Meta tags:
Headings (most frequently used words):
2010, أبريل, من, الجمعة, يوليو, الأربعاء, ليه, يا, مصر, إنفد, بجلدك, إبليس, بيحبك, أنا, مين, رسالة, إلى, الوالى, اغانى, تأليفى, انا, الابواب, قائمة, المدونات, الإلكترونية, counter, 15, أكتوبر, الاثنين, 12, الخميس, 23, 14, السبت, 16, ديسمبر, 2009,
Text of the page (most frequently used words):
قبل (27), عامًا (19), ليه (19), اللى (15), واحد (12), البلد (11), يوم (11), 2010 (10), قول (10), إيه (10), كان (10), نفسى (10), مين (9), خالد (9), مصر (8), رأيك (7), مرسلة (7), بواسطة (7), فوق (7), فيه (7), قلبى (7), أنا (7), 2008 (7), على (6), ولا (6), أبريل (6), واحبك (6), أحبك (6), إنفد (5), بجلدك (5), انا (5), لما (5), دايما (5), عارفة (5), بحبك (5), حضن (5), امى (5), جّوه (5), حاجة (5), قالوا (5), فين (4), أعوام (4), 2009 (4), لأنك (4), بالسنين (4), أسكن (4), قوللى (4), يعنى (4), تحت (3), وبعد (3), يومين (3), سعيد (3), روحى (3), حتى (3), مافيش (3), بقى (3), طبعا (3), تقول (3), أحلى (3), عيد (3), حياته (3), بين (3), لأن (3), حياتى (3), وانا (3), الزمن (3), التسميات (3), هوه (3), كمان (3), اعيّط (3), أشكى (3), يوليو (3), ياللى (3), الكيس (3), ليا (3), فيكى (3), بقيتى (3), #أكتوبر (3), المدونه (2), الحياة (2), أحيانا (2), الرئيسية (2), ساب (2), فرنسا (2), حبوب (2), إلى (2), حسين (2), الله (2), مصريات (2), إسلاميات (2), تأليفى (2), فيها (2), واشوف (2), دماغك (2), وقلت (2), حالف (2), قاعد (2), ومين (2), حكاية (2), أيام (2), ومن (2), الصحة (2), عايش (2), جيل (2), عارفين (2), سامع (2), الأربعاء (2), ديسمبر (2), مرة (2), كتبت (2), ضلمة (2), عدت (2), الجاى (2), بيكى (2), منين (2), وعايزين (2), تعرفونى (2), يبقوا (2), أمل (2), الشيطان (2), تمام (2), جوه (2), العروق (2), تتوب (2), تقرا (2), معايا (2), بتاعة (2), ياللا (2), إبليس (2), بيحبك (2), الجمعة (2), ألف (2), كلمة (2), مهما (2), الحلم (2), هيّه (2), ناس (2), العمر (2), مليون (2), ويّـــــــــا (2), عارف (2), حتقول (2), يمكن (2), جاى (2), الحكومة (2), رَش (2), البانجو (2), قلنا (2), جابوا (2), رفضوا (2), المخبرين (2), لسه (2), إنتوا (2), بره (2), الكافيه (2), قام (2), ظلم (2), اسمه (2), اللا (2), قولى (2), كتير (2), إحنا (2), ليكى (2), راس (2), خلاص (2), حته (2), skip (2), designed, eslam, counter, ثرثرة, المطر, الرئيسيه, بيحب, ربنا, نميمه, عالمصطبه, تكرهه, عِبَــادُ, الرَحْمَــن, دعوة, لزيارة, ذوى, الاحتياجات, الخاصه, أهو, عيبه, تأملات, خلق, ناجي, العلي, 