Meta tags:

Headings (most frequently used words):

2014, يا, may, على, الله, غزة, مرحب, sunday, wednesday, january, قاتل, في, وقع, بين, حسبنا, ونعم, الوكيل, بختك, لدعم, monday, july, thursday, 29, 11, tuesday, 22, 15, september, 2013, شعبك, كأنه, سما, والدنيا, دي, مطره, رب, المسيحيين, هو, بلال, ركزوا, بقى, المدونات, المشاركة, حملة, ترشيد, المياه, الصورة, مش, حتتشال, الا, لما, يتاخد, عزاهم, بيان, المصالحة, المصريين, والجزائريين, فيمن, يزرع, القطيعة, مصر, والجزائر, حمل, كتاب, شمس, العرب, تسطع, الغرب, مروة, followers, اشتري, كتابي, الجديد, new, holocaust, لسحب, جائزة, نوبل, من, عضو, الهجانا, الارهابي, بيريز, موقع, فيه, صور, واخبار, وفيديوهات, كتير, عربي, وانجليزي, متحف, محرقة, we, will, not, go, down, اضغط, هنا, sign, to, stop, war, on, gaza, about, me, ايتام, الديمقراطية, الامريكية, غير, بهم, بالمهيسين, blog, archive, labels, احترس, الاخوان, ترجع, الى, الحكم, بركة, ارض, الخوف, قوتنا, ركوبتنا, صوت, صمت, نزف, نصف, طائر, وثائق, ويكيليكس, تاني,

Text of the page (most frequently used words):
اللي (254), على (210), انا (98), حاجة (85), عشان (80), #الاخوان (80), كده (77), ولا (76), الناس (75), مصر (72), كان (65), الله (64), ايه (59), لما (59), بقى (53), احنا (50), غير (50), فيه (48), سليمان (43), يعني (40), انه (40), ربنا (40), انت (36), ناس (36), قوي (34), وانا (34), لها (34), عليه (32), قال (32), ليه (31), فيها (30), بعض (30), يبقى (29), كمان (29), اني (29), انهم (29), عبد (28), لان (28), دلوقت (27), واحد (26), كتير (25), دون (25), تاني (24), بعد (24), واللي (24), وما (24), ليس (24), ومش (24), حتى (23), الثورة (23), شعب (23), وهو (23), عليهم (23), كاشفة (22), لهم (21), مافيش (21), عايزة (21), دول (21), كنت (20), عارفة (20), وبعدين (20), لسه (19), يقول (19), كانوا (19), الشعب (19), يناير (18), بين (18), نفسه (18), هذه (18), الدولة (18), علي (18), مرسي (18), ثورة (17), كما (17), ولو (17), قبل (17), مبارك (17), ازاي (17), البلد (16), الحكم (16), لكن (16), وفي (16), إيران (16), حماس (16), انتوا (15), يوم (15), طيب (15), ماحدش (15), فكرة (15), ابويا (15), الرحيم (15), الا (14), الى (14), معاه (14), كانت (14), اقول (14), بما (14), ذلك (14), بأن (14), نفسهم (14), كويس (14), السيسي (14), المكالمات (14), كويسة (14), عليا (13), الدنيا (13), ولما (13), أمن (13), ايام (13), فيهم (13), رجال (13), الاعمال (13), ترجع (12), وهي (12), عارف (12), قلت (12), بيه (12), كلها (12), دعم (12), الإيراني (12), إلى (12), كله (12), فعلا (12), طنطاوي (12), بيقولوا (12), may (11), مدونة (11), كلام (11), وكل (11), وعلى (11), وافدي (11), وانت (11), وقال (11), اكتر (11), مات (11), حيبقى (11), نفس (11), ممكن (11), لنا (10), محمد (10), واحدة (10), خالص (10), غزة (10), اللى (10), عايز (10), عنهم (10), اما (10), برضه (10), والله (10), تانية (10), رئيس (10), اذا (10), إلا (10), الجنرال (10), باتريوس (10), الرئيس (10), الانتخابات (10), الذي (10), التي (10), الفلسطينية (10), اول (10), لكوا (10), لحد (10), عارفين (10), مرة (9), january (9), july (9), احترس (9), المصرية (9), الموت (9), عمل (9), تقول (9), قالوا (9), شوية (9), العراق (9), العربي (9), الوقت (9), حال (9), أنه (9), عندي (9), للي (9), بالنسبة (9), للناس (9), سنة (9), الثوار (9), نعم (9), مثلا (9), يموت (9), كبير (9), المشير (9), البرادعي (9), نيته (9), لازم (8), بالله (8), كلنا (8), فينا (8), العربية (8), احمد (8), احسن (8), september (8), unknown (8), تبقى (8), الكلام (8), نفسي (8), زينب (8), قالت (8), كنا (8), السما (8), جاي (8), واحنا (8), ناوية (8), كفاية (8), الشارع (8), وقد (8), سوريا (8), وقت (8), جهاز (8), ومن (8), بجد (8), انها (8), والناس (8), اننا (8), والحقيقة (8), السبب (8), لانهم (8), وهم (8), بتوع (8), يعرفوا (8), سيادة (8), جنيه (8), february (7), april (7), june (7), 2014 (7), المصالحة (7), موت (7), اهو (7), يقولوا (7), الاتنين (7), الراجل (7), سما (7), هذا (7), صباح (7), الكل (7), الرحمن (7), كلهم (7), الملك (7), قلنا (7), حصل (7), posted (7), الوساخة (7), يعمل (7), الاول (7), سودا (7), فهم (7), الحقيقة (7), معاهم (7), اخوان (7), جماعة (7), انما (7), المفروض (7), جات (7), بتاع (7), معاك (7), طلع (7), حضرتك (7), فاتت (7), والشعب (7), منكوا (7), المكالمة (7), غلابة (6), سلاح (6), december (6), march (6), october (6), november (6), هنا (6), العرب (6), حزب (6), واسأل (6), النبي (6), الحسين (6), بعيد (6), منهم (6), طلعت (6), ويا (6), الشوارع (6), الملوك (6), اتنين (6), جنبه (6), طريق (6), وده (6), كلمة (6), عليك (6), النهاردة (6), يكون (6), ضرب (6), الداخلية (6), الدعم (6), جانب (6), النفوذ (6), السياسة (6), داخل (6), عبر (6), الأمريكية (6), فيما (6), ربما (6), نزلت (6), سبب (6), عليها (6), كوم (6), وكان (6), مخابرات (6), الاقل (6), عرفت (6), سمعت (6), حاقدر (6), وان (6), سنين (6), لاني (6), خلاص (6), لمون (6), بتقول (6), مجلس (6), كانش (6), لاي (6), عاملين (6), وماحدش (6), حيعملوا (6), ويقولوا (6), عايزين (6), الحياة (6), لابسين (6), ينفعش (6), رأي (6), الاقي (6), وخلاص (6), الجلطة (6), العناية (6), المركزة (6), اساسا (6), انك (6), كانوش (6), امن (6), طول (6), امبارح (6), المرشح (6), آكل (6), الجيف (6), الفقرا (6), الارض (5), عباس (5), عمال (5), حلوة (5), حملة (5), ابراهيم (5), أنا (5), august (5), بيان (5), مواطن (5), حكم (5), بعدين (5), معانا (5), الحكومة (5), تعالى (5), الشباب (5), جدا (5), الفجر (5), الغلابة (5), علم (5), اعلم (5), واقف (5), التاريخ (5), البشر (5), بدل (5), جوه (5), إذن (5), ولسه (5), العالم (5), شوف (5), تحت (5), ينزل (5), الشيخ (5), عنه (5), ورا (5), ساعة (5), السياسية (5), رجل (5), التدخل (5), المسلمين (5), فرصة (5), المخابرات (5), إذا (5), وأن (5), يخص (5), الفلسطيني (5), المشكلة (5), وجهة (5), نظر (5), الذين (5), فضيحة (5), جزء (5), ابقى (5), السجن (5), الحمل (5), حالة (5), ضميري (5), طبعا (5), سيدنا (5), تسجيل (5), ذات (5), خير (5), الوحيدة (5), مصطفى (5), امل (5), بيعمل (5), وساخة (5), كبيرة (5), والاخوان (5), انتخابات (5), عنده (5), النظام (5), فانا (5), بوساخة (5), عامل (5), فاهمة (5), ينفع (5), الشعراوي (5), الطرفين (5), باسم (5), علينا (5), بدري (5), مستشفى (5), احساس (5), الملجأ (5), ابدا (5), عيش (5), الخير (5), مرات (5), الحوار (5), عسكري (5), الاسلام (5), يعلم (5), السؤال (5), مكالمة (5), أذيعت (5), دان (5), الشخصية (5), كيد (5), الضراير (5), موسى (5), الناصر (5), للاجور (5), ودي (4), هالله (4), داهية (4), عمر (4), حسبنا (4), ونعم (4), الوكيل (4), دولا (4), ظالم (4), مظلوم (4), ولازم (4), آخر (4), وقع (4), فِرْعَوْنَ (4), فِي (4), الصورة (4), وَلاَ (4), المصريين (4), تميم (4), المحبة (4), مصري (4), المشاركة (4), الشهيد (4), قول (4), اعمل (4), قضى (4), بيهم (4), معناه (4), مين (4), الدم (4), الاقصى (4), وكنت (4), الحدود (4), فين (4), الوطن (4), الخطر (4), الميدان (4), مطر (4), كأنه (4), جيش (4), الايام (4), دولة (4), بلا (4), طويل (4), باقول (4), عربية (4), حقك (4), بالظبط (4), زيادة (4), بتخلى (4), حين (4), نظام (4), وعشان (4), الشمس (4), إنه (4), وبكرة (4), حتبقى (4), الف (4), الدول (4), المالكي (4), الفترة (4), العراقية (4), المجتمع (4), إعادة (4), وذلك (4), المنطقة (4), هناك (4), الرأي (4), ومع (4), يطلب (4), يوليو (4), محمود (4), تعمل (4), إسرائيل (4), بشأن (4), مواقف (4), الوصول (4), موضوع (4), موقف (4), عنها (4), نوارة (4), عموما (4), منها (4), الجهاز (4), الدستور (4), يبدو (4), امي (4), عايشين (4), مية (4), واضح (4), ويقول (4), حاجات (4), الحاجات (4), الفتاهـ (4), حاليا (4), فشلت (4), بيحصل (4), شايفة (4), رابعة (4), حصلت (4), لله (4), بيقول (4), الاخر (4), يعملوا (4), اللجان (4), اظن (4), الحد (4), نسوان (4), باكتساح (4), نفسك (4), الحاكم (4), حاسس (4), بتاعة (4), عشم (4), اخر (4), ثوار (4), للاخوان (4), عادي (4), بيها (4), عبارة (4), تسمح (4), شايفين (4), عندك (4), امال (4), يتعوضش (4), بابا (4), يرجع (4), مالوش (4), شخص (4), العملا (4), الجواسيس (4), بتشويه (4), وبعد (4), قرر (4), حاصل (4), ساعتها (4), فلوس (4), مشكلة (4), رجعت (4), حينجح (4), مرشح (4), العام (4), خفت (4), أمريكي (4), ولم (4), للبرادعي (4), إذاعة (4), يسجل (4), خطر (4), طالبا (4), الشهر (4), ولود (4), عمله (4), نجح (4), واكيد (4), الاسعار (4), يقدر (4), ييجي (4), يحط (4), فيك (4), وعندهم (4), ومعاك (4), شكل (3), ارجع (3), عادل (3), ظلم (3), كركركركركركرررررررر (3), قلة (3), المتحدة (3), نحن (3), حياتي (3), حاكم (3), وشعب (3), الصحافة (3), نفسنا (3), العظيم (3), ذنب (3), عيسى (3), 2011 (3), مرحب (3), لدعم (3), اضغط (3), والنبي (3), غصب (3), الجديد (3), الأَرْضِ (3), عَلَى (3), وَلا (3), ومصر (3), خمسة (3), المسيحيين (3), القلب (3), وكام (3), كام (3), نصيبك (3), يعنى (3), حبا (3), اكون (3), بيا (3), دار (3), اسمي (3), ابن (3), الحرب (3), سوا (3), مصريين (3), يخلص (3), اسمه (3), ياللي (3), الهوى (3), الحق (3), جمال (3), اسماءنا (3), بينهم (3), دخل (3), البيوت (3), وقلت (3), سلم (3), انزلوا (3), وكنا (3), شهر (3), والدنيا (3), وطالع (3), شعبك (3), بكرة (3), قادر (3), يجيب (3), نازلين (3), رزق (3), غيره (3), خوفهم (3), مالهاش (3), رايح (3), افدي (3), وسط (3), وربنا (3), خاف (3), خلت (3), خطة (3), بيتك (3), منه (3), رغم (3), للثورة (3), وصلت (3), رسالة (3), الوجه (3), طبيعة (3), المية (3), بقوا (3), وحتى (3), سايق (3), واهم (3), مصلحة (3), الدين (3), تمن (3), الكلب (3), الامن (3), يطلع (3), ملحوظة (3), الوزراء (3), تغير (3), الإيرانية (3), أخرى (3), أكد (3), خلال (3), ودعم (3), وجماعة (3), معه (3), جيدة (3), الشأن (3), المصري (3), يحدث (3), عدم (3), فإن (3), بسبب (3), يعتقد (3), قلقه (3), يمكن (3), القوات (3), أشار (3), إضعاف (3), الإنسانية (3), وكانت (3), أضاف (3), الضغط (3), المال (3), والسلاح (3), شبكة (3), السابق (3), بأنه (3), السلام (3), قام (3), اليمن (3), القومي (3), وقف (3), علاقة (3), الموضوع (3), لأن (3), ويكيليكس (3), خلا (3), اعرف (3), والولادة (3), الرجالة (3), ولحد (3), اسهال (3), الوحيد (3), اعتزل (3), الاطراف (3), المظلومين (3), شخصيا (3), وبمناسبة (3), اوميجا (3), النهاية (3), ظباط (3), الجيش (3), وبقى (3), اصول (3), يسأل (3), عيني (3), مشهد (3), امان (3), بصراحة (3), الظالم (3), قاعدين (3), داخلين (3), ببعض (3), حكمة (3), طويلة (3), تكون (3), وزي (3), حفل (3), تأبين (3), والثورة (3), الاحوال (3), تبلغ (3), ومافيش (3), وانتوا (3), عملنا (3), صوت (3), منين (3), انسان (3), زبالة (3), الاستفتاء (3), حجمكوا (3), اساس (3), فرحانين (3), المرة (3), زيهم (3), لازمة (3), بنعم (3), الغباوة (3), بيعملها (3), بيجيب (3), بنفسه (3), وعموما (3), بيثور (3), بالناس (3), وسخة (3), يتقال (3), ذاته (3), خلع (3), لاقية (3), طرف (3), قررت (3), تلات (3), وناس (3), فلول (3), عندهمش (3), ومصطفى (3), عايزاك (3), مدام (3), طراطيش (3), كنتش (3), الجيزاوي (3), راح (3), عملش (3), مؤامرة (3), باحاول (3), ماتش (3), متضايقة (3), وحش (3), المستشفيات (3), وكده (3), اجابة (3), الجو (3), لقته (3), قعدت (3), سجاير (3), صحابه (3), مجرد (3), لبعض (3), عرفوا (3), العادية (3), اتعمل (3), الواحد (3), الاعلى (3), بيتكلم (3), الفكرة (3), لبابا (3), البوست (3), عادة (3), سواء (3), فما (3), تتركب (3), والسيسي (3), الخونة (3), ادارة (3), بقت (3), طلعوا (3), مسرحية (3), حتصلح (3), بريء (3), ربع (3), ونص (3), الاعلام (3), شتيمة (3), رجعوا (3), النوشتاء (3), امهاتهم (3), عملت (3), ينزلوا (3), فيشلت (3), ماهو (3), ابونا (3), العميان (3), بذريعة (3), قوية (3), هتاف (3), شخصية (3), بخصوص (3), ينجح (3), معارضة (3), التيارات (3), المدنية (3), حيشفع (3), انكوا (3), حتعملوا (3), المواطنين (3), بتدعم (3), مسلم (3), يصلي (3), عااااجل (3), بوصفه (3), فده (3), بالسيسي (3), اعذار (3), العسكري (3), عبيد (3), ايده (3), النظر (3), ومرسي (3), يقدروا (3), سيادتك (3), اظنش (3), خايفين (3), استاذي (3), كيف (3), ليست (3), مقابل (3), التسجيلات (3), النيابة (3), الحربية (3), الشخصيات (3), وطالما (3), تدخلا (3), وكيف (3), النجار (3), يوسف (3), العالمي (3), قتل (3), حينفعونا (3), حيرجع (3), اكيد (3), ظنونا (3), حيبقوا (3), والكلام (3), نقول (3), زعلانين (3), سياسي (3), مبررات (3), الجمعية (3), التعاونية (3), اشتريت (3), مجزرة (3), الجماهير (3), شاذجة (3), للحكم (3), حالها (3), ابو (2), حريات (2), رمضان (2), حول (2), قوة (2), شيل (2), خالد (2), حواس (2), باع (2), حبيب (2), 114 (2), النصر (2), ندوة (2), الآخر (2), تعذيب (2), تضامنوا (2), ايد (2), المقاومة (2), الإنسان (2), بجاز (2), المدونة (2), ترحب (2), بالساداتيين (2), fuck (2), الفلاحين (2), رئيسا (2), احيه (2), يابو (2), سيد (2), احا (2), يونيو (2), مارس (2), 113 (2), 2013 (2), بهم (2), محرقة (2), موقع (2), الارهابي (2), تشتريه (2), يالا (2), بختك (2), إِنَّ (2), مِنَ (2), أَن (2), لَهُمْ (2), وَهَامَانَ (2), وَجُنُودَهُمَا (2), كَانُوا (2), إِلَى (2), لاَ (2), البرغوثي (2), أصل (2), رجاء (2), قده (2), سكوت (2), قاتل (2), تعيش (2), كامل (2), عرفش (2), وبنت (2), ولاده (2), حياة (2), شىء (2), طبيعى (2), شايف (2), القهوة (2), ساعات (2), السلامة (2), بعده (2), عاش (2), ولكن (2), سبعة (2), يتهموا (2), اجنبي (2), واسمي (2), العشرين (2), وجد (2), جداد (2), ببلاد (2), واختار (2), يثبت (2), ومين (2), يجري (2), بيني (2), وبينه (2), وام (2), ملوك (2), العيش (2), البحث (2), عمري (2), قريش (2), الحل (2), عرب (2), اهلي (2), الخال (2), اهل (2), جميل (2), تعرف (2), تعب (2), دليل (2), تقيل (2), ميت (2), واقعد (2), النيل (2), جارف (2), قليل (2), كلامي (2), حسن (2), مابين (2), بلاد (2), الشام (2), القديم (2), قبلها (2), كسروا (2), وعشرين (2), نار (2), بنات (2), جدعنة (2), والارض (2), مظاهرة (2), مطره (2), تمنها (2), تين (2), سادة (2), فرعون (2), شعوب (2), السلاطين (2), الميادين (2), ومفيش (2), خوفنا (2), الخوف (2), معروف (2), ظرف (2), امير (2), العالي (2), التحرير (2), المصاب (2), التراب (2), يتريق (2), يشتغل (2), الفل (2), قومي (2), وبصي (2), المرايات (2), وشوفي (2), الخلق (2), طالع (2), لكل (2), صبحت (2), تشاور (2), وتقول (2), شوفي (2), يتجمعوا (2), للسما (2), مراية (2), فات (2), تانى (2), منا (2), وإذا (2), جاية (2), وعايز (2), المدن (2), قوى (2), يقف (2), وبرضه (2), وفيه (2), منطق (2), النجوم (2), الأكوان (2), الموهبة (2), تحصل (2), تطلع (2), الطبيعة (2), دعوة (2), زحمة (2), واضحة (2), لحظة (2), شافوا (2), بعضهم (2), الجميل (2), بداية (2), الهجرة (2), والميلاد (2), إفرح (2), وكمل (2), تقولشى (2), رفع (2), يمينه (2), القصر (2), عينه (2), ولاة (2), الأمر (2), إيه (2), جاب (2), تلاتة (2), تسلم (2), قراية (2), اسمها (2), مليون (2), يلتزم (2), شغال (2), بلقبه (2), سلام (2), اغا (2), ادمين (2), لابس (2), قلب (2), ماتوا (2), صاحي (2), شاف (2), تاره (2), امتى (2), يابن (2), اتقتل (2), للعجب (2), يقتلوه (2), ويتوقعوا (2), مصلي (2), قدام (2), العساكر (2), الصبح (2), posts (2), comments (2), غبية (2), سكوبي (2), إيجاد (2), للعراق (2), أما (2), التعاون (2), الموقف (2), حدث (2), القادة (2), الإرهاب (2), الخارج (2), للتركيز (2), الآن (2), لديها (2), يرى (2), عاهل (2), ألا (2), وعليه (2), أمام (2), عملاء (2), الأخوان (2), تدعم (2), تحسين (2), شأنه (2), السورية (2), بالعالم (2), وأضاف (2), تغيير (2), الحزب (2), لفترة (2), القضايا (2), حكومة (2), الحريري (2), إيجابية (2), تؤكد (2), تظل (2), الحالي (2), أنها (2), تجنيد (2), مستعدون (2), يريد (2), بالفعل (2), مقبول (2), فقط (2), المشاكل (2), ستحاول (2), علاقاتها (2), وتتوقف (2), تطوير (2), تبني (2), أفضل (2), خارج (2), موجودة (2), الانسحاب (2), سيتم (2), بقوة (2), وإسرائيل (2), الرئيسية (2), الملف (2), وبناء (2), مازال (2), وأشار (2), أنهم (2), قادرين (2), خاصة (2), يجبر (2), أكثر (2), مرونة (2), يجب (2), الضفة (2), الغربية (2), قوات (2), استمرار (2), والتي (2), المناطق (2), وعباس (2), حيث (2), فتح (2), لاتفاق (2), سراح (2), المحتجزين (2), المحادثات (2), لاتفاقية (2), وعد (2), تيأس (2), إنها (2), تقوم (2), الإسرائيلي (2), صالح (2), لجهود (2), المتطرفين (2), الباكستانية (2), الوثيقة (2), المقابلة (2), السيد (2), جديد (2), خلايا (2), وسيلة (2), بقطع (2), السلاح (2), الأطراف (2), السفارة (2), الوثائق (2), وراه (2), وثائق (2), sunday (2), العنوان (2), الزيات (2), انواع (2), الشقا (2), الجري (2), المدرعات (2), الغاز (2), الجثث (2), زمان (2), الشيطان (2), مرتاح (2), عدا (2), قعد (2), قافل (2), وفين (2), مبدئيا (2), بيشوف (2), بانه (2), اليوم (2), وحدة (2), دور (2), مهتم (2), ابد (2), والكل (2), الشخص (2), دايما (2), المظلوم (2), بطلت (2), محيراني (2), الحاجة (2), النكسجية (2), حيلبسوا (2), الخازوق (2), الفتاح (2), اكثر (2), الحيط (2), قاعدة (2), ومالك (2), الامل (2), نتونس (2), قالها (2), اقدرش (2), اضحك (2), حترجع (2), تاريخي (2), عنديش (2), بتسأل (2), محتاجة (2), اخالف (2), فعل (2), تقولهم (2), يقولك (2), حاسين (2), نكسجية (2), الهولوكوست (2), مصلحتهم (2), اعتصام (2), اجماع (2), عيالها (2), الخلاف (2), الاساسي (2), التعامل (2), الجوادي (2), المهفوف (2), اوساخ (2), الوحيدين (2), مصيبة (2), وسخوا (2), اوسخ (2), وانهم (2), امريكا (2), الامر (2), التعالي (2), وبيقولوا (2), الصناديق (2), ياعيني (2), دستور (2), عملوا (2), لعملة (2), وعمالين (2), تعرفوا (2), التويتر (2), ارض (2), المهم (2), سبحان (2), الدوام (2), الملايين (2), تفتكر (2), بينما (2), نزلتش (2), اولا (2), تخلي (2), لولا (2), اجوان (2), فطبيعي (2), بنسبة (2), بغيره (2), وبس (2), فكرت (2), حتعرف (2), افعال (2), اصل (2), ماشي (2), المثل (2), مكشوف (2), عني (2), الحجاب (2), قرب (2), مهم (2), فاكرة (2), وممكن (2), عرفته (2), اخبار (2), تضايق (2), وعرفت (2), نبوءة (2), بيأخون (2), بيفل (2), جاله (2), وعارفة (2), والواحد (2), ومحمد (2), انطسوا (2), واهبل (2), اخوانجي (2), ناويين (2), الطرف (2), اسم (2), سيساوية (2), علاء (2), محسوبة (2), ارهابي (2), ارهابية (2), الاخوانجي (2), بكري (2), بتهمة (2), شايفاه (2), يروح (2), تقلق (2), لوحدك (2), شاء (2), القرار (2), هاذوها (2), والدة (2), عملها (2), شوفناه (2), مقتنع (2), الانسانية (2), تماما (2), عارفها (2), للسيسي (2), ذاتك (2), الملكية (2), منطقي (2), ومات (2), اسمع (2), حضراتكوا (2), بتحصل (2), حاعمل (2), ويبدو (2), الاجابة (2), مباشرة (2), وتخلف (2), حياته (2), بينضرب (2), قصاد (2), الجوع (2), وعاش (2), الدكتور (2), صحتك (2), شاب (2), عشرين (2), بمنتهى (2), البساطة (2), راحت (2), مكان (2), بياخد (2), وغير (2), جلطة (2), شبه (2), الحالة (2), بمعنى (2), بقه (2), دكتور (2), يعيش (2), الرعاية (2), الفقد (2), 100 (2), تصرفات (2), سيجارة (2), مالك (2), وراح (2), مراته (2), عاملة (2), فيا (2), مغرز (2), اقابل (2), ودايما (2), بافكر (2), تصرف (2), توقعتش (2), الاب (2), الاستاذ (2), والصاحب (2), والمثل (2), قلبي (2), مخي (2), يقولي (2), يفتكر (2), ترد (2), بسم (2), يقرا (2), بوست (2), الالكترونية (2), اكبر (2), عدد (2), قاصدة (2), بالك (2), اكتب (2), عرفا (2), تتجاوز (2), خلق (2), ميتين (2), بتاعتي (2), بان (2), دين (2), wednesday (2), البيبرونات (2), اوعى (2), وحط (2), الفلوس (2), بلاش (2), ابسلوتلي (2), امنع (2), مننا (2), اصلا (2), وليه (2), مالهمش (2), بياخدوا (2), معاها (2), يرجعوا (2), اسرائيل (2), محفوظ (2), حتسمح (2), عبرحيم (2), هاتلي (2), حلاوة (2), كالاماتا (2), النشطاء (2), تسمع (2), القبيضة (2), عميل (2), طابور (2), خامس (2), والولية (2), ابنها (2), لبس (2), قضية (2), بلدي (2), وبقوا (2), ينحاز (2), ابتدا (2), وقبيض (2), خسروا (2), اعتزال (2), الفرق (2), وليس (2), تشويه (2), ياكلوا (2), وخلصت (2), الشهور (2), دبحنا (2), يسمح (2), بيحب (2), يكتبوا (2), صاحب (2), يتصاحب (2), بإنهم (2), التقدير (2), لاثي (2), اخطأ (2), والثوار (2), بالجزم (2), ابوه (2), تدور (2), واول (2), تيجي (2), عقلهم (2), شوفت (2), ناوي (2), ويشخطوا (2), عنف (2), جبهة (2), حقيقي (2), شعار (2), الرئاسة (2), تحصيل (2), قرار (2), حاقوله (2), لحكم (2), لجأ (2), عمالة (2), السياسيين (2), بيتكلموا (2), ارادة (2), المعارضة (2), كنتوا (2), مرحلة (2), تصوراته (2), حتيجي (2), الحياد (2), واي (2), عليكوا (2), وطول (2), فظيعة (2), فاشية (2), دينية (2), بيدعموه (2), وفوق (2), بيقدم (2), الصحيح (2), وزعلتوا (2), والا (2), زعلتوا (2), شهور (2), الصلاة (2), بتصلي (2), الدينية (2), بالعكس (2), خوف (2), جملة (2), اقوى (2), عصرت (2), شرير (2), العبيط (2), اثناء (2), وبصرف (2), النقطة (2), حوار (2), لقب (2), الرسالة (2), اللقاء (2), انزل (2), برنامجه (2), قضاء (2), اللهم (2), عقله (2), معنويا (2), فهو (2), فشل (2), يشهر (2), شهية (2), والعمالة (2), وتقاضي (2), المشارح (2), وهذه (2), وضابط (2), خطاب (2), وقبل (2), الضمانة (2), يتم (2), المونتاج (2), أثناء (2), ضابط (2), أحد (2), الثالث (2), مكالماتنا (2), للنيابة (2), تهمة (2), السب (2), والقذف (2), مكالمات (2), محدق (2), يكمن (2), الصحفي (2), المذكور (2), للآخر (2), لعبد (2), يقتلوا (2), شخصا (2), أحكام (2), القضاء (2), بلد (2), المداحين (2), سلطة (2), يعرف (2), الاصل (2), غيرهم (2), لبتوع (2), شايلة (2), تنكد (2), الصبر (2), سلموا (2), ماهم (2), بيحاولوا (2), يتعلموا (2), وبيحاولوا (2), السكة (2), ينتخبوا (2), يعيشوا (2), متوقعين (2), حقهم (2), اهي (2), انتخبته (2), خليه (2), وحشة (2), المصالح (2), ومخاوفنا (2), يخلف (2), ويدي (2), ويعمل (2), عام (2), حيشوط (2), عشمانين (2), خصوصا (2), انتخبوه (2), ابوهم (2), الاغنيا (2), الفعلي (2), وكويس (2), نقعد (2), راحوا (2), ونعمل (2), اتلعب (2), ناجح (2), حنعمل (2), مالناش (2), السنة (2), اتبهدل (2), مالكوش (2), ضهر (2), الكتير (2), الزملاء (2), خربوا (2), الاوامر (2), حاقبض (2), يثبتوا (2), بيكسروا (2), غلبان (2), خاطرهم (2), للعمال (2), لدرجة (2), معايا (2), حنعيش (2), ياميش (2), وربع (2), نافعين (2), بيفهموا (2), الاسلاميين (2), المجانين (2), بيفهموش (2), الاعتصام (2), كتبت (2), المقال (2), اعتمادا (2), عيشتهم (2), يتفرجوا (2), المطبلاتية (2), اعلام (2), اقصى (2), متخيل (2), وتلغي (2), وترفع (2), عداوة (2), المؤامرة (2), اخد (2), بالحب (2), ياخد (2), مسيحي (2), الست (2), متخيلة (2), صالحين (2), دبح (2), اساعدك (2), يتعدل (2), simple, theme, powered, blogger, class, يلعن, العنصرية, لااااااااااااااهوووييييييييييييييييييييي, قمحنا, وسية, سواسية, وائل, هويدا, الجد, والجد, مصريون, التعذيب, حزينة, بتولع, بينا, بتولد, مصحة, مدد, تونس, متفرقات, متحملين, ياهم, الخيلان, والعم, تغوروا, يتأمموا, مقاومة, كفر, العلو, أووووبابا, 202, مندسة, قانون, القرني, انتظار, جودو, 175, فلسطين, لبيك, الهئ, نكونش, بنضيع, وقتنا, بهايم, عشوائيات, تضربش, قفاك, عسسسسسسسسسل, عته, رسمي, صحافة, بيضا, رجلك, رقبتي, كابتن, القوة, ودولا, العز, الأسرى, سعيد, ارضه, ولاااااااااااااد, أرضه, ولاااااااد, تطهير, الدعاء, اصحاب, التشريفات, 268, 118, حدوتة, ملتوتة, تقرف, جدعنات, كلاكيت, تويت, توضيح, تهييسات, يرحمكم, حمكم, بيييييييض, مسلووووووووووق, بقين, جامدين, ايش, عرفك, خليتوا, عقل, باحبك, بلادي, النقاب, حقوق, المولعين, المحلة, أكبر, العبارة, ماتت, نسلم, الحرية, لمن, يحملون, أرواحهم, أكفهم, الجزمة, لينا, البسطويسي, الالتراس, عواطلية, شوفوا, شغلانة, الاعجاز, العلمي, العلمك, افففففف, افرجوا, اسرانا, اضرابات, اشحن, شكرا, اسلام, نبيه, استغفر, استر, ارقع, بالصوت, اخص, سوسو, شومان, خخخخخخخخخخ, 163, اتفووووو, تريكة, 117, ابداعات, شمعة, حسني, أىىىىىىى, الرصين, wikirebels, google, samina, malik, field, negro, black, skin, white, masks, assange, anti, virus, 186, labels, 2006, 494, 2007, 161, 996, 2008, 145, 746, 2009, 522, 2010, 367, 2012, blog, archive, بالمهيسين, ايتام, الديمقراطية, الامريكية, view, complete, profile, about, sign, stop, war, gaza, will, not, down, للمساهمة, متحف, صور, واخبار, وفيديوهات, عربي, وانجليزي, بصوا, شكله, يدوبك, يستاهل, جايزة, بدر, نوفل, لسحب, جائزة, نوبل, عضو, الهجانا, بيريز, new, holocaust, بوزك, اشتري, كتابي, followers, مروة, غالب, حمل, كتاب, شمس, تسطع, الغرب, عَلا, وَجَعَلَ, أَهْلَهَا, شِيَعًا, يَسْتَضْعِفُ, طَائِفَةً, مِّنْهُمْ, يُذَبِّحُ, أَبْنَاءَهُمْ, وَيَسْتَحْيِي, نِسَاءهُمْ, إِنَّهُ, كَانَ, الْمُفْسِدِينَ, وَنُرِيدُ, نَّمُنَّ, الَّذِينَ, اسْتُضْعِفُوا, وَنَجْعَلَهُمْ, أَئِمَّةً, وَنَجْعَلَهُمُ, الْوَارِثِينَ, وَنُمَكِّنَ, وَنُرِي, مِنْهُم, مَّا, يَحْذَرُونَ, وَأَوْحَيْنَا, أُمِّ, مُوسَى, أَنْ, أَرْضِعِيهِ, فَإِذَا, خِفْتِ, عَلَيْهِ

Text of the page (random words):
ما حضرتش حفل تأبين ابويا ومش السبب اني لسه والدة السبب ان ابويا نفسه مات حاعمل ايه بحفل التأبين انا اتحرمت من الحضن ده ومافيش حاجة حتعوضني عنه حضراتكوا عارفين ان انا نفسة وكده ومن ثم فمتابعتي للاشياء اللي بتحصل في الحياة مش على مستوى الاحداث وعموما احسن عشان كل ما اعرف حاجة بالمصادفة او اسمع طراطيش كلام الاقي اخبار تغم وتقرف الكلب الاعور الحزين والزعل وحش على اللي زيي وحرام عليا الانسانة المسكينة دي اللي ربنا ابتلاها بيا كفاية من ساعة ما خلفتها دايرة بيها على المستشفيات والدكاترة والحضّانات والحمد لله على كل حال وانا كل ما الاقي نفسي متضايقة اقول ربنا اللي عمل كده فارتاح وانا مش باحاول اريح نفسي ولا حاجة هو ربنا فعلا اللي عمل كده اهو ما انا لخصت لكوا حياة ابويا اهو ما ماتش وقت ما كان منطقي يموت ومات وقت ما كان مش منطقي يموت على كل حال سمعت طراطيش ان الجيزاوي اتحكم عليه وبيتجلد تقريبا او حاجة كده عرفت الموضوع ده من اخوانجي كان بيزايد عليا ويسألني مش حتقولي طظ في ذاتك الملكية زي ايام الاخوان وانا مش عارفة ليه هو عرص غير انها حكمة ربنا برضه لان حملة طظ في ذاتك الملكية دي كانت فترة حكم طنطاوي مش مرسي بس يبدو ان