائى مهو مش كل من هب ودب يعصبك لازم ندى كل واحد حجمه فى حياتنا وانا قررت أنزل كل الناس منازلها فى حياتى اللى مبيستفزووووش على جنب واللى بيستفزوا عالجنب التانى وقررت ارتبهم حسب الموضوع ده ترتيباً تنازلياً وقال على رأى المثل بكره تشوف اللى عمرك ما شفته ولسه ياما هنشوووووووف وربنا يستر عليا دنا لسه صغييييييييره بقلم unknown في 6 18 2011 11 21 00 م هناك تعليقان 2 إرسال بالبريد الإلكتروني كتابة مدونة حول هذه المشاركة المشاركة على x المشاركة في facebook المشاركة على pinterest التسميات هلاويييس الجمعة 13 مايو 2011 أقاوم النسيان على شفا حفرة من النسيان ارتعد خوفاً أقاوم نسيانك اقاوم كل مشاغل الدنيا حتى لا تأخذنى منك أراك فى قسوة قلوب البشر وأراك فى حنان عيون طفل بريئ كم احبك كم ارانى خائنة عندمت يأخذنى الوقت وتذهب ملامحك عنى على الرغم من انك من خنت أمالى لا عليك دعنا من كل هذا الكلام ما عاد يفيد لا العتاب يجدى ولا البكاء يرجع بالحبيب سأحكى لك عن اخر حكاياتى فرد عليّ كما عهدت ولا تخذلنى فأنا ما زلت انا لم اتغير بعد لم اتكبر بعد مازلت انتظر نصيحتك حنان كلماتك رفقك بى سأحكى لك فهل تسمع عام من الألم له أخضع احاول الصبر احاول لملمة مشاعرى المبعثرة أتوه بكلمه واتعقل بكلمات حالة من الهذيان فقدت صداقاتى كلها كأننى بكابوس مخيف لم أعد اعرف الخوف من بشر لم اعد اعرف الخجل أو اشعر بالأمان الرجال كلهم سواسيه النساء كلهن هى اتعرف كم أحبها فصديقتى الوحيدة تشبهها عيناها شفتاها حتى قسوتها اعطيها حبى كله برضاى أشعر بالسعاده فى رؤية ابتسامتها اشعر انى ارضيك فيها أحبها بل اعشقها حكايتى تتلخص فى غضبها منك لا اعلم لمَ تتهمنى بالجنون عندما احكى لها عن حنانك لم تكن تصدقنى ولكن عندما تسقط دموعى حنيناً لك تمسح بيديها دموعى وتثور غضباً ان قلت لها انها تشبهها فقدت غيرة النساء مللاً لم أعد اعرف الرحمة مع من أغضبونى يوماً ما سرعان ما أثور وملت منى عصبيتى فقدت مظهرى وقوامى وملامحى وعلى وشك توديع ابتسامتى عند ذكر اسمك اتلعثم تتبدل ملامحى او اهيم فى ذكريات كلماتنا حكاياتنا مللت الحياة واظنها ملت منى كل ما اخشاه بعد الموت ألّا ألقاك قأنا فى الصحو أتمناك وفى الحلم أعيش معك وبعد الموت اتمنى حياة سرمدية فى هواك كما تعاهدنا فأنا يا حب العمر لم أنساك سأقاوم نسيانك وادعو الله أن يرعاك هذه بعض حكايتى ولم تنتهى بعد الحكايات فأرجوك لا تمل منى فربما اعيش لسنوات فإن مللت منى الان لمن احكى لمن اهدى هذه الكلمات بقلم unknown في 5 13 2011 10 07 00 م هناك تعليق واحد إرسال بالبريد الإلكتروني كتابة مدونة حول هذه المشاركة المشاركة على x المشاركة في facebook المشاركة على pinterest رسائل أقدم الصفحة الرئيسية الاشتراك في الرسائل atom بنت الشمس...