2000, مراسم, الاعداد, للربيع, القادم, مواطن, بدرجة, ناخب, karakib, fazloka, صعب, جدااااا, حاجات, جوايا, حصاد, وائل, wael, حبال, الأسمنت, عرضحالجى, تايتلز, subtitles, caricatooz, لـــيــالــيـنــا, بنوته, مصرية, سنتين, قررت, اهرب, عالم, المجانين, style, crush, jessica, alba, حاجه, صغنونه, غير, فذلكه, جواز, ياهو, باطل, هانم, أسترها, يارب, لمــــاذا, أنت, يــااا, أنـــــت, لقاء, الاحبة, الانتظار, بطوط, كيف, تحولت, مجرد, مقبرة, قهوة, نام, مصرى, مقابلات, الفنان, ياسر, الفضائية, cartoonya, كارتونيــا, zianour, عوده, الامبراطورة, appy, planet, كتاباتي, 134, أمة, قائمة, المدونات, الإلكترونية, رومانسياتى, خواطر, شعرية, حياتنا, الاسلامية, الابواب, عرض, الملف, الشخصي, الكامل, الخاص, اغنية, ايه, جابك, غناء, احمد, اخو, المطربة, سوما, اغانى, الاشتراك, الرسائل, atom, رسائل, أقدم, أسلم, أهلى, لكن, أرجوك, تسيبلى, واقول, تستاهلى, وتبعت, يندهلى, سقفها, المخروم, المجلس, القبة, حتفضل, برضه, تحوم, ولو, اكون, مرحوم, ويستحسن, تكسرها, قالولى, العلة, الماضى, أحسرها, ايديا, أقصرها, أقص, لسانى, زالف, زيادة, التأكيد, لايوم, اشجب, اخالف, تصدق, كنت, وتعبان, الكتابة, عتيد, رقيب, حسنات, وعصمت, زيه, رشيد, وميت, إعلان, الترشيد, تسد, النفس, النوم, ضرايبنا, فارضها, وراسك, ناشفة, الدوم, ديوننا, متلتلة, بالكوم, ولكح, شلوفة, هرب, خرب, وألف, معروفة, وسرقة, ونهب, بالزوفة, أكل, نصه, ونصه, ارميه, اجيبه, بالضالين, العيش, بالأبونيه, أنافقك, وبأمارة, نانسى, هيفاء, فيفى, دينا, نخاف, نبتلى, بوباء, ماكنا, نشوف, مرض, داء, إلهى, يصبحه, بالخير, أفندينا, بعديها, للخنازير, وأنفلونزا, للطير, ويتباع, كما, السلعة, وييجى, المصل, مجانا, وعلة, وأوبئة, ترعى, مجارى, وصرف, الترعة, عنده, البعيد, كحة, وزير, ذات, نفسه, داعى, نفضحها, عهدك, العهود, عهدى, شرطة, عمال, تاخد, تدى, جدود, جدى, الزرع, بالمحاليل, وجبتلنا, المرض, أنواع, إيشى, لعاطف, وايشى, لخليل, وبتسلمنا, ورا, ماهوانت, تتهدى, تتهد, ومش, آخرها, معاك, وخليتنا, لطمنا, الخد, نصيحة, لحد, وتبجيلك, وتمجيدك, مانيش, قادر, نفاقك, كفاية, تذل, عبيدك, الحاج, ابوس, إيدك, رسالة, الوالى, يهرب, حابك, عايشك, يندم, فاته, أول, أشوفك, ذاته, والتقيكى, والقى, غيرك, جوا, نور, تبقى, لقلبى, دايب, عبيرها, وردة, عافر, موج, بحورها, مرسى, دنيا, والتقيتك, سطورها, لأنى, غنوة, وانتى, نورها, طموحى, بانسى, أحزانى, وجروحى, معاكى, سطوحى, نسمة, السبت, أنــــا, مــــــــــيـــــــــــــن, ولسه, حـتـســــــألـــــونـــى, وعـايـش, بــس, لـلـتـانـيـيـن, نـسـيت, نــفــسى, دوامــة, الحــياة, ســاهـى, وكله, حــالــه, مـتـلاهــى, الدمع, جــالـــــك, قليل, الدنيا, أمــثــالــك, مـا, حـد, سـألنى, مالك, ويـنـزل, دمـعـى, خدى, وعـشـت, العـمـر, بـادى, بـــــــــــيــــــــــــــــــــــدى, نحتـت, تمـثال, الـوفـا, لصــوت, واحـد, كلامه, أنين, وأيـامى, مـاهــيش, ســامـعة, طـفـيـتـها, دمـعـ, واتارى, الضوء, شمعة, وانام, احــلم, بــيــوم, العيد, يعوضــلى, النـواح, تغــريــد, أقول, نهارى, جـايـلى, أكـيـد, العتمة, ضوء, شاحب, بـاقــول, لـلـحزن, مــراحب, بــلا, صـــــــــــــــــــاحــب, الـلى, الـغـربـة, جـــــوايـــا, وعـايزين, ويـبـقـوا, عــليـــا, مــتـفـقــيـن, ويأسى, وحزنى, اصحاب, زايــف, فرح, كـــداب, الآخــــر, بالاقى, سراب, وادقـــق, يـامــا, أعـــايـــن, زمــن, الكــدب, بـايـن, وبرضــــه, الكــل, كـان, خايـن, وأسامح, أقبل, الأعــــــــذار, أحافظ, الحبيب, جــــــار, إقــــــــــــــــــــــــــــــــــرار, ظهر, تعرفــونى, مـين, بذنب, بقيت, عشان, ذنب, ابوكم, أبوك, جنة, أجمل, مكان, وشوف, ابن, آدم, حاقولك, ويصبح, خايب, حلالك, حرام, بنرجع, حبايب, وتعمل, نصايب, وتنسى, الطواف, الوقوف, المقام, امّا, ترجع, بكام, بعمرة, حجة, توبة, نصوح, تنوّر, ملامحك, ربك, يسامحك, وقدام, نبيك, بسرك, تبوح, وإياك, مكة, تفكر, تروح, دمك, مجرى, حازود, همك, حابليك, اغمك, وقلبك, حلاوة, إيمانك, يدوق, وربك, اسيبك, تروق, تنول, الهداية, تنسى, الذنوب, تقوم, آية, وتخلف, وترجع, بقلبك, لربك, تنوب, وأكره, أكره, جنابك, المجلة, زمااان, هوب, تعالوا, شلة, تساعد, شوية, أخوك, بتفسد, صحابك, وفوق, كوم, زبالة, يعبوا, الشوال, يعيشوا, برزالة, الخلق, عالة, يمدوا, إيديهم, بذل, السؤال, تخلف, ترمى, العيال, تبيع, الغويشة, المدام, بحتة, حشيشة, حجر, تحته, شيشة, وبعدين, تلخبط, بأوسخ, كلام, تظبط, كأنك, محامى, بيننا, إتفاق, حرامى, بتسمع, كلامى, وتلعن, ديانتك, وقت, الخناق, بتحلف, عليا, الطلاق, يقولوا, زكاتك, مفيش, بتصرف, كاشاتك, حياتك, وفى, الحر, تهرب, لشرم, عريش, بتضرب, سجاير, حشيش, فلاتى, وواد, أولعوبان, آلاتى, آنونجى, وناياتى, تبصبص, لبنت, الجيران, مطنش, لصوت, الآدان, تمجد, نسل, القرود, تنكت, احبك, تبكت, بتكدب, خاين, وعود, مسلم, ناسى, الفروض, واعيط, والزمن, بتر, الإيدين, بحر, باعافر, مصاحبة, عمرى, لاقيه, أدّور, تملى, ضايع, وذنبى, غلطة, أعرف, ألتقيه, مليان, آسى, ُمر, السنين, أشربه, ملهوف, بإيده, كاس, عطانى, يتبل, ريق, والعطش, الحلق, خايف, والجمل, الغريق, صحرا, الطريق, والحياة, متاهة, أمشى, هـيلاقى, عين, دمعك, التايه, ترى, والسؤال, سأل, هّيه, المــقـــــبـــرة, العِضام, قـامـت, بتـسأل, تـلمها, البعترة, عايزة, الغرقــانـيـن, بواقى, أنجّى, باقى, لمين, الخميس, إنت, تنام, قتلته, والشهادة, تكون, ختام, اموت, زيك, عملك, حتلاقيه, فلان, امك, فلانة, سعادتك, بيه, يومها, يابا, سيادتك, يناديك, قتلت, كتابك, إيديك, حينادى, المنادى, الملوك, ويـــّا, العبيد, قيامة, الكل, واقف, بعيد, أقولك, حلوة, أيوه, آمال, تنشطب, تانى, حتلاقيها, تنص, الدستور