الاخوان شايفين ان طنطاوي جزء من حكم الاخوان هم ادرى بس هم سربوا للسيسي تسجيل بيقول فيه ان طنطاوي هو اللي ورا كل ده وما معناه احنا عايشين بحسه حية مولفة طنطاوي ده وحيموت على سريره عشان تبقوا عارفين يعني اهو ده الوحيد اللي مش حيجرا له حاجة على كل الدواهي اللي عملها كلنا لابسين في حيط وداخلين على ايام سودا والسواد اللي شوفناه قبل كده كوم واللي جاي علينا كوم تاني وحيطول كل الناس بما فيهم اللي رقصوا قدام اللجان الا طنطاوي حيفضل في مأمن وبكرة تشوفوا وحتى في الاخرة مش عارفة ربنا حيحاسبه ازاي اصله الراجل مقتنع انه بيعمل ده كله عشان الوطن وخير الانسانية ومقتنع تماما انه انقذ البلد من مؤامرة كونية هو نفسه مش عارفها وواضح ان السيسي كمان مش عارفها بدليل انهم عمالين يدوروا عليها في تسجيلات عبد الرحيم علي بس واضح كمان انهم مقتنعين فعلا ان فيه مؤامرة يعني بيشتغلوا نفسهم كمان مش بيشتغلونا احنا بس احنا ايه للي جابنا هنا اه الجيزاوي فانا بقى هاذوها الكائنات الاخوانجية بتزايد على ايه مش عارفة اذا كان احنا تظاهرنا عشان الجيزاوي ايام طنطاوي واللي راح يلحس شبشب الملك كان الكتاتني ومحمد حسان ومصطفى بكري رجل كل العصور وبعدين مرسي مسك الحكم وما عملش حاجة للجيزاوي واحنا ما عملناش مظاهرات ولا حاجة عملنا ندوة بس ثم انا حاتظاهر عند السفارة ازاي وانا والدة وبطني مفتوحة من الحاجات المؤلمة جدا اللي حصلت وعرفتها برضه طراطيش كلام لاني ما كنتش في حالة تسمح لي اعرف ان باسم محسن مات مات تاني يوم ما ولدت وما حدش قال لي عرفت بعد كده ومن غير تفاصيل باسم بقى ده عبارة عن ملخص للثورة المصرية باسم داخلية مبارك اصابته في 28 يناير 2011 طنطاوي طير له عينه في محمد محمود مرسي حاكمه عسكريا وسحلوه في جمعة كشف الحساب وعذبوه واخيرا السيسي قتله وريحه من الشقا المتواصل ده وعرفت ان الاخوان اتصنفوا جماعة ارهابية وعموما احنا حندفع تمن القرار الاحمق ده زي ما دفعنا وبندفع تمن فض اعتصام رابعة بالقوة انا مش عايزاكوا تقلقوا من حاجة احنا لابسين لابسين كلنا يعني اللي بيقرن وبيوسخ وبيطبل عشان فاكر انه بينجي نفسه مش حينجو من حاجة حيلبس معانا طرفين في منتهى الشر والغباوة بيتصارعوا واحنا في النص زي سرحان عبد البصير والحقيقة اللي انا شايفاه ان الطرفين المتصارعين قرروا يولعوا في نفسهم وياخدوا بعض بالحضن ويدفسونا معاهم فكلنا مولعين بجاز وسخ ومافيش اي جندلة ولا وساخة حتنجي حد من حاجة وعلى رأي امي اللي يروح في داهية ما يتوهش ومش عايزاك تقلق انت تقلق لو رايح في داهية لوحدك انما مدام كلنا رايحين فيها يبقى فيه ونس ان شاء الله مش حتبقى لوحدك هو ايه سبب انهم صنفوا اي حد يتقال عليه اخوان انه ارهابي غير انهم مش عارفين يسيطروا الاخوان جماعة ارهابية طيب حتعرفهم منين الاخوان دول ما عندهمش قوائم عضوية وما عندهمش كارنيهات انت ناسي دي جماعة محظورة ثم ان دول لما كانوا في الحكم كانوا بيبقوا اخوان ويقولوا انا مش اخوان على فكرة يبقى حتعرف منين الاخوانجي هو القاسم المشترك اللي بين الاخوان كلهم انهم لزجين ودمهم تقيل بس دي خاصية لا ينفرد بيها الاخوان بس يعني لو قررت تعتمد الصفتين دول عشان تحدد الاخوانجي يبقى حتقبض على عبد الرحيم علي ومصطفى بكري بتهمة انهم اخوان عرفت كمان ان احمد ماهر ومحمد عادل واحمد دومة انطسوا تلات سنين وناس بتقول عليهم احسن يستاهلوا عشان محمد عادل واد رخم واهبل وفي ناس بتستشهد بكلامي لما اتخانقت معاه وقلت له انت اخوانجي طيب يعني هم ناويين يحبسوا كل اللي انا باتخانق معاهم مثلا انا موافقة على فكرة لو معيار الحبس اي حد نوارة تتخانق معاه يبقى قشطة بس الحقيقة انا مش فاهمة هم التلاتة اللي عكس بعض دول انطسوا تلات سنين ليه والاهم هي الناس شمتانة فيهم ليه بالنسبة للاخوان هم قاعدين يشمتوا على روحهم عادي بس الطرف التاني اللي انا مش عارفة اطلق عليهم اسم ايه بالتحديد ما ينفعش اقول عليهم فلول بس لان مش كلهم فلول وما ينفعش اقول سيساوية بس لان مش كلهم سيساوية هم ينفع يتقال عليهم الوجه الآخر لعملة الاخوان ومع عدائهم المريع للاخوان بس هم فولة واتقسمت نصين من الاخوان الحقيقة دول حتى هم الاتنين شمتوا ان علاء عبد الفتاح اتقبض عليه والاتنين قالوا ان ربنا انتقم من علاء عشان شتم الشعراوي والطرفين بيحبوا الشعراوي ومسميين نفسهم الثائر الحق ممكن يكونوا بيشمتوا من نفس المنطلق اللي خلا ام علي الزيات تبلغ عنه وانا الحقيقة ما اقدرش اهاجم الطرفين فقط واتجاهل بقية الاطراف بما فيهم ناس انا محسوبة عليهم او هم محسوبين عليا عشان فيه حالة وساخة عامة يعني اللي بيأخون بيأخون بوساخة اللي بيفل بيفل بوساخة اللي بيثور بيثور بوساخة حتى اللي عامل عنده ضمير بيضمّر بوساخة برضه انا كنت باقول فسية شيطان بس واضح ان الموضوع تطور والشيطان جاله اسهال وطرطش ولغوص الكل عشان كده مش متشجعة قوي اشارك في ما يحدث في الحياة اولا انا عارفة ديتها وعارفة اننا لابسين لابسين ثانيا انا مش لاقية طرف مش متعاص كاكا حتى اللي عاملين ثوار واصحاب مبادئ طبعا مش لانهم عملا وجواسيس بس لانهم متلخبطين والواحد لما يتلخبط يعتزل زي ما انا قررت اعتزل كده لان فعلا المشهد مربك وقد تكون دي اخر نبوءة لابويا اصل ابويا كل اللي حصل قبل كده هو تنبأ به وقد يكون موته في حد ذاته نبوءة للي جاي خلع ابويا خلع وعرفت ايه تاني عرفت ايه تاني عموما مش مهم ممكن اكون مش فاكرة وممكن اكون ده كل اللي عرفته بس انا الحقيقة مش حاعرف اعمل حاجة حيال اللي انا عرفته ده غير اني اتضايق لان كلها اخبار تضايق وردود افعال الناس اللي مع واللي ضد كمان تضايق زي ما قلت