Meta tags:

Headings (most frequently used words):

ديسمبر, 2010, لو, السبت, الأحد, من, أبويا, يبقى, قلب, خساية, 15, يناير, 2011, 26, 25, الاثنين, 20, 19, الجمعة, 17, ياللي, تحرى, دمعتي, ما, توقع, بعد, اللي, سويت, ببكيك, جد, بساكيتو, أهدتني, أحلى, لوجوهات, هييييييه, تواصل, معنا, يابن, الحلال, عاوز, حد, يسمعك, أنا, المتابعون, أرشيف, المدونة, الإلكترونية, حكاية, منى, أبي, الوحش, الآدمي, يارب, يموت, كويس, مش, أحسن, إيه, رأيكم, في, الصيني, نظرية, نحس, أسرع, تعيش, مبسوط, أجدبت, أيامي, ظلما,

Text of the page (most frequently used words):
اللي (90), انا (79), على (63), ولا (41), اني (39), كان (34), جدا (32), حاجة (32), وانا (30), علشان (28), انه (27), كنت (26), الله (25), ايه (25), المشاركة (24), لما (23), أنا (22), غير (22), تاني (21), نفسي (20), بابا (19), طبعا (19), فيه (18), مصر (18), بعد (17), واحد (17), كتير (16), البيت (16), ومش (15), علي (15), كده (15), واحدة (15), ربنا (15), كانت (15), عشان (15), عاوز (14), هناك (14), يوم (14), ابن (13), معاه (13), كدا (13), ستيتة (12), ممكن (12), تانية (12), وهو (12), شوية (12), ابويا (12), فيها (11), يعني (11), كمان (11), منه (11), المهم (11), عارفة (11), نفس (11), ماما (11), كلية (11), ابني (10), معايا (10), بجد (10), عليا (10), هنا (10), اللى (10), السنة (10), برضه (9), بحب (9), لحد (9), لكن (9), ليه (9), شقة (9), دخلت (9), طيب (9), كدة (9), بواسطة (8), بدون (8), انت (8), الناس (8), وأنا (8), مدونة (8), عمي (8), ناس (8), عليه (8), عليها (8), الكلية (8), كويس (8), ليا (8), عارف (8), بقي (8), حسب (7), الحمش (7), كلها (7), عند (7), حول (7), قوي (7), الا (7), وها (7), عندي (7), ولو (7), قبل (7), ساعة (7), الموضوع (7), مفيش (7), وكان (7), اكتر (7), مشاكل (7), اقول (7), فيا (7), مكنتش (7), أنى (7), تعبت (7), دلوقتي (7), امي (7), أمي (7), اوي (7), بيعمله (7), ديسمبر (6), 2010 (6), إنه (6), وكمان (6), الدنيا (6), وكل (6), التسميات (6), pinterest (6), facebook (6), كتابة (6), هذه (6), إرسال (6), بالبريد (6), الإلكتروني (6), تعليقًا (6), مرسلة (6), هذا (6), راجل (6), اهلي (6), بره (6), كتر (6), طول (6), مرة (6), الحياة (6), يعمل (6), حتى (6), شغل (6), الوقت (6), العيال (6), اعمل (6), خلاص (6), لازم (6), الشغل (6), أدخل (6), بيا (6), المفروض (6), شاب (6), اكيد (6), يقولي (6), معاها (6), بفكر (6), اختى (6), وماما (6), المدونة (5), منك (5), واللي (5), دون (5), لله (5), حضرتك (5), يكون (5), بكره (5), مني (5), بنت (5), اختي (5), محدش (5), قال (5), عمري (5), عنه (5), انك (5), وعاوز (5), إيه (5), الأول (5), شهور (5), يمكن (5), بشكل (5), شهرين (5), كله (5), يجي (5), مثلا (5), احسن (5), بقى (5), عدل (5), قلت (5), يقعد (5), بيقول (5), بعض (5), والله (5), اننا (5), احنا (5), دايما (5), لانه (5), الفلوس (5), فترة (5), لوحدها (5), حتي (5), قولت (5), لأن (4), لها (4), الرد (4), خاصة (4), الحمد (4), اصلا (4), اسمع (4), التاني (4), خالص (4), الست (4), ياما (4), أهلي (4), عمر (4), مؤكد (4), دول (4), ومع (4), اكون (4), نفسيا (4), بليل (4), شهر (4), اعرف (4), ومن (4), بيتنا (4), وقلت (4), تفاصيل (4), اول (4), بيه (4), إني (4), عاوزة (4), القصة (4), منا (4), الدكتورة (4), وكانت (4), التي (4), عليكم (4), بحس (4), خايفة (4), اشهر (4), مين (4), النهاردة (4), لنفسي (4), فلوس (4), كبيرة (4), لقيت (4), بقيت (4), وفي (4), دكتورة (4), انها (4), بالنسبة (4), حتة (4), لسه (4), أيه (4), بالظبط (4), ألسن (4), قررت (4), وبعدين (4), وبعد (4), قمة (4), لانى (4), فاتت (4), النت (4), سنين (4), السفر (4), بيسافر (4), بين (4), أبويا (4), معقد (4), وقت (4), قاله (4), بالرغم (4), برده (4), كويسة (4), قادرة (4), دكتوره (4), وبنتها (4), سنه (4), حكاية (3), الي (3), قلب (3), خساية (3), المشكلة (3), دائما (3), وطبعا (3), لوحدي (3), فعلا (3), والناس (3), ماهو (3), بيحبني (3), زوجي (3), آدم (3), إلا (3), الراجل (3), عندهم (3), بيني (3), وبين (3), ازاي (3), حاجات (3), عاوزين (3), جوا (3), كبير (3), المعاش (3), سنة (3), بني (3), ولاد (3), الصغيرة (3), لأنه (3), الآن (3), ماشي (3), شاء (3), وقال (3), أمر (3), حصل (3), قادر (3), أول (3), عنده (3), عام (3), غيره (3), أشهر (3), سامية (3), علم (3), الدكتوراة (3), بالطبع (3), عمره (3), حبيته (3), مكان (3), ومفيش (3), انتي (3), آخر (3), غريب (3), عادي (3), صغيرة (3), جميلة (3), شبه (3), حقيقية (3), اكتشفت (3), عندا (3), اقعد (3), افكر (3), وعلشان (3), معرفش (3), ومكنتش (3), القصص (3), سافرت (3), كانوا (3), واقول (3), العلمي (3), امل (3), بتاعة (3), بيتها (3), وهي (3), اتنين (3), منهم (3), بالله (3), زيه (3), تقعد (3), وعلى (3), اظن (3), وانتي (3), جبت (3), وازاي (3), كنا (3), النفسية (3), الكبير (3), كفاية (3), ويقول (3), مجرد (3), ياخد (3), ولولا (3), رمضان (3), قعدت (3), وكله (3), عارفين (3), وبعدها (3), اخويا (3), ولازم (3), بتاع (3), ماجستير (3), يرجع (3), اختلاف (3), بصراحة (3), رأيكم (3), بربيه (3), انسان (3), عايز (3), حاببها (3), صينى (3), يعنى (3), علمى (3), أحول (3), هما (3), الواد (3), واد (3), الثانوية (3), العامة (3), ملحوظة (3), هندسة (3), ساعتها (3), الحكاية (3), طولت (3), عليكي (3), اكمل (3), لاني (3), اتخنقت (3), اتعلمت (3), المستقبل (3), سافر (3), لدرجة (3), انو (3), جاي (3), وبس (3), قالي (3), ازاى (3), اخواتي (3), تخيلوا (3), يعرف (3), بينا (3), معانا (3), والدى (3), اموته (3), بدعي (3), يموت (3), فرحتي (3), برة (3), اخر (3), عملت (3), بحاول (3), وبابا (3), عارفه (3), واختى (3), دبلومه (3), صور (2), منى (2), يناير (2), 2011 (2), عرض (2), نفسك (2), الإيميل (2), نفسها (2), فقط (2), علانية (2), التعليقات (2), عندكم (2), أتواصل (2), ياللي (2), وجع (2), الولايا (2), مثلك (2), المعقد (2), أنثى (2), يسوى (2), امام (2), شيء (2), مال (2), الكبيرة (2), عكس (2), خلف (2), وحزنت (2), ابنه (2), ظالم (2), اخده (2), مكنش (2), أبدا (2), بعدها (2), أما (2), لكل (2), فرصة (2), عيل (2), طالما (2), كسرة (2), أمام (2), يقولوا (2), انهم (2), جمالي (2), جنبه (2), تستحمل (2), طبع (2), اجيب (2), منين (2), الجمال (2), ومهما (2), جميل (2), سني (2), جدع (2), بيته (2), قرآن (2), ببقى (2), محتاجة (2), وحيدة (2), ولله (2), بتونس (2), وقراءة (2), صعبة (2), الوحيد (2), نفسه (2), حالتي (2), الولادة (2), ياعيني (2), فجأة (2), الكلمة (2), وجود (2), فصل (2), لحظة (2), وتفكير (2), معاق (2), قليلة (2), عمل (2), بتقول (2), وكده (2), البنك (2), أبي (2), الصيفي (2), نزل (2), رائع (2), تعيش (2), فأنا (2), ضعيفة (2), حيلة (2), جارتي (2), الأيام (2), غصب (2), موافق (2), توفت (2), رفض (2), سليم (2), وان (2), طفل (2), نروح (2), قالت (2), التمتامي (2), عربية (2), وبنتي (2), بالضبط (2), الرجال (2), جيت (2), تشوف (2), تدريجيا (2), عيني (2), أيضا (2), الأخر (2), وما (2), بيتي (2), بيحب (2), حالة (2), البنات (2), تزوجنا (2), حياتنا (2), رائعة (2), العائلة (2), أحسن (2), وبما (2), علاقات (2), الحاج (2), الذي (2), وعليه (2), صاحبة (2), حسن (2), يقطع (2), لحسن (2), السنتين (2), اجيبه (2), انجز (2), نحست (2), بألم (2), الستات (2), بقت (2), وواحدة (2), المنيل (2), حلو (2), اتجنن (2), رجالة (2), فين (2), بحوث (2), معنديش (2), للي (2), لكم (2), وحب (2), سبب (2), الذل (2), مذلولة (2), شايفين (2), مستقبله (2), ولادي (2), وسط (2), معاهم (2), هههههههههههههه (2), اشوف (2), عينه (2), اصح (2), مسافر (2), محترمة (2), بتوع (2), الجمعية (2), العالي (2), مختلف (2), عني (2), حصلت (2), تطلع (2), وراح (2), خلصت (2), البلد (2), بعثة (2), اشتغل (2), باستاذ (2), الرسالة (2), مليم (2), مشرفه (2), وارجع (2), اخواته (2), جوزها (2), شخصية (2), بولادي (2), زمايلي (2), كرامتي (2), ومحدش (2), طرد (2), زمان (2), بقول (2), وجهة (2), الطلاق (2), زينا (2), التانية (2), عنها (2), اخته (2), مرتبي (2), علاج (2), وطبيعي (2), باسمه (2), وافقت (2), نرجع (2), الحب (2), يمين (2), كتب (2), واحنا (2), اصغر (2), قبله (2), الدور (2), صاحب (2), الاخر (2), ادمين (2), الآخر (2), كتبت (2), افضفض (2), واخد (2), ازيك (2), عاملين (2), الأحد (2), نريد (2), رأيا (2), الابيض (2), اسود (2), أعمل (2), رأى (2), العربية (2), بعيد (2), الصينى (2), والى (2), متأكد (2), حابب (2), أداب (2), صحيح (2), قسم (2), أكمل (2), وخلاص (2), رحت (2), عشر (2), بيدخلوها (2), التعليم (2), ماشى (2), الاول (2), أذاكر (2), دلوقتى (2), حاسس (2), نزلت (2), فوق (2), العربى (2), الفصل (2), لكلية (2), يعتبر (2), سنتين (2), طلب (2), حاسبات (2), أية (2), المية (2), أروح (2), طلع (2), كليات (2), لان (2), رياضة (2), تعمل (2), لانك (2), بالك (2), تربية (2), العيلة (2), امبارح (2), بمعني (2), بناكل (2), ضيف (2), بعيدة (2), عشانه (2), معلش (2), كلمة (2), يقولها (2), زعلانه (2), التليفون (2), ايام (2), الفرق (2), اتربيت (2), تقولي (2), عمرى (2), اقسم (2), ياسلام (2), واخواتك (2), يابني (2), ادم (2), نظرة (2), غيرنا (2), وعشان (2), اخيرا (2), الكلام (2), يتيم (2), الايام (2), الاقل (2), عادى (2), فاكر (2), وابويا (2), يادكتورة (2), الاب (2), ملوش (2), مهتمة (2), كلنا (2), اقرب (2), وفعلا (2), انتوا (2), كبرت (2), الان (2), بسبب (2), الاعدادية (2), ابوه (2), وامه (2), وبحاول (2), مشكله (2), ومازلت (2), معين (2), بحساب (2), بشوفه (2), يسافر (2), وإخواتي (2), وعلي (2), كالعادة (2), مستقبل (2), ياإما (2), كويسين (2), لأمي (2), السينما (2), ببص (2), معمولة (2), لكدة (2), يبقى (2), السبت (2), معندهوش (2), تعيط (2), يهده (2), حاضر (2), متدمرة (2), بيت (2), متظبطة (2), قريت (2), غلط (2), وبتمني (2), موته (2), صلاة (2), احبه (2), ابدا (2), الابهات (2), الرساله (2), وابو (2), اعدادي (2), الجيران (2), كلامي (2), ضاعت (2), ادور (2), شات (2), جايز (2), وحشة (2), سواء (2), كتيرة (2), وادعي (2), اتكلم (2), كام (2), مانا (2), قريبة (2), شغله (2), مشكلة (2), بيتقي (2), اسوء (2), بيحاول (2), وجه (2), اعرفه (2), تالت (2), بيقنعني (2), كلامه (2), خطيبي (2), ممتاز (2), خطوبتي (2), حشيش (2), يحصل (2), مقتنع (2), بنته (2), ودايما (2), مانتي (2), شايفة (2), مشكلتي (2), بسببه (2), رجعت (2), هتكلم (2), الغير (2), سوية (2), الفاظ (2), ابتديت (2), وعارف (2), وخايف (2), بشوفها (2), وكذا (2), اترددت (2), حفيدتها (2), الحكايه (2), محتاره (2), حاجه (2), وصحابي (2), بقعد (2), تعبان (2), وعايش (2), اخليني (2), لاقيه (2), موسيقى (2), المظهر, سماوي, المظاهر, يتم, التشغيل, blogger, sololos, أرشيف, الإلكترونية, المتابعون, الملف, الشخصي, الكامل, الخاص, حلمي, السرمدي, الأبدي, السابح, الفضاء, الحلزوني, محل, الكشري, بالإتحاد, والتعاطف, والأمل, بتلاقي, جنة, ملونة, خير, تعليق, إسم, دوس, وابعت, عاوزه, أسماء, سماع, الزنة, نفوخك, وأهو, تستريح, تفيد, تتعلم, وتشوف, وحكاويها, بيجرى, ببساطة, زملائي, المدونين, قلبنا, كابوتشي, مكانك, ومطرحك, خويا, أهلا, بيك, معلم, أذن, تسمعك, عبر, الكيبورد, إحراج, أهداف, والإيميلات, سرية, أرد, بإيميل, مطلقا, متشرفة, أخر, إشراف, أنسق, الفونط, وأنفض, العنكبوت, والحل, تلزمني, آراءكم, وتجاربكم, وتجارب, جنبكم, الطل, لكنها, يحتاج, التواصل, ليست, بخواطري, قناعاتي, ماذا, تفعل, مكاني, aidandaid, yahoo, com, تواصل, معنا, يابن, الحلال, يسمعك, بساكيتو, أهدتني, أحلى, لوجوهات, هييييييه, تحرى, دمعتي, توقع, سويت, ببكيك, الاشتراك, الرسائل, atom, الصفحة, الرئيسية, رسائل, أقدم, الإبتلاء, وإلا, انهرت, أيها, الرجل, الضعيف, أني, وبقلب, أبيض, وبروح, متسامحة, وبأمل, بضحك, قرأت, قصتك, بتنوح, ياراجل, كلك, مزايا, وكلي, عيوب, والمال, وحدتي, وكسرة, شغلك, اتضر, صحتك, فقدت, عمال, تنوح, ستيني, وربنا, عوضك, بزوجة, وابنة, واحفاد, فرح, ميتم, قطران, تعرف, عائلتي, المنتشرة, عداء, ابي, رحمه, يكلمني, يحكي, اخبار, طليقي, اقدر, اقطع, صلات, بتجيب, أخباره, فاكرين, ووالله, زعلت, مات, ومتأكدة, وحقي, الحساب, مؤمنة, الآخرة, وبتقامري, اخلاص, قلبه, متغير, تلومي, لأنك, بتلعبي, لعبة, مضمونة, يسندك, الكبر, ويونسك, وعياله, وتسيبي, الفرصة, فبقول, عندك, تخلفي, بيعيبه, قلة, عقل, جيبه, منتفخ, اخفيت, ميسوش, جزمتي, وعاوزين, نعمة, وأصلي, وغنى, صعبت, بتداري, ولادها, اتجوزني, يستحمل, بيحبوا, يقعدوا, بيريل, وبيصرخ, مستمر, وغيره, تتعود, اغير, عودني, تزوجني, ضحكتي, الرايقة, وكلامي, بيحبوه, وشورتي, الناضجة, بيشوفوه, يشوفوه, شكلي, حكم, الرجالة, ولعلمك, غيرهم, وشيخ, غني, شيخ, والإتنين, معروفين, ومستشار, تقدم, مؤخرا, عضو, مجلس, شعب, وراجل, الأعياد, عياله, واحفاده, وبيدعوني, تقيلة, عيد, ميلادي, الأخير, يتذكره, أحد, بتساوي, ثقلها, القلب, كتاب, وحدة, بتحاول, تخليني, بالمنتديات, والمدونات, والجرائد, والكتب, الكمبيوتر, علمني, متعلقين, بأنس, القرآن, وخايفة, أموت, بيعرف, يخدمه, بيستحمله, حالته, وأبوه, بخاف, اتصل, بالناس, الوحدة, فاضي, بقفل, الباب, بتعب, بخدم, الشخص, بينيمني, بروح, النادي, وبود, وعيالهم, عيالي, الموالد, وبعمل, خدمة, وأكل, للفقراء, مولد, الكثير, الأصدقاء, وطول, اصدقاء, واجتماعية, تسمع, النهار, والليل, شايل, كتفه, الملك, ولد, عايش, يخليه, وولد, توفى, اصله, افتكر, الولد, وذهب, تزوج, فلاحة, عشرينية, أحاجه, القيامة, بصي, مخلفتش, والواد, اعتبريه, مسئول, جمله, وتفصيلا, ارجعه, اتفقنا, الشتاء, ومعاه, الصيف, وبترمي, خناق, عادية, وبسهولة, لتدبير, مسبق, شيطاني, فجائي, وزن, النفوخ, السحر, وبولد, تماما, أخلف, أخت, وعمري, وفرص, السعادة, انثى, بلا, يشغلني, الأقل, مصدوم, دخلي, فلوسي, ورثي, وقسمنا, المعيشة, القاهري, التمثيليات, اتعلم, جاب, المأذون, وبكل, سهولة, وبتدبير, وتسلسل, منطقي, ايضا, واتخانقنا, تطلقني, اسهل, طردتها, فورا, بلف, بدور, دخول, مهينة, وكون, ملاحظة, وقلة, قيمة, كثرت, ذلاته, وتناقصت, قدرتي, الاحتمال, والتطنيش, وكنا, وذهبت, لقضاء, مشوار, وعدت, لأجد, الشابة, بمفردها, وبشكل, ألاحظه, راحت, وجت, وبقى, اصبح, الستين, طريقتي, والإنجاب, لإتنين, ينفرد, أسهل, احمل, إعلامه, يملك, وبخديعة, حمل, فتح, الأهل, يتعصب, ويتخانق, عيال, ابنتي, وفتحت, معه, ورفض, ضفرك, بيطيره, المقص, بخمسين, كلا, الحلين, بالنص, أيامها, وشبابي, وصحتي, وإما, نتطلق, وكلا, يمضي, سبيله, نخلف, بعون, اطفال, الفل, يستمر, الحمل, مثل, أخويه, نجهضه, أحمل, الجنين, أربعة, وتجري, تحاليل, ومتابعة, حليين, الفحوصات, كلاكما, والمشكلة, صلة, القرابة, إضافة, الأستاذ, الدكتور, الرواد, الأمراض, الوراثية, وأول, باحثة, تحصل, الوراثة, البشرية, آخرهم, مركز, البحوث, أوائل, الثمانينات, أتذكر, للكثير, الواقع, ذهبنا, لعدد, الأطباء, رحمها, السابعة, عمرها, إبني, أخدمه, كطفل, تسعة, زيادة, نقص, ولكنه, ليس, مثلهم, أنجبنا, طفلين, معاقين, إعاقة, تامة, عقليا, وجسديا, وبالطبع, وكفاية, متربية, إيده, المقدمة, المملة, لازمة, أصبح, أغلى, نور, نظرا, لعطائه, ومرحه, وحبه, للدنيا, وأي, وبشر, كئيب, أتواجد, محيطه, يتدخل, أحزاني, وخصوصياتي, كازينو, وسهرنا, سواريه, لبسه, بلبس, شيك, ماركات, عالمية, أعشق, الضحك, وجو, المرح, حزينة, ماهم, أهله, زيارة, تسعده, يخطو, داخل, ينزل, ليأتي, بالكباب, والتورتات, ويعمل, ومرح, بيبطل, ضحك, الغم, ويتمنى, فلاتي, اعطيته, حجة, تحديدا, مرح, ووجوده, مبهج, إشترى, باسمي, أملاك, ورصيد, مدار, الأيامولم, أكن, فكل, اخوتي, ازواجهم, عطوهم, مَنّ, يطالبونا, بمرتب, اسمعه, اليوم, ومسئولة, الألف, للياء, يعملون, خارجا, ويساعدونا, داخلا, وينهالوا, علينا, بالهدايا, وللعلم, أيامنا, زمن, وطلبه, ليدي, أقنعتني, زوج, فاحمد, أحمد, صديق, وأخ, وسر, إخواتي, الأكبر, مبدأيا, نظرت, لإبن, كعريس, محتمل, مفهومة, بتجوز, أخوه, وفرحان, متحدة, جهزني, والدي, جهاز, تقليدي, وغير, أثار, غيرة, أخوتي, جميعا, تزوجت, وأزيد, بنعمة, العقل, يثني, الجميع, يومنا, أرى, صورة, الفيس, بوك, تتشدق, بها, كفينوس, الشريرة, صورتها, يسميني, الشورى, وهذا, يعطي, دلالة, حكمي, الأمور, ودليلي, ساسوقه, ختام, القصةمن, واقع, حياتي, وبلا, غرور, تصنع, تواضع, أظنه, معتاد, لأصحاب, الأصول, التركية, أواخر, الخمسينات, هاهي, قصتي, تريد, تستمع, لقصة, ومأساة, ماهي, مميزاتك, الخطيرة, تستدعي, لإثبات, أخلاقها, وورعها, لمثلك, وماذا, يدعوهن, ليفعلن, لإرضاء, النساء, مالهم, مشيوا, الماء, طاروا, السماء, تتحفنا, برأيك, بنات, النواح, الماكرة, والخائنة, تصيغه, لنا, كأنك, عشت, مأساة, أجدبت, أيامي, ظلما, الجمعة, وسمعوني, اغنية, بعتبرك, عليك, سبعي, الجواز, وسنينه, تكبر, دماغه, ويخليه, واقعد, بقية, والعيال, ليلة, انام, اسيبه, نوريها, شغلها, وحسرة, حسرة, تفاعل, تجارب, وتبادل, ثقافي, وجلسة, نفسية, جماعية, قصدي, انكد, بالعكس, بيهون, ألم, اكبر, القرف, والحب, وحبيبي, الافلام, العربي, وتعليقاتكم, خليتني, اشارككم, همي, جامد, الصراحة, بسرعة, يجننوني, ويخرجوني, التنحيس, خبيرة, زوجية, أساس, عفت, شوكت, تقول, البسي, شفتشي, ههههههه, عاوزاني, اشرب, خمرة, مزاج, يتحملني, ويقدر, يعاشرني, تعرفي, نصحتني, وقالت, تشربي, خايبة, تشرب, هههههههههههههههه, عجبني, تعلقك, المغتصبة, بيحسنوا, قتلتها, انجزت, مهما, ديل, الكلب, يتعدل, علقوا, قالب, يتصنع, بالعافية, يعطلني, كلينتون, ههههههههههه, مستوانا, والأدبي, ترضى, اهلها, يسألوا, يلاقي, خدامة, ومورده, اقتصادية, ومتحملة, لقلة, ادب, وجوا, وعنده, الترقية, يعك, امر, تقولوا, استحمل, يخلصه, بحركات, مضادة, ونرجع, للماتش, تكوني, فتحتي, الهويس, فؤادة, ههههههههههههه, مخططتش, للإنتقام, عملته, تماديت, انتقامي, نازل, غرام, وهيام, ومسجات, اللذينة, هههههههه, كلمتي, للحكماء, المحكمين, تجاوزت, المدة, المتفق, اجيبهم, وتاني, وحشوني, تفكر, انضج, واسرع, وتقدر, تحل, تحس, باحساس, القهر, بالشكل, بيخوف, وبيرعب, وبيجيب, هلاوس, والست, قصة, مكررة, بعدم, وسكن, تهون, يوفيها, اجر, الصابرين, تكون, مجبرة, متهدش, معاشرة, منيل, بصحى, حالي, سابني, مشاعر, الأولى, بتعاشره, باجبار, اولا, فرق, تعاشر, باعتة, لسببين, يابنتي, متخربيش, بيتك, وتشحططي, ولادك, وابعتي, خديه, وبيرعى, وسألتي, ولقيتيه, اتعدل, لقيتي, تحسن, وتاب, واناب, السادة, الأساتذة, حكموا, وقالوا, بالولاد, ستة, يومين, سرت, جنبات, واصبحت, ايقونة, الصبر, والتحمل, وحبيبة, شريرة, وبحسد, الباهر, بفضح, معارفهم, المهمين, يتجوزوا, وممكن, يشتغلوا, والحاجات, بتتنسي, بفضحه, بخليه, العمايل, السودة, جهة, متشتميش, تضربي, عارفاكي, ونظرات, اللوم, تصدقي, بمعنى, لأول, اقلب, الترابيزة, انفي, بتهدد, بشتري, اكتوبر, وولادي, بيهم, والدتي, ارجع, ومليش, ذلة, مسامحاه, جثتي, يطلقني, يتفضل, واخدين, بومبة, طويلة, المدى, متقي, عصره, وأوانه, علماء, انما, يخشى, عباده, العلماء, الراجلين, جالهم, وكانوا, قاعدين, هدومهم, اوختي, تدخليني, مطمنة, وحكيت, تفصيلة, الشقة, وعدادها, طالعة, نسي, تعليمه, فضايحه, إيميلاته, لصور, فاضحة, وللبنات, مصاحبهم, لكله, اللاب, توب, وفتحته, وفرجتهم, عينك, تاجر, عداني, العيب, والغبي, يصمم, يصدق, كذبه, بغير, جوزي, سبقني, وأذكى, لزحل, اوقف, البرلنتي, اجرؤ, لجوزي, ميسافرش, محكمة, منصوبة, اساتذتي, ميقدرش, يشتكي, عارفينه, اقنعة, غلطة, يشتكيني, لطوب, الأرض, استنفز, وسائل, الإغراء, والتهديد, استحملتك, بالعيال, الفرحة, فاكرني, وراسلت, وخدت, نصف, العملي, خارجي, واقفل, كليتي, صابرة, ومحتسبة, ومخرجاة, حساباتي, وابتديت, الدكتوراه, بتاعتي, كتاكيتو, بالقناع, اللطيف, الظريف, المتدين, بيسلم, سيئة, الجديد, جدعان, مبتسمة, البورتريهات, القديمة, رجعنا, توفاه, المعاق, مدرسة, متخصصة, وابني, التوأم, حضانة, وشغلي, وتحمل, تيس, لمدة, اربع, سنوات, تزعل, تيجي, عندنا, شهم, بيدخل, بصاحبته, الأجنبية, سكران, متخلفة, زميلة, بهدلني, الغربة, ورفضت, بات, شغلي, وصممت, يصرف, البعثة, بطوله, اشتغلت, الباطن, بحثي, مضيقين, الاتحاد, الأوروبي, وصى, يرفض, المعمل, يتفرغ, ويطلع, ايوه, ستي, باب, النجار, تتفرغي, افضى, وللولاد, وخاصة, لخطأ, طبي, الاقي, معمل, يرضى, ابحاثي, اقفل, ولم, اتمكن, ايجاد, مردتش, مستحملة, وقليلة, وجعتني, ستستة, نسياها, جيركن, بنزين, ورميته, العفش, شالوني, شيل, ههههههههه, ستات, عريانة, موبايله, رأي, شغالتي, شافتني, بتبهدل, ملكيش, جماعة, صلح, وبوسة, عايشة, البيوت, بحاجة, جاءت, وطلعت, وفضيحتي, وبعترت, شقتي, اتشحطط, يستحملني, يكيدني, ويتجوز, العمارة, اموت, مصيري, بكل, التشاؤم, ولما, دبحني, شايلة, ابننا, البكري, ظروفه, اخد, الماجستير, يطردني, عدادها

Text of the page (random words):
ا واللي على المدونة التانية بتاعة ليه بنرد على بعض في القصص والحكايات بصراحة لولا القصص التي سبقتي مكنتش انا كتبت ولا خطر على بالي افضفض معاكم واخد رأيكم احنا بنعيش في الدنيا سلسلة وحلقاتها متشابكة بس بشكل خفي كل واحد منا فيه شيء من التاني وفيه ميت اختلاف عن التاني ولولا الشيء اللي فينا من التاني عمرنا ما كنا حسينا كبني ادمين ببعض ولا شعرنا بألم الآخر ولولا الميت اختلاف ما تميز كل منا عن الاخر بحس اننا لو خمسين شخص جالسين في حلقة للفضفضة النفسية وقلنا ممنوع حد يقطع ما يرويه صاحب الدور وعلى كل تالي لصاحب الدور ان يختار موضوع يتحدث فيه براحته وبحريته بحس اننا بدون شعور كل واحد منا يا هيرد على اللي قبله يا هايوافق اللي قبله وكله ها يتكلم بالأدلة والقصص والرقائن مش ها نلاقي حد متفاعل في السلسلة وطبيعي فجأة ها يقف ويقول عمرو دياب عنده حفلة يا كوليجز يووووبييييييي مثلا يرجع مرجوعنا لسبعي وجملي اللي مهنيني ربنا ما يكتب عليكم زميلي واحنا اطباء ومعانا ماجستير وهو خد الدكتوراة وانا لسه انا لسه مش علشان اصغر منه انا لسه علشان انا لازم اضحي علشان سبع البرمبة هو الراجل اللي مينفعش يضحي علشان الويلفير بتاع الفاميليا تزوجنا عن حب او هكذا كنت اظن جيران وساكن قصادي وبحبه ومنها لله الأفلام من تانية جامعة واحنا معرفين اهلنا اننا بنحب بعض وعايشين مذاكرة وحب وسعادة واحلام اتخرجنا اتجوزنا كده حتة واحدة اهلى عندهم عمارة ادونى شقة اللي هي ورثى بعد عمر طويل لبابا قال مش انا يا هانم اللي اتجوز في شقة مراتى والله فكرنى بمحمد صبحى وانا بحكى النهاردة هههههههههههههههههه بابا كتب له عقد ايجار علشان ميسكونش في شقة المدام وهو غير عداد الكهربا باسمه ثم اتبعها بالإحسان انه طرد ماما من شقتنا وحلف يمين طلاق ما تطلع برجليها شقته أبدا نرجع لأيام الحب والبنج قال لي يا حبيبتي نشيل البيت مع بعض ومرتبك على مرتبي وانا وافقت نشتري عربية مع بعض وطبيعي باسمه وهو اللي ها يسوقها يعني سبعى في نفس الشغل واسوق برضه بايدى الناعمين الحلوين بس مكنتش اعرف اني ها اشيل كل شغل البيت بالكامل مش عارفة ليه ده مش بيخضع لنفس القانون ومكنتش اعرف انه ها يجي لي شهر ويقول دخلت جمعية علشان بجهز اختي تخلص الجمعية وبعدها بابا عاوز علاج وها ادفعه له يخلص علاج بابا وبعدها اخته بتخلع جوزها وها يجيب لها المحامين متخلصش المحاكم وبعدها اخويا بيتجوز ولازم اساعده إييييييييه سجايري ومصروفي وشياكتي وبرستيجي من اخته لأخوه لباباه هل ها تصقوا ان مرتبي هو اللي كان بيصرف على البيت تدريجيا مش عارفة اعرفك على نفسي واحكي عنها غير اني بحب الستر وبما ان كل اللي في الكلية عارفين حبنا القديم قدم سكاشن الفسيولوجي والأناتومي الله يمسيهم بالخير فمش معقول اقول للناس ان مدعي الأدب والأخلاق والتدين ده سافل بيشرب منكرات وبيضربني وبيصاحب نسوان وكله على حسابي متطلقتش ومش ناوية ايه جدوى الطلاق اللي عمالين الناس يتكلموا فيه مع بعض دي سيد سيده مين ده لو الأغلبية العظمى مش زفت كان حال البلد بقى سياسيا واقتصاديا كده أمال لو مش حاطة حكمة في المدونة التانية بتاعة نيلة كوانيلا كنا قلنا ايه بالنسبة لتفكيري الطلاق ده مبيحل ولا