, مادة, الدور, عليك, تصرخ, توطى, واحدة, حاقولها, ليك, خطى, والغلابة, قشاط, وزهر, بحالها, طاولة, مفروض, ضهر, يحمى, الغلابة, والقضية, فِش, المظلوم, جابوها, واللى, والحكاية, كوسووها, سلام, شوف, البجاحة, خلوا, قاتل, الصراحة, قتله, إتحشر, جواه, فمات, بيبلع, الموضوع, يبات, والسبب, ثوانى, يطلع, وكان, معاه, زبونى, مرشد, زمان, النهاية, تاجربانجو, ياخدوا, إسعاف, لجل, تاخده, الأمين, المهم, صحابنا, دوكها, موتى, أرحم, العذاب, روحه, قالت, سيبونى, نلحقه, ناخد, ثواب, صاحى, أيادى, الدكتورين, جثة, سابوا, لابد, توّفى, دين, والحكومة, توعد, بقطنة, نايم, التابوت, قالوامش, نسيبك, إلا, ثانية, هدنة, بمووت, بيصرخ, إرحمونى, شيئ, مكرر, الجديد, والجيران, مالهمش, حيلة, وشه, الباب, الحديد, كسّروا, سنانه, الجميلة, زفة, عريس, سلّمه, يكّمّل, محمود, ودم, القميص, الأرض, ساحبه, عوض, خدتوه, قال, الحقيقة, خدوه, يدوب, كام, دقيقة, كانوا, واخدين, طريقهم, جوز, بوكس, القسم, دوغرى, كات, حديث, القهاوى, الشاب, سيرته, الحكاوى, نشر, النِت, فيديو, واد, خلاصة, شاب, فِت, يعمل, غاوى, نِت, شباب, بلدنا, قصره, السكاتات, جيله, لوحده, وهوه, مات, والسعادة, تجيله, الغريب, الجدع, غامضة, إسمع, سيدى, انت, سمعتش, حصل, للولد, جدع, رثاء, للشهيد, الاثنين, ولادى, تراكوه, أكتب, الوصيه, نفسك, عِكوه, يعدمونى, طول, غسيل, مكوه, الكرسى, واخدك, شكوى, عشت, دمكم, راضعين, تلج, يتنه, يفضل, ايام, فاروق, غيبوبه, ماسكه, لعيونك, تفوق, النومه, طالت, نفكر, نطير, رصاص, الصياد, يصيدنا, نتفرد, الفطير, الحق, الورق, ارقام, بقينا, حسبه, ملك, افندينا, الكبير, عزبه, الضعيف, قفاه, القوى, بيستقوى, أكتر, الشريف, جواكى, تاه, اللصوص, أسياد, علينا, الف, غدروا, ياما, باينه, جثه, خلونى, الغفير, ارضى, خدوها, منى, عمدان, السرير, اصلهم, خدوا, اوهب, خير, الخير, ماليكى, بالتبادل, رفح, ادينى, طابا, باللا, باعوكى, قالعين, المداس, غرقنا, وحل, بِركه, تنكتب, ضمن, الميراث, تِركه, يناير, نوفمبر, أغسطس, يونيو, مايو, مارس, contact, info, facebook, home, sidebar, main,
Text of the page (random words):
واحد من البلد دى skip to main skip to sidebar home facebook info contact مارس 2008 1 أبريل 2008 6 مايو 2008 1 يونيو 2008 2 أغسطس 2008 1 أكتوبر 2008 2 نوفمبر 2008 1 يناير 2009 1 أبريل 2009 1 ديسمبر 2009 2 أبريل 2010 3 يوليو 2010 2 أكتوبر 2010 1 الجمعة 15 أكتوبر 2010 ليه يا مصر ليه يا مصر بقيتى تِركه تنكتب ضمن الميراث ليه غرقنا ف وحل بِركه و إحنا قالعين المداس ليه باعوكى حته حته ياللا باللا خلاص خلاص خد رفح و ادينى طابا بالتبادل راس ف راس ليه يا مصر الخير ماليكى و ليه ما ليكى اى خير اوهب اللى ما ليا ليكى و اللى ليا مش كتير اصلهم خدوا كل حاجة حتى عمدان السرير حتى ارضى