في روح وسخة لابسة البلد كلها وفي ظلم كتير قتلى كتير مساجين مظلومين كتير افترا كتير وامهات بتبلغ عن عيالها اظن مافيش اوسخ من كده واظن قرب قوي الوقت اللي لما حد يتقال له يابن الوسخة يفرح او يقول للي بيشمته انا ابن وسخة وبنت وسخة كمان بالنسبة للاستفتاء فانا من اول ما ابتدوا يعملوا الدستور وانا متوقعة ان نسبة المشاركة حتبقى كبيرة قوي وان نعم حتكتسح ايا كان اللي مكتوب في الدستور مش لاني مكشوف عني الحجاب ابويا ومالك مصطفى بس هم اللي مكشوف عنهم الحجاب لكن لاني عندي دم وباحس بالناس الناس تعبت وعلى راي امي حين تردد المثل الشهير اللي كانت بتقوله جدتي تعليقا على اي حد زهقان وعايز يخلص إخري في طاقيتي خليني امشي اولا الناس مستفزة جدا بفتح الفاء وكان ممكن الغباوة اللي بيعملها النظام الحاكم ضد الاخوان تخلي الناس تتعاطف مع الاخوان تاني لولا الغباوة اللي بيعملها الاخوان ردا على الغباوة اللي بيعملها النظام وكل واحد فيهم عمال يجيب اجوان في نفسه بس لحد دلوقت هداف الاخوان اللي بيجيب اجوان في نفسه مكتسح فطبيعي الناس حتصوت بنعم وحتشارك بنسبة كبيرة ومش عارفة اي حد كان متوقع حاجة تانية كان متوقعها ازاي البعيد ما عندوش دم ما هو لو كل انسان حس بغيره كان مشاكل كتير اتحلت لكن اظن ان اغلب المشاكل اللي حصلت لنا سببها ان ماحدش حاسس غير بنفسه هو وبس وبخسائره هو بس ومش عارف يحس بغيره لو فكرت تحس بغيرك حتعرف تتوقع حاجات كتير من ردود افعال الناس اما موضوع الرقص ده فسببه انهم عايزين يكيدوا الاخوان وعموما النسبة العالية بتاعة المشاركة والتصويت بنعم دي مش في مصلحة النظام الحاكم خالص مع انها مش متزورة ولا حاجة بس تنم عن عشم يودي في الداهية اصل الشعب ده ماشي بمبدأ ماحدش بيثور قوي الا لما يتعشم قوي زي ما اتعشم في الاخوان وبعدين اتغابى عليهم انا ما نزلتش طبعا مش عشان مقاطعة لا سمح الله بس عشان السبب ده الاستفتاء مش متزور ونسبة المشاركة فعلا كبيرة والناس فعلا قالت نعم نعم نعم نعم نعم نعم نعم من جوه القلب بس ده الاستفتاء الاول في تاريخ البشرية اللي بيتقبض فيه على اللي بيصوت بلا مع ان لا مكتوبة في البطاقة يعني لو التصويت بلا عيب او خيانة كاتبينه ليه في البوطاقة عاملين كمين للخونة الايام بينما بكرة حيعملوا انتخابات ويرصدوا اللي ما نزلش يصوت ويقولوا عليه مقاطع ويقبضوا عليه احسن تفتكر نفسك يعني حتفلت لما ما تشاركش في عملياتهم الانتخابية آه ده احنا مصحصحين قوي طبعا ياعيني الوجه الاخر لعملة الاخوان اللي هم مجموع اللي ضد الاخوان بس عاملين زيهم ماسكين في الثوار وعمالين يقولوا لهم عشان تعرفوا حجمكوا يا نكسجية انزلوا من التويتر على ارض الواقع انا سمعت الكلام ده فين قبل كده يا اخواتي اه بعد انتخابات مجلس الشعب اللي كسب فيه الاخوان باكتساح يا فندم احنا عارفين حجمنا كويس وماحدش فينا قال اننا من الاغلبية الصامتة ولا الناطقة احنا من الاقلية اللي مالهاش لازمة المهم تعرفوا انتوا حجمكوا هيييييييييه سبحان من له الدوام الملايين اللي نزلت تصوت بنعم دي هي هي ذات نفسيتها اللي نزلت انتخبت الاخوان باكتساح في مجلس الشعب هو الشعب كده زي الخيارة بالنسبة للبوس اللي اكله الظباط على صداغهم بجد صعبوا عليا ربنا ما يحكم نسوان المصريين على ظباط اما يا عيني الاخوان فهم عايشين في عالم موازي وبيقولوا ان مافيش اقبال على الاستفتاء هههههههههههه وبيقولوا الشرعية للشارع مش للصناديق الاخوان بيشككوا في الصناديق بعد ما كانوا بيقولوا لنا الصناديق هي لعبتنا وانتوا منعزلين عن الشارع واعرفوا حجمكوا ياعيني ع الحلو اما تبهدله الايام لا ونازلين يعملوا لبش في اللجان هو في حد بيعمل ثورة على شعب يا عم انت والاخوان مسميين الدستور ده دستور الدم على اساس ان مجلس الشعب اللي كانوا فرحانين بيه ما كانش مجلس شعب معمول على الدم برضه اظن يعني انتخابات مجلس الشعب كان على دم ضحايا محمد محمود واحنا ما نزلناش نحاول نمنع اللجان انها تشتغل زي ما الاخوان عملوا المرة دي مش لاي سبب غير لان اي حد عنده الحد الادنى من المفهومية ما يصحش يتحدى الشعب سوا شايفه غلطان ولا صح على الاقل لان دي معركة مش متكافئة كانت فاطمة عابد قالت لي انت مش ملاحظة ان الناس في سنة واحدة بالغت قوي في كره الاخوان اكتر ما كرهوا مبارك في 30 سنة فقلت لها السبب الاساسي هو التعالي مافيش انسان في الدنيا يكره قد اللي يتعالى عليه ويحسسه انه زبالة وانه جاي ينضفه وده الاحساس اللي وصله ومازال بيوصله الاخوان للناس احنا جايين ننضفكوا احنا الساجدين الحرائر وانتوا العبيد ووصل الامر بصفحة اخوانية تكتب تقول احنا اللي عملنا لكوا صوت وفي الاخر تشيعونا هم جايببين الاوهام دي منين والنبي ده حتى المهفوف محمد الجوادي بيقول ان الاخوان مهمين للامن القومي وانهم هم اللي حيبنوا مصر زي ما البيوريتانز بنوا امريكا احنا عايشين في عنبر العقلاء والله والحقيقة احنا في مصيبة كبيرة مصيبة كبيرة والثورة فيشليت زي اللمبي بالظبط ومافيش سبب لكل اللي بيحصل لنا دلوقت غير الاخوان حصرا حصلت لهم معجزة منزلة من السما خرجوا من السجن على الحكم وبدل ما يتواضعوا لله ويتقوا ربنا وسخوا اوسخ وساخة والحقيقة كمان فيه اجماع على وساخة الاخوان حتى الاخوان نفسهم مقرين انهم وسخين انت عمرك سمعت حد من الاخوان غير محمد الجوادي المهفوف لما تقول له انتوا اوساخ يقولك لا مش اوساخ والله ما حصل كل دفاعهم مش احنا الاوساخ الوحيدين في البلد طيب اذن بما ان فيه اجماع على وساخة الاخوان بما فيهم الاخوان نفسهم ايه اللي موقع الناس في بعضها ومخليهم يخونوا بعض ويضربوا بعض والامهات تبلغ عن عيالها الخلاف