بيربط للأنثى المصرية الغلبانة اللي زينا ضرره اكتر من نفعه دي وجهة نظري انا مش بقول الكل سيء الأخلاق زيه بالضبط لكننا زيه بالقياس ويا لفوق شوية يا لتحت شوية وكله حوالين المتوسط الحسابي علشان كده لا ها اتطلق ولا ها اشرد العيال يانا يا هو وان شاء الله انا زمان لما كان يطردني من شقة اهلي اللي غير عدادها وهو لم يدفع فيها مليم كانت كرامتي توجعني قوي ولما طرد ماما دبحني مع انها كانت شايلة ابننا البكري علشان ظروفه وعلشان اخد الماجستير ياما بليل قعدت افكر في مصيري المنيل بكل التشاؤم ها ياخد شقتي وها اتشحطط انا بولادي عند اهلي ومحدش ها يستحملني وها يكيدني ويتجوز في نفس العمارة عندا فيا علشان اموت وفضيحتي وسط زمايلي وبعترت كرامتي المهم جاءت له بعثة الدكتوراة وطلعت معاه بولادي عادي يا جماعة صلح وبوسة وهي الست عايشة جوا البيوت بحاجة تانية وعلى رأي شغالتي اللي ياما شافتني بتبهدل انتي ملكيش شخصية يا دكتورة مع انك دكتورة ده انا رمضان جوزها لقيت صور ستات عريانة على موبايله جبت جيركن بنزين ورميته على العفش وعليه ولولا اخواته شالوني شيل كنت خلصت عليه ههههههههه وجعتني قوي يا ستستة الكلمة دي ومش نسياها مردتش عليها بس كان نفسي اقول لها مش كل واحدة مستحملة ضعيفة وقليلة حيلة كان عندي امل الاقي معمل بره يرضى اعمل فيه ابحاثي وارجع اقفل الرسالة في مصر ولم اتمكن من ايجاد فرصة هو بيقول تتفرغي علشان مش ها افضى لك وللولاد وخاصة ان الكبير معاق لخطأ طبي ساعة الولادة ايوه يا ستي باب النجار وكمان وصى مشرفه يرفض اني اشتغل في نفس المعمل علشان هو يتفرغ ويطلع له شغل كويس عندا فيه وفي مشرفه اشتغلت من الباطن شغل غير بحثي وانتي عارفة مضيقين جدا على غير الاتحاد الأوروبي الشغل ورفضت رفض بات انه ياخد مليم من شغلي لأ وصممت يصرف من فلوس البعثة بطوله كمان مش ها اقول لك بهدلني في الغربة اد ايه كفاية اقول لك انه كان بيدخل علي بصاحبته الأجنبية سكران في بيتي ويقول لي اني متخلفة وهي مجرد زميلة مش صاحبة واحدة كتير واللي تزعل من بيتها تيجي عندنا علشان ده راجل شهم ابني المعاق اللي في مدرسة متخصصة وبنتي وابني التوأم اللي في حضانة وشغلي وتحمل تيس لمدة اربع سنوات رجعنا مصر ابني الكبير توفاه الله حالتي النفسية كانت سيئة بس ايه الجديد يعني أنا نحست يا جدعان بقيت مبتسمة زي البورتريهات القديمة بس هو بالقناع اللطيف الظريف المتدين اللي مش بيسلم على الستات في الكلية يا ناس كتاكيتو بني وانا زي ما انا صابرة ومحتسبة ومخرجاة من حساباتي وابتديت الدكتوراه بتاعتي وراسلت نفس البلد اللي كنا فيها وخدت نصف بعثة حاجة كده اشتغل العملي بره باستاذ خارجي واقفل الرسالة في مصر باستاذ من كليتي هو اتجنن من الفرحة فاكرني ها اخده معايا قلت له استحملتك لحد ما خلصت ها تقعد بالعيال في مصر علشان انا انجز بعد ما استنفز كل وسائل الإغراء والتهديد عمل غلطة عمره وراح يشتكيني لطوب الأرض في الكلية ميقدرش يشتكي عند اهلي اللي عارفينه بدون اقنعة في يوم لقيت محكمة منصوبة لي من اتنين من اساتذتي وازاي اجرؤ اقول لجوزي ميسافرش معايا وازاي عاوزة اوقف مستقبله العلمي البرلنتي وازاي ده هناك ها يعمل بحوث تطلع مصر لزحل ان شاء الله من الأخر انا بغير من جوزي علشان سبقني وأذكى مني وكده يعني اظن كده عداني العيب والغبي هو اللي يصمم يصدق كذبه جبت اللاب توب وفتحته وفرجتهم على عينك يا تاجر كل فضايحه اللي انا حصلت عليها من إيميلاته لصور فاضحة له وللبنات اللي مصاحبهم لكله كله مش عارفة ليه نسي مع الأيام ان تعليمه العالي مش مختلف عني وحكيت كل تفصيلة من أول الشقة وعدادها وانتي طالعة اظن كده يا اوختي تدخليني الجمعية وانتي مطمنة هههههههههههههه الراجلين جالهم حول وكانوا قاعدين في نص هدومهم رجالة كبيرة محترمة على المعاش علماء من بتوع انما يخشى الله من عباده العلماء كانوا واخدين بومبة طويلة المدى في متقي عصره وأوانه وقلت مش مسافر وعلى جثتي ولو عاوز يطلقني يتفضل خلاص بشتري شقة لنفسي في اكتوبر وولادي ها تقعد بيهم والدتي لحد ما ارجع ومليش ذلة تاني ومش مسامحاه في فلوس شقة اهلي بمعنى اصح لأول مرة مش بس اقلب الترابيزة لأ وكمان انفي اني بتهدد من واحد زيه تصدقي بالله كان على عيني اشوف كسرة عينه ونظرات اللوم اللي في عينه متشتميش ولا تضربي أنا عارفاكي هههههههههههههه ما انا لما بفضحه بخليه يعمل كل العمايل السودة علانية من جهة وكمان بفضح ولادي وسط ناس من معارفهم المهمين اللي كده كده ممكن يتجوزوا منهم وممكن يشتغلوا معاهم والحاجات دي مش بتتنسي يومين اتنين كانت القصة سرت في جنبات الكلية واصبحت ايقونة الصبر والتحمل وحبيبة كل الناس اللي كانوا شايفين اني شريرة وبحسد مستقبله العلمي الباهر السادة الأساتذة حكموا وقالوا يقعد في مصر بالولاد ستة اشهر ولو لقيتي منه تحسن وتاب واناب وبيرعى العيال عدل وسألتي ولقيتيه اتعدل خلاص يابنتي متخربيش بيتك وتشحططي ولادك وابعتي خديه انا باعتة الإيميل لسببين