خدوها منى بس خلونى الغفير ليه يا مصر بقيتى جثه فيها مش باينه الحياة غدروا بيكى و ياما لسه قولى مليون الف آه اللصوص أسياد علينا و الشريف جواكى تاه و القوى بيستقوى أكتر و الضعيف خد فوق قفاه ليه يا مصر بقيتى عزبه ملك افندينا الكبير و إحنا فيكى بقينا حسبه ع الورق ارقام كتير و إن ف يوم الحق قلنا نتفرد زى الفطير و رصاص الصياد يصيدنا قبل ما نفكر نطير ليه يا مصر النومه طالت قولى لعيونك تفوق و اللا دى غيبوبه ماسكه فيكى من ايام فاروق اللى تحت تحت يفضل و اللى فوق ح يتنه فوق إنتوا راضعين تلج و اللا دمكم ساب العروق عشت فيكى العمر أشكى ما حد سامع ليا شكوى و اللى فوق الكرسى واخدك طول حياته غسيل و مكوه عارفة يوم ما ح يعدمونى و قالوا إيه ف نفسك يا عِكوه نفسى أكتب ف الوصيه إن أنا ولادى تراكوه مرسلة بواسطة واحد من البلد دى في 6 04 م 9 قول رأيك التسميات مصريات الاثنين 12 يوليو 2010 إنفد بجلدك إنفد بجلدك رثاء للشهيد خالد سعيد إنفد بجلدك يا جدع من دى البلد هوه انت ما سمعتش حصل إيه للولد إسمع يا سيدى و ان فيه حاجة غامضة يعنى قوللى عيد الجدع ده كان اسمه خالد و الغريب ان اسمه كان خالد سعيد والسعادة منين تجيله وهوه ظلم ف ظلم مات مش لوحده دا كل جيله م اللى رفضوا السكاتات قصره يعنى عم خالد زى كل شباب بلدنا غاوى نِت حب يعمل ع الحكومة واد خلاصة و شاب فِت قام نشر ع النِت فيديو فيه حكاية من الحكاوى قول يومين و الشاب سيرته كات حديث كل القهاوى بوكس قام م القسم دوغرى ويّـــــــــا جوز المخبرين ع الكافيه واخدين طريقهم كانوا عارفين هوه فين قول يدوب و ف كام دقيقة كان خدوه بره الكافيه قال حسين فين الحقيقة إنتوا خدتوه بره ليه كان عوض ع الأرض ساحبه ودم خالد ع القميص سلّمه ل محمود يكّمّل هيّه إيه زفة عريس كسّروا سنانه الجميلة و وشه ف الباب الحديد والجيران مالهمش حيلة شيئ مكرر إيه الجديد كان بيصرخ إرحمونى ثانية هدنة يا ناس بمووت قالوامش ح نسيبك إلا بقطنة نايم ف التابوت والحكومة لما توعد كان لابد توّفى دين سابوا خالد بس جثة بين أيادى الدكتورين قالوا يمكن لسه صاحى نلحقه ناخد ثواب روحه قالت لأ سيبونى موتى أرحم م العذاب المهم صحابنا دوكها الأمين و المخبرين جابوا إسعاف لجل تاخده رفضوا طبعا ياخدوا مين النهاية جابوا تاجربانجو مرشد من زمان قالوا قول خالد زبونى وكان معاه الكيس كمان والسبب ف ثوانى يطلع قبل ما الموضوع يبات قالوا كان الكيس بيبلع إتحشر جواه فمات قلنا يعنى البانجو قتله قالوا طبعا دى الصراحة يعنى خلوا البانجو قاتل يا سلام شوف البجاحة والحكاية كوسووها واللى رَش يا عم رَش ف الكيس المظلوم جابوها والقضية طظ فِش قوللى مين يحمى الغلابة م اللى مفروض يبقوا ضهر الحكومة بحالها طاولة والغلابة قشاط وزهر ياللى قاعد تقرا خطى كلمة واحدة حاقولها ليك مهما تصرخ أو توطى جاى جاى الدور عليك حتقول الدستور فيه