الاساسي في كيفية التعامل مع هذه الوساخة في ناس شايفة اننا لازم نبيد الاخوان والحقيقة ان الحل ده فوق انه متوحش مش عملي وكمان مكلف احنا ما عندناش ميزانية ابادة الى جانب ان نتائجه مش مضمونة هتلر عمل محرقة لليهود وبرضه ما عرفش يبيدهم وكانت النتيجة ان اليهود استغلوا الهولوكوست وكان الهولوكوست في مصلحتهم زي ما فض اعتصام رابعة في مصلحة الاخوان كده وفي ناس كرد فعل للناس اللي عايزة تبيدهم بتنضم ليهم وهي سادة مراخيرها ولما تقولهم بتعصروا لمون تاني ليه يقولك ما احنا واضح اننا حنضطر نعصر لمون في كل الاحوال وهي وجهة نظر برضه بسبب حالة الوساخة العامة فهم حاسين انهم لو حيعصروا لمون في كل الاحوال يا اما على الاخوان يا اما على ناس بتقول عليهم نكسجية يبقى على الاقل ما يتضامنوش مع اللي في السلطة بس انا عندي امكانية اني اعتزل كل الاطراف وانا ضميري مرتاح انا مش محتاجة اثبت حاجة لحد ومش عايزة اخالف ضميري ولا حاقدر اخالف ضميري وماعنديش حاجة عايزة اكسبها عارفة ان كان فيه ناس بتسأل عليا كنوع من انواع الاستعباط والوساخة وفي ناس بتسأل عشان نتونس ببعض زي ما انا باسأل عليهم بس انا عايزة اقول لكوا اني فعلا مش عارفة ربنا اللي بيعمل كل حاجة فعلا وانا ما عنديش اي اجابات تانية يعني ابويا مات والثورة فشلت والناس اتهبلت في تزامن تاريخي عجيب وزي ما حفل تأبين ابويا ما حضرتوش لان الحفلة مش حترجع لي اللي مات حفل تأبين الثورة اللي بيحصل دلوقت مش ناوية احضره ممكن كلمة الثورة فشلت تكون خبطت في وش حد ضايقته دلوقت بس انا ما اقدرش اغش حد ولا اضحك على نفسي ومش ناوية اشهد زور مهما حصل فاجتنبوا الرجس من الاوثان واجتنبوا قول الزور بصراحة مافيش امل حاليا دلوقت ومبارك قالها لنا كلمة حكمة من سنين طويلة احنا داخلين على ايام سودا مش حتلاقوني عندي الامل اللي ممكن ناس يكون نفسها اديهولها عشان نتونس ببعض انا اسفة انا كنت قاعدة اقول ايام سودا واحنا داخلين على ايام سودا ومالك مصطفى زعق لي وقالي ما تقوليش كده للناس وتحبطيهم وبعدين مؤخرا قال لي اللي جاي اسود من اللي فات فكده خلاص بقى الحاجة الوحيدة اللي محيراني اللي قاعدين شمتانين في النكسجية دلوقت حيلبسوا معانا ذات نفس الخازوق واللي بيبلغ عن عياله عشان خونة هو نفسه حيتهم انه خاين كمان شوية واللي فرح في اسراء عبد الفتاح انها تم الاعتداء عليها حينضرب هو كمان يعني حتى اكثر الناس فلولية وسياسوية حيلبسوا في الحيط وصعبانين عليا محيراني ليه لاني بطلت انبسط لما ربنا ينتقم من الظالم بطلت ادعي على الظلمة ربنا يوريهم في نفسهم وعيالهم اللي هم قابلينه على المظلومين لان بقالنا 3 سنين ربنا لما بينتقم من الظالم انا اللي بازعل لما دخلت اودة العمليات وانا باولد دعيت الدعوة الآتية يا رب انصف المظلوم على خير وانت اعلم بيه واهدي الظالم على خير وانت اعلم بيه بصراحة لان الكل بقى ظالم والكل بقى مظلوم ومش حاقدر اقول اني مش حيرانة ومش محتاسة وان الامور واضحة وضوح الشمس بالنسبة لي كنت الاول باقول جانب المستضعف دايما امان جانب المظلوم دايما امان بس دلوقت الكل بقى مستضعف وغلبان ومظلوم والكل بقى مفتري وجبار وظالم في ذات نفس الوقت نفس الشخص في مشهد 1 ظالم في مشهد 2 مظلوم حتى ابد الفتاهـ اوميجا هههههههههههههههههههههههههه يا عيني والله لما سمعت التسجيل صعب عليا هو ازاي يعمل كده ازاي يبقى فيه تسجيل في الاودة وهو عارف وبيكلم صحفي ويحكي حاجة زي دي ويقول له خليها بيني وبينك وكان رئيس مخابرات مبدئيا موضوع انه بيشوف حاجات بتتحقق دي انا سمعتها من زمان من ايام مرسي دي حاجة مترددة في محيطه على الاقل عرفت من حد من ظباط 8 ابريل انه معروف في الجيش بانه بيشوف فعلا حاجات وبتتحقق اه والله قال لي كده وقال لي كمان انه شاف ان طنطاوي حيبقى وزير دفاع في اليوم الفلاني وحكى له لما كان بيمر على وحدة ولما اتحققت طنطاوي دور عليه وبقى يتفائل بيه بس الحاجات اللي هو شافها دي تفسيراتها مش حلوة على فكرة لها معاني كان اصول يسأل عليها لو مهتم بدل ما يحكيها لياسر رزق في تسجيل مش قلت لكوا كل الناس غلابة اوميجا يعني النهاية والسادات مات مقتول وانا مش حافسر اكتر من كده عموما جيران سيدنا الحسين منفوحين كلهم ربنا ما يحرمناش منه وبمناسبة سيدنا الحسين ده قعد شهر قافل على نفسه سيدنا الحسين يعني حتى سيدنا الحسين كان قافل وفين وفين لما فتح الخلاصة اني انا شخصيا مش مبسوطة بس حالة الوساخة دي او اسهال الشيطان مطرطش على الصورة ومخليني مش عارفة اتخذ موقف واضح وابقى ضامنة ان ضميري مرتاح ومش ظالمة حد الموقف الوحيد اللي مريح ضميري اني اعتزل كافة الاطراف طبعا ما عدا الاسرى المظلومين ولحد ما حد يجيب مية وصابون ويمسح اسهال الشيطان انا بارضع بنتي بقى دلوقت انا مافيش حاجة شغلاني غير اني ارجع لوزني اللي كنت عليه قبل الحمل واشد حيلي لان الحمل والولادة والرضاعة بجد هدوني هدة غير مسبوقة ده كنت فريد شوقي زمان الحمل والولادة خلوني ولا الاخوان اخيرا كلمة حق انا جربت انواع كتير من الشقا بدءا من الجري ورا المدرعات او الجري من المدرعات مرورا بالنوم على الرصيف وشم الغاز وانتهاءا بالاضراب عن الطعام والوقوف وسط الجثث النوم على البلاط في السجن كل ده كوم وتعب وشقا الحمل والولادة كوم تاني بجد يعني الاخوة الرجالة عايشين كومبارس صامت في الدنيا دي اللي ما حملش وولد ما شافش شقا ولا تعب ومن هنا نفسي اعرف ام علي الزيات بعد التعب ده كله بلغت عنه ازاي نسيت صحيح للي بيسال عن العنوان ده عنوان رواية امي قالت لي عنها دورت عليها بس هي مختفية لكن عجبتني الصورة اللي في العنوان posted by unknown a...