اولا فيه فرق كبير قوي ان ست تعاشر راجل وهي مش مذلولة وواحدة بتعاشره باجبار انا النهاردة مش عندي مشاعر الذل الأولى خالص ولا بصحى بليل افكر في حالي لو سابني الست لما تكون مش مجبرة ممكن قوي متهدش بيتها حتى لو معاشرة واحد منيل ممكن بشكل عادي جدا تستحمل علشان ربنا يوفيها اجر الصابرين والست بتاعة قصة مكررة لو مش مذلولة بعدم وجود مال وسكن كانت ها تهون عليها الحياة كتير الذل بيخوف وبيرعب وبيجيب هلاوس ومكنتش ها تحس باحساس القهر بالشكل ده بل كانت ها تفكر انضج واسرع وتقدر تحل المشكلة وتاني سبب ان العيال وحشوني قوي وهو في مصر من 8 اشهر وعلشان اجيبهم لازم اجيبه كمان انا بحب اكون أد كلمتي وانا قلت للحكماء المحكمين ان كلها 6 اشهر وانا تجاوزت المدة المتفق عليها مش ها اقول لكم هو نازل فيا غرام وحب وهيام ومسجات ابن اللذينة هههههههه أنا مش عارفة تماديت في انتقامي منه ولا كده عدل انا مخططتش للإنتقام ولا للي عملته كله جه زي ما تكوني فتحتي الهويس يا فؤادة ههههههههههههه ولو ده عدل ما يمكن يخلصه مني بحركات مضادة ونرجع للماتش تاني 2 1 ولو مش عدل يعني ازاي مش عدل ها تقولوا هو استحمل كل ده ليه معنديش امر مؤكد يمكن لأنه عاوز هنا وعنده امل يجي وعاوز يعمل بحوث الترقية هنا وعاوز يعك هنا كمان يلاقي فين خدامة جوا ومورده اقتصادية بره ومتحملة لقلة ادب بره وجوا مين دي اللي من نفس مستوانا العلمي والأدبي ها ترضى بيه بعد ما اهلها يسألوا عليه ده بقى اشهر من كلينتون يا رجالة ههههههههههه وانا عارفة مهما حصل ديل الكلب مش ها يتعدل ولو علقوا فيه قالب بس خايفة يجي يتصنع مشاكل بالعافية علشان يعطلني انجزت حلو قوي علشان لوحدي بس اكتر من كده بدون العيال ها اتجنن فعلا عجبني تعلقك على المغتصبة اللي بيحسنوا قتلتها تعرفي ان واحدة نصحتني وقالت لي ما تشربي معاه يا خايبة احسن ما واحدة تانية تشرب هههههههههههههههه الست عاوزاني اشرب خمرة واقول انا جدع علشان مزاج المنيل يتحملني ويقدر يعاشرني وواحدة تقول لك البسي له شفتشي ههههههه على أساس إني الدكتورة عفت ولا شوكت مثلا وكل واحدة بقت خبيرة علاقات زوجية الحمد لله اني سافرت بسرعة لحسن الستات دول كانوا ها يجننوني ويخرجوني من حالة التنحيس القصص وتعليقاتكم خليتني اشارككم همي اللي مش هم جامد الصراحة خلاص انا نحست ومش بحس بألم منه زي الأول بعد ما القرف يجي من اول حب والحب الوحيد وحبيبي دائما وكل الافلام العربي دي كله كله بيهون ومفيش ألم اكبر من ده انا مش قصدي انكد عليكم بالعكس ده تفاعل تجارب وتبادل ثقافي وجلسة نفسية جماعية رائعة وعلشان لو بنت واحدة قالت معرفش ومكنتش اعرف نوريها شغلها وحسرة عليها يا حسرة عليها وكل ليلة بليل قبل ما انام اقعد افكر اعمل ايه اجيبه ولا اسيبه لحد ما انجز كمان شهرين طب والعيال لحسن تكبر في دماغه ويخليه في مصر عندا في واقعد بقية السنتين من غير العيال الله يقطع الجواز وسنينه وسمعوني اغنية انا كنت بعتبرك بجد كتير عليا بس اكتشفت ان انا اللي كتير عليك يا سبعي مرسلة بواسطة ستيتة حسب الله الحمش في 12 01 ص هناك 16 تعليقًا إرسال بالبريد الإلكتروني كتابة مدونة حول هذه المشاركة المشاركة على x المشاركة في facebook المشاركة على pinterest التسميات وجع الولايا الجمعة 17 ديسمبر 2010 أجدبت أيامي ظلما ما هذا الذي تصيغه لنا كأنك عشت مأساة حقيقية وما كل هذا النواح عن الماكرة والخائنة ثم تتحفنا برأيك في بنات آدم كل النساء مش عارفة مالهم ولو مشيوا على الماء أو طاروا في السماء وماذا يدعوهن ليفعلن هذا لإرضاء مثلك ماهي مميزاتك الخطيرة التي تستدعي أنثى لإثبات حسن أخلاقها وورعها لمثلك تريد أن تستمع لقصة حقيقية ومأساة حقيقية هاهي قصتي أنا في أواخر الخمسينات جميلة جدا وبلا غرور أو تصنع تواضع أظنه أمر شبه معتاد لأصحاب الأصول التركية ودليلي ساسوقه لك في ختام القصةمن واقع حياتي الآن يسميني أهلي صاحبة الشورى وهذا يعطي دلالة على حسن حكمي على الأمور وعليه دون أن أرى صورة الفيس بوك التي تتشدق بها فأنا أيضا جميلة كفينوس الشريرة التي صورتها وأزيد ولله الحمد بنعمة العقل الذي يثني عليه الجميع حتى يومنا هذا تزوجت من ابن عمي صغيرة في هذا الوقت جهزني والدي جهاز غير تقليدي وغير عادي أثار غيرة أخوتي البنات جميعا مفهومة يعني بتجوز ابن أخوه وفرحان جدا إن العائلة متحدة مبدأيا عمري ما نظرت لإبن عمي كعريس محتمل دائما كان صديق وأخ وسر إخواتي الأكبر مني وطلبه ليدي كان أمر غريب لكن العائلة كلها أقنعتني إنه أحسن زوج وبما إني لا بحب ولا لي علاقات فاحمد زي الحاج أحمد تزوجنا وكانت حياتنا رائعة وللعلم أيامنا آخر زمن الرجال يعملون خارجا ويساعدونا داخلا وينهالوا علينا بالهدايا لا يطالبونا بمرتب ولا يقولوا ما اسمعه اليوم انتي في البيت ومسئولة عنه من الألف للياء إشترى باسمي أملاك ورصيد في البنك على مدار الأيامولم أكن حالة خاصة فكل اخوتي البنات ازواجهم عطوهم دون شغل او مَنّ زوجي تحديدا مرح