مادة تنص على مش عارف إيه تانى يوم مش حتلاقيها تنشطب أيوه آمال إيه بس أقولك حاجة حلوة فيه أمل يمكن بعيد يوم قيامة الكل واقف الملوك ويـــّا العبيد لما حينادى المنادى خد كتابك بين إيديك قوللى ياللى قتلت خالد حتقول إيه لما يناديك يومها يابا مافيش سيادتك أو سعادتك أو يا بيه فيه فلان و امك فلانة عملك اللى حتلاقيه نفسى اموت زيك يا خالد والشهادة تكون ختام بس ياللى قتلته قوللى إنت عارف يوم تنام مرسلة بواسطة واحد من البلد دى في 6 52 ص 18 قول رأيك التسميات إنفد بجلدك الخميس 8 يوليو 2010 جّوه حضن امى نفسى أسكن جّوه حضن امى و اعيّط بالسنين نفسى أشكى بس أشكى مين لمين نفسى أنجّى اللى باقى من بواقى الحلم ويّـــــــــا الغرقــانـيـن كل حاجة عايزة حاجة تـلمها م البعترة العِضام قـامـت بتـسأل هّيه فين المــقـــــبـــرة والسؤال الجاى سأل يا هل ترى دمعك التايه ف يوم هـيلاقى عين نفسى أسكن جّوه حضن امى و اعيّط بالسنين نفسى أمشى والحياة مليون متاهة ف الطريق جّوه قلبى العمر صحرا والجمل زى الغريق والعطش ف الحلق خايف و الزمن حالف ما يوم يتبل ريق و ان ف يوم حن و عطانى بإيده كاس أشربه ملهوف يا ناس ألتقيه مليان آسى ُمر السنين نفسى أسكن جّوه حضن امى و اعيّط بالسنين نفسى أعرف هيّه إيه غلطة حياتى وذنبى إيه ليه تملى الحلم ضايع مهما أدّور مش لاقيه ألف كلمة لأ ف عمرى ليه مصاحبة ألف ليه بحر ضلمة فيه باعافر والزمن بتر الإيدين نفسى أسكن جوه حضن امى واعيط بالسنين مرسلة بواسطة واحد من البلد دى في 12 45 م 2 قول رأيك الجمعة 23 أبريل 2010 إبليس بيحبك إبليس بيحبك أحبك يا مسلم يا ناسى الفروض أحبك بتكدب و خاين وعود بحبك تنكت و احبك تبكت واحبك تمجد ف نسل القرود أحبك مطنش لصوت الآدان واحبك تبصبص لبنت الجيران بحبك آلاتى آنونجى وناياتى واحبك فلاتى وواد أولعوبان أحبك بتضرب سجاير حشيش وفى الحر تهرب لشرم و عريش بتصرف كاشاتك و عايش حياتك يقولوا زكاتك تقول لأ مفيش أحبك بتحلف عليا الطلاق وتلعن ديانتك ف وقت الخناق واحبك حرامى بتسمع كلامى كأنك محامى و بيننا إتفاق أحبك تظبط دماغك تمام وبعدين تلخبط بأوسخ كلام بحتة حشيشة حجر تحته شيشة تبيع الغويشة بتاعة المدام واحبك تخلف و ترمى العيال يمدوا ف إيديهم بذل السؤال يعيشوا برزالة على الخلق عالة وفوق كوم زبالة يعبوا الشوال واحبك بتفسد صحابك كمان تساعد شوية أخوك الشيطان تقول هوب ياللا تعالوا يا شلة معايا المجلة بتاعة زمااان وأكره ما أكره جنابك تتوب وترجع بقلبك لربك تنوب تقوم تقرا آية وتخلف معايا تنول الهداية و تنسى الذنوب وربك ما اسيبك تتوب أو تروق وقلبك حلاوة إيمانك يدوق حازود ف همك و حابليك و اغمك دا انا جوه دمك فى مجرى العروق وإياك ل مكة تفكر تروح وقدام نبيك بسرك تبوح تنوّر ملامحك و ربك يسامحك بعمرة و حجة و توبة نصوح وبعد امّا ترجع بكام يوم تمام وتنسى الطواف و الوقوف و المقام بنرجع حبايب وتعمل نصايب ويصبح يا خايب حلالك حرام وشوف يا ابن آدم حاقولك كمان أبوك كان فى جنة ف أجمل مكان عشان ذنب واحد بقى هوه ابوكم وانا بذنب واحد بقيت الشيطان مرسلة بواسطة واحد من البلد دى في 11 37 ص 25 قول رأيك التسميات إسلاميات الأربعاء 14 أبريل 2010 أنا مين أنا مين وعايزين تعرفــونى أنا مـين أنا اللى كتبت على ظهر الزمن إقــــــــــــــــــــــــــــــــــرار أحافظ ع الحبيب لو جــــــار وأسامح و أقبل الأعــــــــذار وبرضــــه الكــل كـان خايـن ف زمــن الكــدب مش بـايـن وادقـــق يـامــا و أعـــايـــن وف الآخــــر بالاقى سراب أمل زايــف فرح كـــداب ويأسى وحزنى يبقوا اصحاب ويـبـقـوا عــليـــا مــتـفـقــيـن وعـايزين تعرفونى انا مين أنا الـلى الـغـربـة جـــــوايـــا بــلا صـــــــــــــــــــاحــب بـاقــول لـلـحزن يا مــراحب واشوف ف العتمة ضوء شاحب أقول ده نهارى جـايـلى أكـيـد يعوضــلى النـواح تغــريــد وانام و احــلم بــيــوم العيد واتارى الضوء ده كان شمعة طـفـيـتـها ف الزمن دمـعـ ة وأيـامى مـاهــيش ســامـعة لصــوت واحـد كلامه أنين وعايزين تعرفونى انا مين أنا اللى نحتـت تمـثال الـوفـا بـــــــــــيــــــــــــــــــــــدى وعـشـت العـمـر وانا بـادى ويـنـزل دمـعـى فوق خدى مـا حـد سـألنى يوم مالك قليل ف الدنيا أمــثــالــك منين الدمع ده جــالـــــك وكله ف حــالــه مـتـلاهــى ف دوامــة الحــياة ســاهـى وانا نـسـيت نــفــسى و الله وعـايـش بــس لـلـتـانـيـيـن ولسه حـتـســــــألـــــونـــى أنــــا مــــــــــيـــــــــــــن مرسلة بواسطة واحد من البلد دى في 7 17 ص 14 قول رأيك السبت 3 أبريل 2010 عارفة ليه عارفة ليه دايما بحبك مش لأنك بس روحى مش لأنك أحلى نسمة مرة عدت فوق سطوحى مش لأن معاكى دايما بانسى أحزانى وجروحى مش لأن حياتى بيكى عدت الجاى من طموحى عارفة ليه دايما بحبك مش لأن حياتى ضلمة وانتى نورها مش لأنى كتبت غنوة والتقيتك بين سطورها مش لأنك مرسى دنيا قلبى عافر موج بحورها مش لأنك أحلى وردة قلبى دايب من عبيرها عارفة ليه دايما بحبك لما تبقى لقلبى دايما نور حياته والقى غيرك جوا قلبى والتقيكى قلبى ذاته لما أول مرة أشوفك قلبى يندم ع اللى فاته قلبى مش حابك ده عايشك حد يهرب من حياته مرسلة بواسطة واحد من البلد دى في 7 28 ص 16 قول رأيك الأربعاء 16 ديسمبر 2009 رسالة إلى الوالى يا عم الحاج ابوس إيدك كفاية تذل ف عبيدك مانيش قادر على نفاقك وتبجيلك وتمجيدك يا مش سامع نصيحة لحد وخليتنا لطمنا الخد ومش عارفين آخرها معاك ماهوانت يا تتهدى يا تتهد وبتسلمنا جيل ورا جيل إيشى لعاطف وايشى لخليل وجبتلنا المرض أنواع من الزرع اللى بالمحاليل ومن أيام جدود جدى عايش تاخد ما يوم تدى ف عيد شرطة ف عيد عمال تقول أحلى العهود عهدى ف عهدك طبعا الصحة مافيش بقى داعى نفضحها وزير الصحة