جدا ووجوده في الحياة مبهج بشكل عام لا بيبطل ضحك ولا بيحب الغم ويتمنى يكون فلاتي بس انا عمري ما اعطيته حجة زيارة أهلي تسعده وما أن يخطو أهلي داخل بيتي حتى ينزل ليأتي بالكباب والتورتات ويعمل جو رائع ومرح جدا ماهم في الأخر أهله برضه أنا أيضا أعشق الضحك وجو المرح حتى لو حزينة مفيش كازينو في مصر الا وسهرنا فيه ومفيش سواريه حد لبسه الا وكان عندي الأول ده غير اني طول عمري بلبس شيك جدا ومن ماركات عالمية مش بحب حد يتدخل في أحزاني وخصوصياتي وأي مكان وبشر كئيب لا يمكن أتواجد في محيطه المقدمة المملة دي يا أخ لازمة علشان تشوف قد إيه أنا حبيته تدريجيا حتى أصبح أغلى من نور عيني نظرا لعطائه ومرحه وحبه للدنيا وبالطبع هو قال لي إنه بيحبني من يوم ما جيت الدنيا وكفاية إني متربية على إيده أنجبنا طفلين معاقين إعاقة تامة عقليا وجسديا ابني الآن بالطبع في عمر الرجال ولكنه ليس مثلهم إبني أخدمه كطفل عمره تسعة شهور بالضبط دون زيادة أو نقص وبنتي رحمها الله توفت في السابعة من عمرها بالطبع ذهبنا لعدد من الأطباء للكثير في الواقع آخرهم كانت الدكتورة سامية التمتامي في مركز البحوث أوائل الثمانينات على ما أتذكر إضافة من ستيتة الأستاذ الدكتور سامية التمتامي من الرواد في علم الأمراض الوراثية في مصر وأول باحثة عربية تحصل على الدكتوراة في علم الوراثة البشرية الدكتورة سامية بعد الفحوصات قالت كلاكما سليم والمشكلة في صلة القرابة هناك حليين الأول ان كل ما أحمل طفل نروح لها عند عمر الجنين أربعة أشهر وتجري تحاليل ومتابعة ان كان سليم يستمر الحمل وان كان مثل أخويه نجهضه وإما نتطلق وكلا منا يمضي في سبيله وها نخلف بعون الله اطفال زي الفل أيامها كنت في عز جمالي وشبابي وصحتي رفض زوجي كلا الحلين وقال بالنص ضفرك اللي بيطيره المقص بخمسين عيل وانا مش عاوز ولاد ومش عاوز اسمع القصة دي تاني توفت ابنتي وحزنت عليها جدا وفتحت معه الموضوع تاني ورفض تاني ومهما حد فتح الموضوع من الأهل يتعصب ويتخانق وانا مش عاوز عيال طب هل انا كنت عاوزة ولاد مؤكد كنت عاوزة بس مش من حد غيره ولا غصب عنه وبخديعة حمل هو مش موافق عليه أسهل حل إني احمل دون إعلامه وها يعمل إيه يعني ولا يملك إيه بس دي مش طريقتي في الحياة والإنجاب حق لإتنين مش ينفرد حد بيه راحت الأيام وجت وبقى عمري 53 عام وهو اصبح في الستين وكنا في بيتنا الصيفي وذهبت لقضاء مشوار وعدت لأجد جارتي الشابة عنده بمفردها وبشكل مكنش اول مرة ألاحظه كثرت ذلاته وتناقصت قدرتي على الاحتمال والتطنيش بدون دخول في تفاصيل مهينة وكون دي مش أول ملاحظة وقلة قيمة طردتها فورا فأنا لا بلف ولا بدور ولا ضعيفة ولا قليلة حيلة واتخانقنا وقلت له لو مش قادر تعيش معايا وعاوز واحدة تانية طب ما تطلقني اسهل نزل جاب المأذون في لحظة وبكل سهولة وبتدبير رائع جدا وتسلسل منطقي ايضا هي دي التمثيليات اتعلم مش اللي حصل لك وقسمنا المعيشة هو بيتنا الصيفي وانا القاهري وكده كده أنا عندي دخلي من فلوسي اللي في البنك ومن ورثي من أبي انت ليه بتقول انك كنت مصدوم على الأقل انت راجل انا انثى بلا عمل يشغلني وعمري كبير وفرص السعادة تاني قليلة وبولد معاق تماما ومش ها اعرف أخلف معاه أخ أو أخت وبترمي في لحظة خناق عادية جدا وبسهولة جدا لتدبير مسبق وتفكير شيطاني فجائي وزن على النفوخ أمر من السحر المهم اتفقنا ان ابني معايا في فصل الشتاء ومعاه في فصل الصيف بعد شهر واحد من وجود ابني معاه ارجعه لي وقال بصي انا مخلفتش والواد ده اعتبريه مش ابني وانا مش مسئول عنه جمله وتفصيلا أنا ها أحاجه يوم القيامة إن شاء الله أمام الله في الكلمة الكبيرة دي وذهب تزوج من بنت فلاحة عشرينية اصله ياعيني افتكر فجأة إنه نفسه في الولد خلف ولد عايش ربنا يخليه له وولد توفى ساعة الولادة ماشي طول النهار والليل شايل ابنه على كتفه زي الملك عاوز تسمع ايه حالتي الآن لي الكثير جدا من الأصدقاء وطول عمري عندي اصدقاء واجتماعية بحب الموالد جدا وبعمل خدمة وأكل للفقراء في كل مولد بروح النادي وبود اهلي وعيالهم اللي زي عيالي بخدم ابني الشخص الوحيد اللي نفسه بليل بينيمني لكن لما بقفل علي الباب بتعب نفسيا جدا بخاف اتصل بالناس ساعة الوحدة لأن محدش فاضي لحد بتونس بأنس الله وقراءة القرآن وخايفة أموت قبل ابني لأنه محدش فعلا بيعرف يخدمه ولا بيستحمله لأن حالته صعبة جدا إلا علي انا وأبوه اللي قال مش ابني كمان بتونس بالمنتديات والمدونات والجرائد والكتب على الكمبيوتر اللي علمني عليه ولاد اختي الصغيرة اللي متعلقين بي ناس كتير بتحاول تخليني مش وحيدة ولله الحمد بس انا وحيدة فيه ساعة كده ببقى محتاجة بني آدم لا كتاب ولا قرآن ولا وحدة فيه ساعة بتساوي سنة من كتر ثقلها على القلب عيد ميلادي الأخير لم يتذكره أحد في الأعياد كل واحد في بيته ومع عياله واحفاده وبيدعوني بس انا مش بحب اكون تقيلة على الناس تقدم لي مؤخرا عضو مجلس شعب وراجل جدع جدا ومستشار على المعاش وشيخ غني ابن شيخ كبير ...