ذات نفسه بقى عنده البعيد كحة مجارى وصرف ع الترعة وعلة وأوبئة ترعى وييجى المصل مجانا ويتباع لى كما السلعة وأنفلونزا جت للطير ومن بعديها للخنازير ده من أيام أفندينا إلهى يصبحه بالخير ماكنا نشوف مرض ولا داء ولا نخاف نبتلى بوباء لا كان فيه فيفى ولا دينا ولا نانسى ولا هيفاء أنافقك وبأمارة إيه من العيش اللى بالأبونيه وبعد ما اجيبه بالضالين أكل نصه ونصه ارميه وسرقة ونهب بالزوفة وألف حكاية معروفة ومين هرب ومين خرب ولكح زى شلوفة ديوننا متلتلة بالكوم وراسك ناشفة زى الدوم ضرايبنا فارضها حبوب تسد النفس قبل النوم وميت إعلان عن الترشيد وعصمت زيه زى رشيد رقيب قاعد مافيش حسنات وتعبان م الكتابة عتيد تصدق كنت انا حالف لايوم اشجب ولا اخالف وقلت زيادة ف التأكيد أقص لسانى لو زالف وقلت ايديا أقصرها وع الماضى أحسرها قالولى العلة ف دماغك ويستحسن تكسرها ولو حتى ح اكون مرحوم حتفضل برضه روحى تحوم على المجلس فوق القبة واشوف من سقفها المخروم وتبعت حد يندهلى واقول يا روحى تستاهلى لكن أرجوك تسيبلى يومين أسلم فيها على أهلى مرسلة بواسطة واحد من البلد دى في 11 37 ص 20 قول رأيك رسائل أقدم الاشتراك في الرسائل atom اغانى من تأليفى اغنية ايه اللى جابك تأليفى و غناء احمد سعيد اخو المطربة سوما من انا واحد من البلد دى عرض الملف الشخصي الكامل الخاص بي الابواب إسلاميات 1 إنفد بجلدك 1 حياتنا الاسلامية 2 خواطر شعرية 3 رومانسياتى 2 مصريات 6 قائمة المدونات الإلكترونية أمة الله من كتاباتي 134 قبل يومين 2 appy planet عوده الامبراطورة قبل 6 أعوام zianour قبل 7 أعوام cartoonya كارتونيــا مقابلات الفنان ياسر حسين الفضائية قبل 9 أعوام قهوة نام يا مصرى كيف تحولت مصر إلى مجرد مقبرة قبل 10 أعوام بطوط حبوب المدونه الرئيسية فى الانتظار قبل 11 عامًا لقاء الاحبة لمــــاذا أنت يــااا أنـــــت قبل 11 عامًا أسترها يارب قبل 11 عامًا فرنسا هانم جواز فرنسا من ياهو باطل قبل 12 عامًا حاجه صغنونه من غير فذلكه style crush 4 jessica alba قبل 12 عامًا مين فين ليه وبعد سنتين قررت اهرب من عالم المجانين قبل 13 عامًا بنوته مصرية لـــيــالــيـنــا قبل 14 عامًا caricatooz ساب تايتلز subtitles قبل 14 عامًا عرضحالجى حبال الأسمنت قبل 15 عامًا وائل wael الرئيسية حصاد 2010 قبل 15 عامًا حاجات جوايا صعب جدااااا قبل 15 عامًا karakib fazloka مواطن بدرجة ناخب قبل 15 عامًا واحد من البلد دى ليه يا مصر قبل 15 عامًا أحيانا و أحيانا في مراسم الاعداد للربيع القادم قبل 16 عامًا ناجي العلي 2000 تأملات في خلق الحياة قبل 16 عامًا أهو ده عيبه دعوة لزيارة ذوى الاحتياجات الخاصه قبل 17 عامًا عِبَــادُ الرَحْمَــن هل تكرهه قبل 17 عامًا نميمه عالمصطبه مين بيحب ربنا قبل 17 عامًا ثرثرة تحت المطر المدونه الرئيسيه قبل 17 عامًا counter designed by eslam
|
